Njewočakowano wulki zajim Empfehlung

Dienstag, 02. Februar 2016
Artikel bewerten
(0 Stimmen)
Namołwa sakskeho statneho ministerstwa za kultus, wo nowym šulskim zakonju zjawnje diskutować, je wčera jara wjele zajimcow do Budyskeho Schilleroweho gymnazija přiwabiła. Ministerka Brunhild Kurth (CDU, naprawo) wužiwaše tež składnosć k wosobinskej rozmołwje z mnohimi přitomnymi.  Foto: Carmen Schumann Namołwa sakskeho statneho ministerstwa za kultus, wo nowym šulskim zakonju zjawnje diskutować, je wčera jara wjele zajimcow do Budyskeho Schilleroweho gymnazija přiwabiła. Ministerka Brunhild Kurth (CDU, naprawo) wužiwaše tež składnosć k wosobinskej rozmołwje z mnohimi přitomnymi. Foto: Carmen Schumann

Zhromadnje z wobydlerjemi wo naćisku šulskeho zakonja rozmyslować

Budyšin (SN/MiR). Słyšeć a zapřijeć zjawnosć do wuhotowanja přichodneho sakskeho šulskeho zakonja, to zbudźa wulki zajim. Tole dopokaza diskusija z wobydlerjemi wo nowelěrowanju zakonja wčera wječor w Budyskim Schillerowym gymnaziju. Wjace hač 200 ludźi bě so w awli kubłanišća zhromadźiło, šulscy nawodźa, wučerjo, šulerjo, starši, předewzaćeljo, zastupjerjo komunow a krajneje politiki. „Tónle zajim nas jara překwapja, swědči pak wo tym, kak jara so wobydlerjo za temu kubłanje angažuja“, rjekny sakska statna ministerka za kultus Brunhild Kurth (CDU). Je tomu prěni króć, zo so sakske ministerstwo w diskusiji wo zakonju na zjawnosć wobroća. Telko ludźi kaž w Budyšinje pak njebě so na žanej z dotalnych diskusijow w Pirnje, Mišnje a Frankenbergu wobdźěliło. Zastupjerjo serbskich institucijow, kaž z Domowiny, Rěčneho centruma WITAJ a Serbskeho šulskeho towarstwa, wčera pódla njeběchu.

Veröffentlicht in Kubłanje
Bitte anmelden, um einen Kommentar zu posten

Serbska debata

Neuheiten LND