Jubilejna olympiada zahajena Empfehlung

Dienstag, 19. April 2016
Artikel bewerten
(0 Stimmen)

Lětuše nadawki měrja so bóle na wukon jednotliweho wobdźělnika

Wodowe Hendrichecy (SN/MiR). Najlěpši serbšćinarjo, 72 šulerjow šesteho lětnika z dźesać šulskich kubłanišćow Hornjeje, srjedźneje a Delnjeje Łužicy, wu­bědźuje so wot wčerawšeho do jutřišeje srjedy we Wodowych Hendrichecach. Předsydka Serbskeho šulskeho towarstwa Ludmila Budarjowa skedźbni při witanju­ wobdźělnikow wčera připołdnju w kulturnym domje dźěćaceho wočer­st­wjenišća „Querxenland“ na jubilej a poda temu olympiady, „Woheń“. „Nimale połojca wobdźělnikow lětušeje 50. centralneje olympiady serbskeje rěče je maćernorěčneho pochada, štož nas jara zwjesela“, rjekny Ludmila Budarjowa. Zdobom maja tam 14 šulerjow z Delnjeje Łužicy a to z Choćebuskeho Delnjoserbskeho gymnazija, kaž tež ze zakładneju šulow Žylow a „Krabat“ Janšojcy. Dale wobdźěleja so šulerjo z wyšich šulow Ralbicy, Worklecy, Radwor, Budyšin a Slepo kaž tež gymnaziasća z Budyskeho Serbskeho a Wojerowskeho Lessingoweho gymnazija. Wobchadna rěč mjez wjetšim dźělom dźěći je hornjoserbska.

Veröffentlicht in Kubłanje
Bitte anmelden, um einen Kommentar zu posten

Anzeige