Čakaja dale na dobyće

Dienstag, 21. Mai 2019
Artikel bewerten
(0 Stimmen)
Za Alexandera Dórnik (na wobrazu), kapitan koparskeje rezerwy SJ Chrósćicy, njebě to w Małym Wosku jenož derby, ale tež duel přećiwo swojemu bratrej Stefanej, kotryž hraje za SC Mały Wosyk.  Foto: Jörg Stephan Za Alexandera Dórnik (na wobrazu), kapitan koparskeje rezerwy SJ Chrósćicy, njebě to w Małym Wosku jenož derby, ale tež duel přećiwo swojemu bratrej Stefanej, kotryž hraje za SC Mały Wosyk. Foto: Jörg Stephan

SC Mały Wosyk – SJ Chrósćicy II 1:0 (0:0)

Zestawa domjacych: Anders – R. Mandel, Weiland, Marx, T. Mandel, M. U. Khan (90. Kreuzmann), S. Dórnik (74. Koreng), K. Lugge, P. Lugge, Kreuz, M. Brězan (82. Mandel)

Zestawa hosći: Hejduška – Mark, Zynda, Klimant (61. Richter, 85. M. Dórnik), Wowčer, A. Dórnik, Bětnar, Mohaupt, M. Donat, J. Donat (69. Lešawa), Žur

Koparska rezerwa Chróšćanskeje SJ bě sej minjenu sobotu do bliskeho Małeho Wosyka dojěła, zo by w derbyju swoju seriju bjez dobyća zakónčiła. Tež hrajerjo domjaceho mustwa nadźijachu so na dypki, wšako woznamjenja aktualne poslednje městno w tabulce wokrjesneje ligi, stafle 2 zestup.

Wot wšeho spočatka běchu hosćo jara ofensiwnje nastajeni a chcychu přez kontrolu strašne nadběhi natwarjeć. Ale přećiwnik w defensiwje wušiknje agěrowaše. Tak zwostachu Chróšćanam jeno třělwy zwonka šěsnatki, kotrež w nuzy wrotar domjacych Dominik Anders wot­- wobara. Jich koparjam poradźichu so přez dołhe přihrawki nadběhi, škit hosći kołowokoło Heika Zyndy pak je podusy. Jeničce dwaj strašnej róžkaj na woběmaj bokomaj w prěnim połčasu njedaštej něhdźe 30 přihladowarjam žanu přiležnosć k wyskanju.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND