Wěra do žiwjenja po smjerći
Bonn (B/SN). W nowembrje na zemrětych spominamy. Naprašowanje Kölnskeho instituta YouGov za žiwjenjom po smjerći je konfesionalne rozdźěle pola 2 043 ludźi zwěsćiło. 23 procentow katolskich a 18 procentow ewangelskich křesćanow do žiwjenja po smjerći kruće wěri, pola njewěriwych zwěsćichu podźěl wosom do 19 procentow. Młódši bóle do toho wěrja hač starši ludźo. Kóždy šesty čłowjek so smjerće jara boji.
Strachi ludźi njeznjewužiwać
Drježdźany (B/SN). W zwisku z wólbami krajneju sejmow w Sakskej a Durinskej je biskop Heinrich Timmerevers před prawicarskim populizmom warnował. Wón praji: „Štóž škara a šćuwa je zapaler a žadyn posoł měra. Štóž strachi ludźi znjewužiwa, zo by so wolerjam lubił, wohrožuje drohotne kubło towaršnostneho měra.“
Předołho mjelčeli
Serija dobyćow so skónči
Radebergske ST –
SJ Chrósćicy 2:0 (0:0)
Zestawa hosći: Králíček – Mark, F. Cyž (46. Sentiwan), B. Cyž, Kreuz, L. Zahrodnik (85. Graf), M. Zahrodnik, G. Zahrodnik, Matješk, Bogusz (69. C. Handrik), Młynk (78. Matik)
Sobotu podachu so Chróšćenjo do Radeberga z cilom swoju seriju njeporaženych hrow dale wutwarić. Tola hižo w předpolu bě jasne, zo budźe to wulki bój.
Spočatk hry so wobě mustwje wosebje na swójski škit koncentrowaštej. Přewažny srědk wobeju cyłkow běchu dołhe bule. Tute pak hustohdy cil njedocpěchu. Za to standarty kaž tež zamjety strašne situacije wutworichu. SJC wšitke nadběhi koncentrowanje wotwobara a tak wrotam zadźěwa. Chróšćenjo so prěni króć přez wólny kop w hrě přizjewichu. Po tym, zo bě wrotar dołhu flanku misnył, pak njezamó Klemens Mark kulowatu kožu z hłowu we wrotach zaměstnić. Dalšu dobru šansu měješe Gabriel Zahrodnik. Jeho wólny kop wrotar hosći wurjadnje wujasni.
Mjeztym hižo pjatu dypkowu hru přewjedło je dorostowe blidotenisowe ...
Z dypkom na štwórte městno
ST Horni kraj Sprjewja –
Sokoł Ralbicy/Hórki 1:1(0:1)
Zestawa hosći: Chr. Gloxyn – Heidorn, Rachela, Šewc, Bejmak (90. Budar), Mjechela, Domaška, Wałda, Šołta, Korjeńk, D. Gloxyn
Naročny nadawk mějachu chowancy trenarja Tomaša Henčela. Pola druheho tabulki w Hornim kraju běše jasne, zo wisaja kiće chětro wysoko. Hraješe so w Korzymje na kumštnym trawniku, štož Sokołam poprawom tak njeleži. Tuž chcychu z dobrej defensiwu hrać a spěšnje do ofensiwy měnjeć.
Wobě mustwje najprjedy na so łakaštej, prjed hač prěnje šansy wuskočichu. Tak so Pětr Domaška jónu wušiknje w šěsnatce zwjertny, tola w poslednim wokomiku bu hišće myleny. Tež pospyt Dawida Šołty ničo njewunjese. Na tamnej stronje pospyta so Mecir, ale jeho třělwa z 23 metrow wrota misny. Krótko do połčasa Sokoljo nawjedowachu. Domaška so znowa zwjertny a widźeše, zo wrotar kusk předaloko před klětku steješe a jeho přezběhny (42.). Rutinjej docpě swoje dźewjate sezonowe wrota, a tuž wažne nawjedowanje za hosći.
Widźał, słyšał, napisał (13.11.23)
Awtor dźensa
Křesćan Korjeńk
Wuslědki (13.11.23)
Krajna klasa
1. FV Přezjednota Niska 12 46 : 7 28
2. SZ Drježdźany Strěžin 11 25 : 17 23
3. Drježdźanski SC 12 25 : 19 23
4. Póst Germania Budyšin 12 21 : 29 19
5. Rakečanske ST 12 22 : 29 17
6. ST Wesenitzal 12 22 : 24 16
7. Radebergerske ST 12 19 : 26 16
8. SG Weixdorf 12 21 : 18 15
9. BSV Sebnitz 12 19 : 17 15
10. FSV Nowosólc-Hródk 11 19 : 18 15
11. Wojerowski FC 12 19 : 22 14
12. SJ Chrósćicy 11 16 : 21 14
13. Mód.-běli Zschachwitz 12 25 : 28 12
14. FSC Wódrjeńca 11 24 : 30 12
15. VfB Běła Woda 11 23 : 31 12
16. Rotacija Drježdźany 11 12 : 22 12
Sport (10.11.23)
Wolejbulowy derby
Prěnjej wolejbulowej cyłkaj muži Sokoła Budyšin a ST Marijineje hwězdy hrajetej dźensa wječor w Słóńkecach (Schlungwitz). Prěni domjacy hrajny dźeń w sakskej klasy změje jutře, sobotu, wot 14 hodź. mustwo žonow Viktorije Worklecy.
10.11. 18:30 ST Hnašecy-Dobruša –
Sokoł Budyšin
10.11. 19:30 ST Hnašecy-Dobruša –
ST Marijina hwězda
10.11. 20:30 Sokoł Budyšin –
ST Marijina hwězda
11.11. 14:00 Viktoria Worklecy –
Hamor Běła Woda (ž)
11.11. 16:00 Viktoria Worklecy –
VV Žitawa 09 (ž)
18.11. 14:00 Rózbork –
Viktoria Worklecy II (ž)
18.11. 14:00 Viktoria Worklecy –
Mó.-běli Wojerecy (m)
18.11. 16:00 Viktoria Worklecy –
MSV Budyšin 04 (m)
Serbski koparski derby
Klóšterscy koparjo su jasny faworit w přichodnej derbyjowej dypkowej hrě, njedźelu we wokrjesnej lize stafla I. Před ćežkim nadawkom steji prěnje mustwo Sokoła Ralbicy/Hórki. Wone dyrbi w Korzymje přećiwo druhemu tabulki wokrjesneje wyšeje ligi nastupić.
11.11. 13:30 Biskopičanske KT –
VfB Auerbach
11.11. 14:00 Módro-běli Kulow –
SG Großnaundorf
11.11. 14:00 ST Horni kraj-Sprjewja –
Sokoł Ralbicy/Hórki
11.11. 15:00 Radebergerske ST –
SJ Chrósćicy
12.11. 14:00 ST Radwor – Wachau
12.11. 14:00 ST Marijina hwězda –
SJ Chrósćicy II
18.11. 14:00 SJ Njebjelčicy – Lubuš II
Wulki bój wo dobyće
SJ Chrósćicy –
FSV Wódrjeńca 2:0 (1:0)
Zestawa domjacych: Králíček – Mark, F. Cyž, B. Cyž, Hawš, L. Zahrodnik (86.Wencl), M. Zahrodnik, G. Zahrodnik, Matješk (83. Rätze), Bogusz (71. Matik), Młynk (71. C. Handrik)
Zo sudnik hru na Chróšćan trawniku docyła zahwizda, njebě do toho docyła jasne. Dla dešća zašłych dnjow bě trawnik chětro mokry a hłuboki. Na kóncu pak su sudnik a kapitanaj rozsudźili, zo so hra zahwizda. Hosćo běchu zašłu hrajnu dobu z krajneje ligi zestupili a běchu tak faworit. Chróšćenjo běchu minjene tydźenje we wuběrnej formje. Tola na domjacym trawniku hišće njejsu dobyli.
Wuslědki (09.11.23)
Kopańca, krajna klasa
Póst Budyšin – SG Weixdorf 2:0 (2:0)
SJ Chrósćicy – FSC Wódrjeńca 2:0 (1:0)
1. FV Přezjednota Niska 11 45 : 7 25
2. SZ Drježdźany Strěžin 10 22 : 16 20
3. Drježdźanski SC 11 22 : 19 20
4. Póst Germania Budyšin 11 20 : 26 19
5. SG Weixdorf 11 21 : 17 15
6. ST Wesenitzal 11 22 : 24 15
7. BSV Sebnitz 11 19 : 17 14
8. FSV Nowosólc-Hródk 10 19 : 18 14
9. SJ Chrósćicy 10 16 : 19 14
10. Rakečanske ST 11 20 : 28 14
11. Radebergerske ST 11 17 : 26 13
12. Mó.-běli Zschachwitz 11 24 : 26 12
13. FSC Wódrjeńca 10 23 : 27 12
14. VfB Běła Woda 10 23 : 28 12
15. Wojerowski FC 11 16 : 21 11
16. Rotacija Drježdźany 10 12 : 22 11
Wokrjesna wyša liga
ST Ćisk – SC Großröhrsdorf 5:5 (1:3)
SG Großnaundorf – ST Radwor 2:1 (1:0)
Němske Pazlicy – Kulow 2:2 (0:2)
Sokoł Ralbicy/Hórki – Połčnica 3:1 (1:1)
1. Biskopičanske KT II 11 41 : 6 30
2. ST Horni kraj-Sprjewja 11 38 : 10 28
3. ST Hnašecy-Dobruša 11 50 : 18 26
4. SG Großnaundorf 11 22 : 21 23
5. Sokoł Ralbicy/Hórki 11 26 : 13 22
6. TSV Połčnica 11 20 : 21 18
7. SC Großröhrsdorf 11 25 : 20 17
8. Módro-běli Kulow 11 24 : 20 16
9. Drohotka Ramnow 11 23 : 22 14
10. Natw. Němske Pazlicy 11 27 : 38 12
11. HZ Łaz/Běły Chołmc 11 10 : 23 12
12. FV Ottendorf-Okrilla 11 14 : 24 10
13. Hlinowski SK 11 20 : 27 8
14. TSV Wachau 11 22 : 35 8
15. ST Radwor 11 14 : 36 7
16. ST Ćisk 11 14 : 56 1
Po běrtlk hodźinje hra zakónčena
SJ Chrósćicy II –
SG Motor Kumwałd 0:0
Zestawa domjacych: Škoda – J. Donat, M. Donat, Zynda, Mark, Wornar, Handrik, Wencl, Matik, Rätze, Graf
Sobotu nastupištej rezerwa sportoweje jednotki z Chrósćic a prěnje mustwo sportoweje jednotki z Kumwałda k dypkowej hrě we wokrjesnej lize na trawniku w Hórkach. Fanam skićeše so spodźiwny wobraz, wšako stejachu k zakopej w połojcy hosći jenož wosom hrajerjow.
Wot spočatka sem přewzachu Chróšćenjo kontrolu a spytachu sej přećiwo hłuboko stejacemu, ale jasnje deciměrowanemu přećiwnikej móžnosće wuhrawać. Tak hrajachu přez cyłu šěrokosć pola, zo bychu tak nastate rumy wužili. Po wólnym kopje skići so móžnosć, jako Kito Mark wysoku přihrawku před wrota hłójčkowa, tola přichwatany Alwin Graf jeno žerdź trjechi. Bórze so pokaza, zo ani wšitcy wosmjo z Kumwałda stoprocentnje fit njeběchu. Po dwanaće mjeńšinach dwaj z nich hižo dale hrać njemóžeštaj a tuž wothwizda sudnik hru při stawje 0:0. Poprawom dóstanu Chróšćenjo hru dla dočasneho zakónčenja za sebje z 3:0 přiličenu, to pak ma so hišće přez wokrjesne instancy wobkrućić.
