Zakónčenje z programom zapřahow
Wo hłownej zhromadźiznje Viktorije
Něšto wjace hač 50 čłonow Viktorije Worklecy je do tamnišeje ćěłozwučowarnje přišło, zo bychu bilancu zašłeho sportoweho lěta kaž tež rozprawu wjesnjanosty Franca Bruska (CDU) ke klětušemu přetwarej ćěłozwučowarnje zhonili. Hłownu zhromadźiznu Viktorije zahaji dołholětny předsyda Alojs Mikławšk.
Powšitkownje móže Viktoria na dobre lěto zhladować. Ličba sobustawow je so tróšku powjetšiła, štož je zdobom wuskutk wuspěšneho dorostoweho dźěła blidotenistow kaž tež angažementa volleyballistkow, Dźiwich mickow. Financna bilanca je nimale wurunana, wuslědki jednotliwych cyłkow porno tomu su chětro rozdźělne. Prěnje blidotenisowe mustwo je dobre 3. městno docpěło, druhe a třeće zastupnistwo dyrbještej přećiwo zestupej wojować. Wuspěch měješe jenož zastupnistwo Worklecy III, tak zo Worklecy II po jednym lěće we wobwodnej klasy klětu zaso we wokrjesu nastupja. Prěnje volleyballowe mustwo bu z jeničkim dypkom zastatka wicemišter we wobwodźe, we wokrjesu wubědźi sej druhe zastupnistwo dobre štwórte městno. Dźiwje micki běchu pjate.
W Holešowskej Dubrawce wotmě so wot pjatka do njedźele lětuši ...
Lech Poznań pólski mišter
A tole je kónčna tabulka:
1. Lech Poznań 67 : 33 43
2. Legia Waršawa 64 : 33 42
3. Jagiellonia Białystok 59 : 44 41
4. Śląsk Wrócław 50 : 43 35
5. Lech Gdańsk 45 : 47 29
6. Wisła Krakow 56 : 48 28
7. Górnik Zabrze 50 : 60 26
8. Pogoń Szczecin 45 : 52 22
Pozdźišo hač pola nas w Němskej su so w susodnej Pólskej koparske mišterstwa zakónčili. Hakle poslednje hry wosom najlěpšich mustwow po předkole su mjez načolnej trójku rozsudźili. Lech Poznań doby w šleskim Zabrzu wysoko 6:1 a zawěsći sej titl z jeničkim dypkom předskoka před Legiju Waršawa, kotraž zhubi hišće w hrě bjez wrotow pola Lecha Gdańsk hižo nimale wěste mišterstwo. Waršawa jako lońši mišter a pokalny dobyćer wšak ma k třećemu tabulki Jagielloniji Białystok tohorunja jenički dypk předskoka. Białystok bě překwapjenka hrajneje doby a smě nětko prěni raz we wubědźowanju wo europski pokal nastupić.
Sezonu z poražku zakónčili
LSV Hory – SJ Chrósćicy 3:1 (1:0)
Zestawa hosći: Teschner – Pöpel, Schulze, Pohling, Bětnar, Dehn (88. Teichmann), Runt, Domaška, Šafář, Zahrodnik (60. Hawš), Žur
K swojej poslednjej wonkownej hrě sezony 2014/2015 we wokrjesnej wyšej lize podachu so koparjo Chróšćanskeje SJ na Hory. Tam chcychu na wukony minjenych tydźenjow nawjazać a sej znajmjeńša dypk zaručić. Při horcym wjedrje pak njemějachu nimale přez cyły čas žanu šansu přećiwo sylnym domjacym. Woni wrota Teschnera strašnje nadběhowachu. Po wólnym kopje pak zleća hłójčkowany bul jenož na łatu. Přichodny nadběh hosćićela přez lěwu stronu wuži Rösner a trjechi k 1:0 (20.). Chróšćenjo drje ćišć nětko zesylnichu, ale stoprocentowske móžnosće so jim njeposkićichu. Dehn a Žur z dalokimaj třělwomaj wrota snadnje misnyštaj.
Widźał, słyšał, napisał (15.06.15)
Pawole, njestróž so! Ty sy mi sobotu rano pola rěznika něšto přeradźił, štož so mi dźensa prima do sportoweje kolumny hodźi. Dwaj a poł dnja pozdźišo móžeš tu nětko čitać, zo je tomu woprawdźe tak, zo so trenarska dwójka Andreas Schulze/Steffen Hübner do Chrósćic njewróći. Hakle zašły tydźeń srjedu bě předsydstwo SJ Chrósćicy na swojej internetnej stronje wozjewiło, zo stej zrěčeni z Dirkom Rettigom a Falkom Kunzu wupowědźenej, a zo su noweho trenarja a kotrenarjam spěšnje namakali. Dale tam tež dźensa hišće rěka: „Trenarske duwo Andreas Schulze a Steffen Hübner wot 1.7.2015 wokrjesneho wyšeho ligista přewozmje a powjedźe jeho do štwórteje sezony we wokrjesnej wyšej lize Zapadołužiskeho koparskeho zwjazka.“ Podpisało je wozjewjenje předsydstwo Chróšćanskeje SJ. Zašły štwórtk rano je Serbski rozhłós wo tym rozprawjał a štwórtk wječor tež hišće Serbske Nowiny, wšako bě to oficialna zdźělenka sportoweho towarstwa a nic někajke powědanje.
Wuslědki (15.06.15)
Kopańca, wokrjesna wyša liga
Kumwałd – Hnašecy 0:2 (0:1)
Ćisk – Kulow 7:1 (1:1)
Połčnica – Großröhrsdorf 1:2 (1:1)
LSV Hory – Chrósćicy 3:1 (1:0)
Póst Budyšin – Ralbicy/Hórki 0:2 (0:5)
Ramnow – Bukecy 3:2 (1:1)
Sepicy – Biskopicy II 4:3 (3:2)
Wojerecy 1919 – Wachau 0:3 (0:0)
1. Biskopicy II 29 96 : 32 63
2. Ćisk 29 86 : 34 60
3. Großröhrsdorf 29 77 : 42 60
4. LSV Hory 29 73 : 39 56
5. Ralbicy/Hórki 29 63 : 33 54
6. Póst Budyšin 29 69 : 68 52
7. Kumwałd 29 56 : 50 38
8. Chrósćicy 29 57 : 48 37
9. Kulow 29 49 : 66 37
10. Ramnow 29 44 : 53 36
11. Hnašecy 29 51 : 71 30
12. Bukecy 29 43 : 81 29
13. Połčnica 29 44 : 66 28
14. Wachau 29 51 : 94 26
15. Sepicy 29 46 : 89 24
16. Wojerecy 1919 29 20 : 59 23
Wokrjesna liga, stafla I
Póst Budyšin II – Bart 90 3:0 (2:0)
ST Budyšin – HZ Budestecy 4:1 (1:1)
Wulka Dubrawa – Hodźij 3:3 (1:1)
Wjernarjecy – Malešecy 1:3 (1:2)
Kubšicy – Załom 3:4 (1:4)
Minakał – Wóspork 1:3 (0:1)
Wjelećin – Radwor 0:2 (0:1)
1. Wjelećin 27 79 : 34 64
2. ST Budyšin 27 71 : 30 51
3. HZ Budestecy 27 58 : 44 50
4. Kubšicy 27 60 : 42 46
5. Załom 27 78 : 50 44
6. Wóspork 27 64 : 59 44
7. Radwor 28 56 : 37 41
8. Malešecy 27 74 : 64 40
9. Hodźij 27 35 : 53 28
10. Póst Budyšin II 27 32 : 66 28
11. Minakał 27 34 : 61 26
12. Wulka Dubrawa 27 48 : 60 24
13. Wjernarjecy 27 37 : 52 24
14. Njeswačidło 27 34 : 58 24
15. Bart 90 27 31 : 81 14
Sport (12.06.15)
Płuwać, kolesować, běhać
W Moritzburgu wubědźuje so jutře, sobotu, a tež njedźelu zaso něhdźe 1 700 triatletow. Tež serbscy triatleća su znowa do startowych lisćin zapisani. Njedźelu w 9 hodź. budźe w hrodowym haće mjez druhim płuwanski start na olympiskej distancy za Daniela Matku (Lejno), Mariana Žura (Lejno), Bena Šołtu (Miłoćicy), Floriana Dórnika (Nowa Wjeska) a Tomaša Matku (Chrósćicy). Po 1,5 km we wodźe, 40 km na kolesu a 10 km na běhanskej čarje wočakuja prěnich sportowcow wokoło 11 hodź. w cilu.
Mišterstwa skyjumpa
Njedźelu, 14. junija, přewjedu so při Bjerwałdskim jězoru w Hamorje na Južnej dróze 4 prěnje němske mišterstwa w nowej sportowej družinje skyjump. Loni mějachu prěnje wuchodosakske wurisanje, lětsa nětko cyłoněmske. Skakać budu na wulki powětrowy zawk, hdźež leži dalši skakar, kiž so tak do wody katapultěruje. Prěni přechod budźe wot 14.30 do 15.30 hodź., druhi wot 16 do 16.30 hodź., połfinale w 16.30 hodź. a finale w 17.30 hodź.
Wobornicy so wubědźuja
Tereza Pöpelec z Chrósćic sensacionelny rekord nastajiła
Najlěpši lochkoatleća Serbskeho gymnazija Budyšin:
1. Tereza Pöpelec 8-1 411 dypkow
2. Clara Heller 9-2 325 dypkow
3. Kira Hrjehorjec 9-1 294 dypkow
4. Rejzka Rawšec 9-1 292 dypkow
5. Larissa Měrćinkec 6-1 277 dypkow
6. Józef Hantuš 10-4 268 dypkow
7. Anna Richter 9-2 263 dypkow
8. Matej Cyž 10-4 259 dypkow
9. Marie-L. Matješkec 10-1 255 dypkow
10. Vivien Jäckel 5-3 254 dypkow
Maria-H. Bretšnajderec 8-4 254 dypkow
Serbski gymnazij lochkoatletiski třibój na Młynkec łuce wotměł
Jako prěnja sportowča Serbskeho gymnazija Budyšin (SGB) je nětko Tereza Pöpelec z Chrósćic w lochkoatletiskim třiboju magisku hranicu 400 dypkow překročiła. Wurjadna sportowča zmištrowa na Budyskej Młynkec łuce běh na 50 metrow w 6,8 sekundach, wona skoči 4,58 metrow daloko a storči kulu na 9,72 metrow. Tak docpě šulerka z rjadownje 8-1 w sumje třoch disciplinow sensacionelne 416 dypkow, štož woznamjenja nowy rekord na SGB. Hakle před třomi lětami bě Marie-Monique Tempel, nětko šulerka 11. lětnika, z 399 dypkami dotalny rekord nastajiła.
Do Holešowskeje Dubrawki
Jěchanske a jězdne towarstwo Njeswačidło přewjedźe wot jutřišeho hač do njedźele, 14. junija, jěchanski a skakanski turněr na jěchanišćomaj w Holešowskej Dubrawce. Jutře, pjatk, su wubědźowanja wot 17 do 18 hodź., sobotu wot 8 do 20 hodź. a njedźelu wot 9 do 16.30 hodź.
Tež wjacore regionalne jěcharki a wjacori regionalni jěcharjo su do startowych lisćin zapisani. Tak su to na přikład Hana Brězanec z Prawoćic, Jakub Hantuš z Radworja, Křesćan Zahrodnik z Chrósćic, André a Stefan Schlegel z Kulowa a wězo tež Hana Lehderec, kotraž startuje za Njeswačidło. Za jěchanske a jězdne towarstwo Při Klóšterskej wodźe Pančicy-Kukow nastupitej Sabina Narćikec-Wawrijowa a Aleni Oelmann.
Za dźěći změja tam sobotu a njedźelu tež wjacore zaběry. Lubowarjam konjacych zapřahow pokazaja njedźelu popołdnju showprogram. SN
