Chróšćenjo třeći króć dobyćerjo – smědźa sej pokal zdźeržeć

Po dwěmaj lětomaj přestawki přeprosychu sej Worklečenjo 30. hodownika zaso na tradicionelny halowy turněr wo pokal gmejnskeho zwjazka CDU do tamnišeje sportownje. Přeprošenju běchu mustwa z Róžanta, Noweje Wjeski, Serbskich Pazlic, Chrósćic, Pěskec a Worklec sćěhowali. W prěnjej stafli přesadźištej so mustwje Worklecy młodźina II a Worklecy ženjeni do połfinala. W druhej stafli wuwojowachu sej Chróšćenjo a Pěskečenjo tiket za semifinale. Tak nastupichu w prěnim połfinalu Chróšćenjo přećiwo ženjenym Worklečanam a w druhim połfinalu Pěskečenjo přećiwo druhemu mustwu Worklečanskeje młodźiny. Chróšćenjo zamóchu połfinale z 4:0 jasnje za sebje rozsudźić. Dalšu hru wo zaćah do semifinala mustwo z Pěskec snadnje z 2:1 doby. W małym finalu sej Worklečanska młodźina II potom třeće městno zdoby. Hra skónči so z 5:2 za hosćićela.

Widźał, słyšał, napisał (02.01.23)

Montag, 02. Januar 2023 geschrieben von:
Awtor dźensa Křesćan Korjeńk

,,Strowe nowe lěto a njech­ so wam wšike waše přeća a předewzaća spjel­nja“, to přeju wam, lubi čitarjo našeje póndźelnišeje sportoweje kolumny, w mjenje sobustawow Sportoweje jednotki Widźał-Słyšał-Napisał lěta 2023. A slubju wam, zo budźemy so stajnje prócować wěrjepodobne přinoški napisać, tež hdyž so pola někotrych hdys a hdys poslednje słowo druhdy ,,wuměni“. Potajkim žane fake news!

Wěrne nažel je, zo zemrě před něšto dnjemi drje najznaćiši swětowy kopar Pelè. W poslednich dnjach mnozy wo nim rozprawjachu a na njeho spominachu. Sym raz za tym pytał, čehodla rěkaše Pelè runje Pelè? Cyle jasne drje so to dopokazać njemóže, ale w swojej awtobiografiji pisa sam, zo bě wobdźiwar ,,Bilè“, wrotarja mustwa Vasco Sao Lorenco. Měješe pak ćeže při wurjekowanju mjena a tak nasta z ,,Pilè“ skónčnje ,,Pelè“. Připódla prajene, znaju serbskeho koparja z přimjenom ,,Pile“. Zwažu sebi prajić, zo z njeho žadyn Pelè njebudźe.

Sport (30.12.22)

Freitag, 30. Dezember 2022 geschrieben von:

Silwesterske běhi w Budyšinje

Na poslednim dnju lěta 2022 přewjedu so w Budyšinje 55. silwesterske běhi. Zamołwići Budyskeho lochkoatletiskeho sportoweho towarstwa Čerwjeno-běli 90 maja tři čary w poskitku: 2,6; 5,4 a 10,8 kilometrow. Start a cil wšitkich běhow budźetej zaso w stadionje na Młynkec łuce, a to wot 9.30 hodź. Přizjewjenja su tež jutře na městnje hišće móžne.

Liški hraja dźensa doma

Po poražce 3:5 pola EV Landshut srjedu su so Łužiske lodohokejowe liški zaso do Běłeje Wody wróćili, zo bychu dźensa po seriji třoch poražkow zaso raz dypkowali. Do Łužicy přijědźe štwórty z DEL2 EC Bad Nauheim. Budźe to prěnja z třoch domjacych hrow w běhu jednoho tydźenja.

30.12.  19:30  Łužiske liški –

  EC Bad Nauheim

03.01.  19:30  Łužiske liški –

  LP Crimmitschau

06.01.  19:30 Łužiske liški –

  Wjelki Selb

Wukubłaja nowych sudnikow

Žane dypkik hodam

Donnerstag, 29. Dezember 2022 geschrieben von:

Łužiske lodohokejowe liški – EHC Freiburg 0:4 (0:0, 0:2, 0:2)

Mały dar za Liški k hodam

Mittwoch, 28. Dezember 2022 geschrieben von:

Krefeldske pinguiny –

Łužiske lodohokejowe liški 2:1 p.p. (1:0, 0:0, 0:1 – 1:0)

Jednota Kamjenc cyle w pincy

Po njewšědnymaj zymskimaj přestawkomaj w hrajnymaj dobomaj 2020/ 2021 a 2021/2022 su nimale wšitke ­koparki a wšitcy koparjo w aktualnej sezonje w normalnej přestawce mjez prěnjej a druhej połseriju. Jenož za koparjow prěnjeho mustwa Jednoty Kamjenc to njepřitrjechi. Zamołwići Jednoty su mustwo hišće do hód z krajneje ligi wotzjewili. Hač do kónca ­hrajneje doby pak wostanje mustwo z nul dypkami a bjez wrotow w tabulce krajneje ligi.

kopańca, wyša liga mužojo

1. VfL Halle 16 23 : 16 30

2. FC Eilenburg 15 27 : 16 29

3. Biskopičanske KT  14 33 : 12 27

4. SV Módro-běli Zorbau 15 31 : 23 24

5. VfB Kśišow 16 29 : 26 24

6. SC Freital 16 25 : 22 24

7. VFC Plauen 15 37 : 21 23

8. VfB Auerbach 16 21 : 17 22

9. FC Jedn. Wernigerode 15 28 : 29 19

10. FC Grimma 15 19 : 17 17

11. Ludwigsfeldski KK 15 18 : 21 17

12. SG Union Sandersdorf 14 13 : 21 17

13. SV Westerhausen 15 22 : 33 17

14. FC Jednota Rudolstadt 14 21 : 25 16

15. Hor. Łuž. Neugersdorf 15 11 : 23 16

16. FC An der Fahner Höhe 14 18 : 26 15

17. Wacker Nordhausen 15 19 : 31 15

18. Budissa Budyšin 15 17 : 33 12

krajna liga

1. FSV Motor Marienberg 15 37 : 17 36

2. Großenhainski FV  15 31 : 10 33

3. SSV Markranstädt 15 36 : 12 31

4. Rjemjesło Rabenstein 16 30 : 21 30

5. SG Taucha  14 28 : 12 29

6. Radebeulski BC  16 37 : 29 29

7. VfB Empor Glauchau 15 26 : 18 26

8. VfB Fortuna Kamjenica 16 32 : 30 23

9. Drježdźany Laubegast 15 36 : 28 21

10. Radefelder SV  15 29 : 29 20

11. VfL Pirna-Copitz  15 17 : 27 16

12. FC Módro-běli Lipsk 16 18 : 37 15

13. FC Lößnitz 13 22 : 24 14

Na lětušim Nócnym wolejbulu Pawka je minjeny pjatk wječor dwanaće mustwow wo pokal serbskeho młodźinskeho towarstwa hrało. Na 150 wopytowarjow bě sej na turněr do Radworskeje sportoweje hale Slavia dojěło. W finalnej hrě přesadźi so mustwo ­Dwójna nula z Pančic-Kukowa přećiwo mustwu Bojažiwcy, přećelskemu kruhej młodostnych z Radworskeho, Worklečanskeho a Baćońskeho kónca. Foto: Jörg Stephan

Wjele lubjacy nowostartw Němskich Pazlicach

Mittwoch, 28. Dezember 2022 geschrieben von:

Druhi dźeń hód je za mnohich sportowsce zajimowanych kruće zaplanowany, znajmjeńša dopołdnjo. Tola minjenej dwě lěće dawaše na tutym datumje „jenož“ sport za črjewa. To měješe so w lěće 2022 zaso změnić. A tak so tež sta. 250 ludowych sportowčow a sportowcow ­dósta dopomnjenku za sportowe koło wokoło Němskopazličanskeho wulkeho hata. Wobdźělnicy pohibowachu so we wšelakich formach joggujo, spěšnje chodźo, w stilu nordic walkinga, kolesujo, pućujo abo woni ćišćachu dźěćace wozyčki. Nowostka lětsa bě, zo měješe koło wjacore drjewjane husycy na štomach. Na nich stejachu widźomnje za kóždeho wobdźělnika podaća distancy w metrach, kotruž bě hižo absolwował.

FCE Choćebuz: Personalny karusel wjerćał

Dienstag, 27. Dezember 2022 geschrieben von:

Bě to jenož připad? Tež krótko do hód 2022 je FC Energija Choćebuz swojich fanow z personalnymi rozsudami překwapiła. Poł lěta do kónca dźěłoweho zrěčenja skónči so zhromadne dźěło z jednaćelom Andrejom Schillbachom. Prěnjotnje hišće hač do lěća 2023 płaćace zrěčenje so k 31. decembrej 2022 rozwjaza. Bywši sobudźěłaćer w lodosporće Běła Woda bě w nalěću 2020 zastojnstwo pola FCE nastupił, zo by w Choćebuzu we wobłuku sponsoringa a akwizy dźěłał. Pozdźišo bu do zastojnstwa jednaćela zběhnjeny. Nětko su so na to dorozumili, zrěčenje wupowědźić. Nawoda marketinga Sebastian Berge budźe nětko nawod zarjada přewzać.

Koparski dorost sportoweju jednotkow Chrósćicy a Njebjelčicy starobneje klasy młodźiny F je krótko do hodowneje přestawki dalši treningowy turněr přewjedł. Po tym zo běchu Chróšćenjo spočatk decembra we Worklecach, wotmě so tónraz zhromadny trening w Chróšćanskej sportowni. Po krótkim zhromadnym sćoplenju wubědźowachu so młodźi koparjo w modusu kóždy přećiwo kóždemu. Tak hromadźachu dźěći wažne nazhonjenja w mnohostronskich hrajnych situacijach. Wosebje halowa kopańca je pola najmłódšich jara woblubowana, wšako su pohiby a akcije jara spěšne a tuž bjez wulkeje wostudy. Na kóncu małeho turněra so pokazane wukony skrótka wuhodnoćichu a z medalju mytowachu. Foto: Tadej Cyž

Anzeige