Remis w serbskim koparskim derbyju
SJ Njebjelčicy –
SJ Chrósćicy II 1:1 (1:1)
Zestawa SJ Njebjelčicy: Nico Hahn – Gabriel Čornak (61. Robert Lejnart), Nico Šuster, Christoph Pawlik, Józef Matješk, Gregor Herrmann, Florian Domš, Clemens Reinelt, Anton Malaškin (63. Kai Tomschke), Oliver Domš, Ronny Hanuza
Zestawa SJ Chrósćicy: Jakub Škoda – Michał Donath, Fabian Kola, Beno Sćapan (78. Toni Čornak), Jonas Zynda, Tadej Kral, Stefan Liznar, Caspar Dźisławk, Bosćij Donat (68. Filip Mark), Tomaš Domaška, Kito Mark
Minjenu njedźelu bě druhe mustwo SJ Chrósćicy na Njebjelčanskim trawniku z hosćom. Wot spočatka běše jasne, zo budźe to ćežka hra, dokelž mějachu Njebjelčenjo z Chróšćanami přećiwnika z podobnym hrajnym stilom před sobu.
Wuslědki (17.05.23)
Kopańca, wokrjesna liga stafla II
ST Wulka Dubrawa – ST Lubuš 2:1 (0:1)
Němske Pazlicy II – ST Hlinowc 3:1 (1:0)
Módro-běli Minakał – LSV Hory 3:4 (3:1)
SJ Njebjelčicy – SJ Chrósćicy II 1:1 (1:1)
1. ST Hlinowc 21 80 : 23 54
2. ST N. Němske Pazlicy II 21 56 : 27 42
3. LSV Hory 21 68 : 47 42
4. FSV Łuty 22 44 : 29 41
5. ST Marijina hwězda 21 47 : 33 37
6. ST Lubuš 22 57 : 44 33
7. Módro-běli Minakał 20 51 : 41 30
8. ST Wulka Dubrawa 20 29 : 38 26
9. Wojerowski FC II 21 38 : 39 24
10. SJ Chrósćicy II 21 31 : 47 24
11. Wósl./Skask./Kul. II 22 31 : 51 22
12. Rakečanske ST II 21 32 : 74 16
13. SJ Njebjelčicy 20 23 : 55 13
14. Zeleno-běli Sepicy 21 30 : 69 11
Wokrjesna wyša liga
1. Biskopičanske KT II 26 77 : 19 63
2. Póst Germania Budyšin 25 66 : 22 61
3. Módro-běli Kulow 25 49 : 26 53
4. Natwar Němske Pazlicy 26 72 : 33 51
5. ST Hnašecy-Dobruša 26 74 : 52 48
6. ST Horni kraj-Sprjewja 26 70 : 39 47
7. Sokoł Ralbicy/Hórki 26 50 : 35 45
8. FV Ottendorf-Okrilla 05 26 56 : 50 36
9. SG Großnaundorf 25 32 : 32 33
10. TSV Wachau 26 49 : 69 33
11. SC Großröhrsdorf 26 36 : 38 29
12. HZ Łaz/Běły Chołmc 26 37 : 49 26
13. ST Radwor 25 41 : 69 21
14. ST Porchow 26 31 : 78 17
15. ST Ćisk 26 30 : 87 15
16. ST Kinspork/Łužnica 26 27 : 99 9
Winowatostny nadawk spjelnili
Zeleno-běli Sepicy –
ST Marijina hwězda 1:3 (0:3)
Zestawa hosći: Matik – Langer, Wróbl, K. Pakoßnik, Ladewig, Čornak, Eldor, Zelnak, Clausen (69. Wünsche), J. Pakoßnik, Bulank
Minjenu njedźelu dojědźechu sej chowancy trenarskeje dwójki Frank Schneider/Kai Frenzel do Sepic. Před tydźenjomaj pokazachu sylnu hru přećiwo načolnikej tabulki z Hlinowca (2:2), tak chcychu w tutej wonkownej partiji pola poslednjeho wězo trójce dypkować.
Sprawny remis w Hornim kraju docpěli
ST Horni kraj Sprjewja –
Sokoł Ralbicy/Hórki 2:2 (2:2)
Zestawa hosći: Chr. Gloxyn – Matka, Rachela, Korjeńk (77. Kurjat), Schultz, A. Wałda, T. Wałda , D. Gloxyn, Šewc, Rawš, Bejmak (77. P. Šołta)
Pola pjateho tabulki w Hornim kraju nastupichu Sokoljo minjenu sobotu. Z dobyćom bychu jich hosćo tež přesćahnyć móhli. Z Pětrom Domašku pak pobrachowaše nazhonity nadběhowar. Jeho zastupowaše Fabian Korjeńk. Tež trenar Tomaš Henčel njebě přitomny. Kotrenar Matijas Šnajder pak mustwo wuběrnje nastaji.
Hižo w 7. min. padny nawjedowanje za hosćićela. Hrajer wuhra na prawej stronje hnydom dweju Ralbičanow a flanka bu nisko do šěsnatki hrata. Prěni nadběhowar da bul přez noze běžeć, tak zo druhi samlutki nawjedowanje docpě. Sokoljo pak njedachu so zatrašić. Po róžku docpě Andy Schultz z hłowu wurunanje (11.). Po dobrej poł hodźinje pak nawjedowaše znowa hosćićel. Wospjet přesadźi so hrajer na prawej stronje, nadběhowar skoči na dołhej žerdźi najwyše a docpě z hłowu 2:1. Krótko do połčasa pak padny wurunanje. Pawl Rachela bu dołho pósłany, wuhra w šěsnatce zakitowarja a zwjertny bul do dołheho róžka.
Nadźije Energije dale wobsteja
FC Energija Choćebuz –
Čerwjeno-běli Erfurt 1:1 (0:1)
Zestawa domjacych: Bethke – Hasse (78. Kujović), Hildebrandt, Slamar (78. Heike), Borgmann, Eisenhuth, Hofmann, Oesterhelweg (67. Shcherbakovski), Thiele, Hottmann, Wähling (67. Badu)
To wšak njeje sej rekordna kulisa něhdźe 17 000 domjacych fanow Energije w Choćebuskim stadionje woprawdźe zasłužiła. Chowancy Energije wotedadźa při načolnej hrě přećiwo Erfurtej komfortabelny tabulkowy staw a z tym započina wulke třepotanje. Ale njedźiwajcy toho běše to kwalitatiwnje jara naročna hra. Sebjewědomi hosćo trjechichu jako prěni 1:0 a tutón předskok dołho jara derje zakitowachu. Domjacy namakachu jenož ćežko do hry, wšako hosćo jara efektiwnje w škiće agěrowachu. Po tym zo bě w 81. min. Energiji zbožo poboku, jako RWE w njepřewidnej scenje wonkownu žerdź trjechi, krótko do toho zaměnjeny Tim Heike fanow wumóži. Najprjedy Eric Hottmann na wonkownej poziciji zhubjeny bul energisce wróćo zdoby, po tym dósta Jonas Hofman kulowatu kožu. Jeho precizna flanka do centruma trjechi přiběžaceho Tima Heike, kiž docpě wurunanje.
Sylny wustup w trajnym dešću Duisburga
Sakska krajna koparska wubranka bě so njedawno na turněrje na sportowej šuli we Werdauwje wobdźěliła. Holcy U 16 su lětuši směrodajny turněr němskeho koparskeho zwjazka w Duisburgu wuspěšnje zakónčili. Bohužel dyrbješe so turněr trajneho dešća dla po třećim hrajnym dnju přetorhnyć, dokelž njebě wjac móžno, na trawnikach hrać. Po suwerenym zazběhowym dobyću přećiwo Saksko-Anhaltskej na prěnim hrajnym dnju (5:0), móžeše Sakska w na to sćěhowacych hrach stajnje sylne remisy přećiwo wulkim mjenam (1:1 přećiwo Braniborskej a 0:0 přećiwo Delnjorynej) docpěć. Tak nastupichu talenty njedźelu z dobyćom a dwěmaj remisomaj we wačoku domojjězbu. W kónčnej tabulce wobsadźi Sakska tak pjate městno.
Rezimej trenarja krajneje wubranki Fabiana Grigata po dnjach w Duisburgu: „Z wukonom turněra móžemy jara spokojom być. Z tróšku wjace překlepanosću a klewernosću w ofensiwnej hrě by samo medalja móžna była. Hrajerki su so na tutym sylnym niwowje super prezentowali. Škoda, zo njemóžeše so štwórty hrajny dźeń hižo wotměć, ale wjedro njemóžeš wobwliwować.“ Kilian Hrjehor
Wuslědki (16.05.23)
Kopańca,
regionalna liga muži
VSG Altglienicke – BFC Dynamo 2:3 (1:2)
SV Lichtenberg – Tennis Berlin 2:2 (1:1)
Kamjeničanski FC – Lok Lipsk 1:1 (0:1)
Energija Choćebuz – FC Erfurt 1:1 (0:1)
Chemija Lipsk – Ger. Halberstadt 2:0 (1:0)
Carl Zeiss Jena – SV Babelsberg 0:0 (0:0)
Luckenwalde – Greifswaldski KK 6:2 (1:2)
Berlinski AK – Hertha BSC II 0:5 (0:1)
Meuselwitz – FC Viktoria Berlin 2:1 (1:1)
1. FC Energija Choćebuz 32 64 : 28 66
2. FC Čerwjeno-běli Erfurt 32 61 : 29 62
3. FC Carl Zeiss Jena 32 54 : 19 59
4. Lok Lipsk 32 55 : 38 57
5. BFC Dynamo 32 54 : 39 55
6. VSG Altglienicke 32 61 : 37 53
7. BSG Chemija Lipsk 32 48 : 43 51
8. Kamjeničanski FC 32 45 : 30 49
9. SV Babelsberg 32 46 : 37 49
10. Hertha BSC II 32 55 : 50 48
11. FC Viktoria Berlin 32 45 : 43 45
12. Berlinski AK 32 41 : 50 43
13. FSV Luckenwalde 32 40 : 50 38
14. Greifswaldski KK 32 45 : 56 34
15. ZFC Meuselwitz 32 40 : 67 29
16. SV Lichtenberg 32 33 : 64 26
17. Germania Halberstadt 32 29 : 69 16
18. Tennis Borussia Berlin 32 24 : 91 13
Wažne dobyće za Chróšćanow
SJ Chrósćicy –
SV Wesenitztal 2:0 (2:0)
Zestawa domjacych: Králíček – Mark, B. Cyž, Runt, Kreuz (64. Matik), L. Zahrodnik (82. Wornar), Młynk, M. Zahrodnik, Matješk (78. Janca), Krawc, Bogusz (91. Handrik)
Na 25. hrajnym dnju sezony 2022/2023 dojědźechu sej koparjo z Wesenitztala do Chrósćic. Wobaj cyłkaj měještaj z 27 dypkami samsne mnóstwo ličakow na swojim konće. Tuž wočakowaše přihladowarjow wurunana hra. SJC swoju prěnju jědnatku zranjenjow dla na někotrych městnach změni. Tuž dyrbješe sej šeftrenar Pavel Runt tež zaso raz swoje kopački woblec.
Wjacore dźesatki dorostowych a dalšich motocrossowych jězdźerjow ...
Widźał, słyšał, napisał (15.05.23)
Awtorka dźensa
Tereza Wićazowa
Za čas studija sym husto do biblioteki sportowych wědomosćow sportoweje fakulty w Lipsku chodźiła. Tam mějachu knihi wurjadowane, kotrež wjac načasne njejsu abo wottrjebane. Hdys a hdys sej jednu abo druhu knihu za symboliski fenk sobu wzach. Před krótkim zaso swójsku „biblioteku“ přelistowach a namakach w jednej z tutych knihow zajimawy nastawk Dietera Brodtmanna. Nastawk je wón drje w lěće 1993 napisał, rozestaja pak so ze sportom w lěće 2023. Dieter Brodtmann je sportowy pedagoga a wysokošulski wučer. Mjez druhim napisa: „Hdyž nětko na lěto 2023 zhladuju a so prašam, kak mam dźensa dźěći na pohib za 30 lět kwalifikować, potom wšak dyrbju spytać anticipować, kak móhł wólny čas a pohib w lěće 2023 wupadać.“
Tuž spyta wón w lěće 1993 někotre tendency resp. mysle za lěto 2023 nastajić:
