Hrajny dźeńze serbskim derbyjom

Mittwoch, 12. Februar 2020 geschrieben von:

K dalšemu hrajnemu dnjej we wolejbulowej wokrjesnej klasy wuchod nastupichu minjeny štwórtk w Pančicach-Kukowje ST Budyšin-sewjer, ST Marijina hwězda a Sokoł Budyšin. Nimo serbskeho der­byja wuhra so potajkim tež měšćanski derby.­

ST Marijina hwězda – Sokoł Budyšin 2:0 (25:14, 25:21)

W prěnjej sadźbje so Sokołam přećiwo nazymskemu mištrej z Pančic-Kukowa wjele njeporadźi. Hakle na kóncu a z tym přepozdźe so Budyšenjo popadnychu. Sadźba so spěšnje miny a domjacy ju z 25:14 dobychu. W druhim kole so Budyscy zrunachu, koncentracija a aktiwita přiběraštej. Tež blok steješe a zdobom nadběh bě agresiwniši. Mjeztymnje hosćo­ dwójce nawjedowachu. Po wučasu wuhrachu klóšterscy jich konstancu a domjacu lěpšinu.­ Z 25:21 domoródni dobychu a z tym hru z 2:0.

ST Marijina hwězda – ST Budyšin-sewjer 2:0 (25:19, 25:11)

Druha hra Pančanow běše ze sadźbowymaj dobyćomaj 25:19 a 25:11 jasna wěc za hosćićela. Připisać pak na tutym městnje dyrbju, zo hraještaj w rjadach Budyšanow hrajerjej ze starobu nad 70 lětami. Hladajo na to pak běše wukon měšćanskeje šěstki jara dobry.

Sokoł Budyšin – ST Budyšin-sewjer 2:0 (25:20, 25:7)

Wolejbulowe dypkowe hry

Mittwoch, 12. Februar 2020 geschrieben von:

29.02. 14:00 ST Viktoria Worklecy

  – Kupoj Nowa Łuka

29.02. 14:00 ST Viktoria Worklecy

  – TSV Niederoderwitz

29.02. 14:00 VV Žitawa 09 III

  – Viktoria Worklecy (žony)

29.02. 14:00 VV Žitawa 09 II – HZ Panči-

  cy-Worklecy II (žony)

29.02. 14:00 OSC Lubij – HZ Pančicy-    Worklecy (žony)

05.03. 19:00 ST Marijina hwězda

  – Schönbachske VV

05.03. 20:00 ST Marijina hwězda

  – ST Hnašecy-Dobruša

06.03. 19:00 Sokolnik Wjazońca

  – Sokoł Budyšin

07.03. 14:00 TSV Kundraćicy – HZ     Pančicy-Worklecy (žony)

07.03. 14:00 VV Žitawa 09 III – HZ    Pančicy-Worklecy II (žony)

14.03. 14:00 ST Viktoria Worklecy

  – MSV Budyšin II

14.03. 14:00 ST Viktoria Worklecy

  – CVJM Zhorjelc

21.03. 14:00 ST Viktoria Worklecy

  – Nysa Wolejs II (žony)

21.03. 14:00 ST Viktoria Worklecy

  – Schönbachske VV (žony)

ST Marijina hwězda – ST 1922 Radwor 4:3 (3:1)

Za domjacych zasadźeni: Matik – R. Cyž, Bělk, Rab, Hawš, Wróbl, Ch. Cyž, Pjetaš, Schmidt, Eldor, J. Pakoßnick, Zelnak, Pesch­mann, Čornak, Jurš, K. Pakoßnick

Za hosći zasadźeni: Ch. Šěrak – A. Schulze, F. Šěrak, T. Schulze, F. Wróbl, Paška, Kral, Hetaš, Wjacławk, Zähr, Petšak, Reineke, J. Wróbl, Sćapan

Po štyrjoch tydźenjach intensiwneho a wosebje na kondiciju specializowaneho treninga absolwowachu koparjo prěnjeho mustwa Marijineje hwězdy zašłu njedźelu skónčnje tež testowu partiju za přihoty na druhu połseriju wokrjesneje wyšeje ligi. Jako hosća witachu zastupnistwo z Radworja.

Přesłapjacy wukon Sokołow

Dienstag, 11. Februar 2020 geschrieben von:

ST Ćisk 1993 – Sokoł Ralbicy/Hórki 4:1 (1:0)

Za Ralbicy zasadźeni: Schöne – Kř. Matka, Schultz, Wałda, Materna, Šołta (46. Kobalc), Gloxyn, Šiman, M. Kurjat, G. Kurjat, Nuk (77. Ćěsla)

K poslednjemu testej dojědźechu sej Ralbičenjo do Wojerec a testowachu na tamnišim kumštnym trawniku přećiwo koparjam z Ćiska, kotřiž hraja klasu wyše. Někotři stajni hrajerjo Sokołam pobrachowachu. To pak běše zdobom šansa dalšim so poskićić. We Wojerecach wětřik mócnje přez trawnik duješe, při­wšěm pak dowoli wón, zo hru přewjedu. W prěnim połčasu mějachu Ralbičenjo dwě stoprocentowej šansy. Jónu předrě so młody Pius Šołta na prawej stronje a posłuži swobodnje stejaceho Měrćina Kurjata, kotryž pak na wrotarju zwrěšći. Krótko po tym bu bul rjenje do haski tyknjeny. Gabriel Kurjat sam před wrotarjom stejo pak njezamó jeho přewinyć. Hrajerjo z Ćiska mějachu tež tu a tamnu składnosć, ale traješe hač do 45. min., doniž bul z 22 metrow njedźeržomnje pod łatu zadyri.

Započatk februara dźěše za prěnje zastupnistwo hrajneho zjednoćenstwa Pančicy-Worklecy k wonkownej hrě do Ochranowa. Po tym zo bě domjace zastupnistwo 3:0 přećiwo młodym holcam MSV Budyšina dobyło, dźěše za Pančanki a Worklečanki na parket. Nadaćowa serija na započatku prěnjeje sadźby bě hosći zahe do komfortabelneje pozicije přinjesła. Swój předskok zamóchu hač do kónca sadźby dźeržeć. Tak dźěše prěnja sadźba z 25:18 na hrajne zjednoćenstwo.

W druhim přechodźe hrajachu wobě mustwje na samsnym niwowje. Nichtó njemóžeše sej woprawdźe předskok nadźěłać. Hakle při dypkowym stawje 18:18 zamóchu so žony hrajneho zjednoćenstwa wotsadźić a sej tež druhe sadźbowe dobyće z 25:21 zawěsćić.

Hraja wo zaćah do połfinala

Dienstag, 11. Februar 2020 geschrieben von:

Wosom cyłkow je hišće we wokrjesnym pokalnym kole Zapadołužiskeho koparskeho zwjazka. Do dypkowych hrow druheje połserije, kotrež započnu so za dwě njedźeli, hraja wone wo zaćah do połfinala.

15.02.  13.00  TSV 90 Wjazońca

  – TSV Wachau

16.02.  13.00  ST Kinspork/Łužnica II

  – ST Kubšicy

16.02.  13.00  Sokoł Ralbicy/Hórki

  – ST Horni kraj Sprjewja

16.02.  13.00  SZ Großnaundorf

  – Drohotka Ramnow

Rjadne lisćiny běharjow zaso z mnohimi poskitkami

Dienstag, 11. Februar 2020 geschrieben von:

Po tradiciji budźe prěnje wulke wužadanje 7. měrca ćežke 21. nalětnje wokrjesne crossowe mišterstwo w Połčničanskim hrodowym parku. A kaž hižo loni zahaji so ze 26. tradicionalnym Mužakowskim parkowym běhom dźeń po tym, 8. měrca, tradicionalna a jara woblubowana rjadna lisćina Hornjeje Łužicy, wot lěta 2004 do 2018 pod mjenom Wopačanski cup běharjow a wot lońšeho ENSO-cup bě­ha­rjow. Wona poskića dale 14 wubědźowanjow z regionalnym hódnoćenjom mjez Žitawu a Mužakowom, Wopakej a Połčnicu. Tak je časowy plan teju wurisanjow za nas aktiwnych, wosebje z Budyskeho wo­krjesa, dale jara njezbožowny.

Wolejbulisća SGB najlěpši

Montag, 10. Februar 2020 geschrieben von:

Hižo w nowembru 2019 startowachu wolej­bulisća Serbskeho gymnazija Budyšin jara wuspěšnje do wokrjesnych wubědźowanjow. Štyri mustwa kwalifikowachu so za regionalne finale a skónčichu je z dwěmaj złotymaj, jednej slěbornej a jednej bronzowej medalju. To wunjese na kóncu třinaće dypkow a tak znowa titul „Najlěpša šula wuchodneje Sakskeje“ w mjenowanej bulosportowej družinje. Za pilne dźěło při wysokim saku wšěm šulerkam a šulerjam serbskeho kubłanišća wulki kompliment.

Najlěpše šule wuchodneje Sakskeje we wolejbulu lětsa su:

1. Serbski gymnazij Budyšin 13 dypkow

2. Gymnazij Žitawa 11 dypkow

Gymnazij Lubij 11 dypkow

3. Gymnazij Zhorjelc 7 dypkow

4. Gymnazij Biskopicy 7 dypkow

Cyłkownje je so 15 šulow na wurisanjach „Młodźina trenuje za olympiju“ wobdźěliło. Měrko Korjeńk

Tři dny bě Serbske mustwo žonow, potajkim wubranka koparkow z Hornjeje a Delnjeje Łužicy, w treningowym lěhwje w Čěskej, a to w Bedřichovje. Pjatk wječor bě trenar Pětr Bejmak ze 16 motiwěrowanymi holcami a žonami z wobeju Łužicow lěhwo z prěnjej treningowej jednotku na kumštnym trawniku zahajił. Sobotu sadźi wón potom dalšu „łopatku sněha“ horje. Dźěše mjenujcy do horow k třihodźinskemu sněhakowanju na dołhich čarach. Tomu přizamkny so trening w stadionje. Z mustwowym posedźenjom so wječor zakónči. Njedźelu serbske koparki hišće raz na trawniku z bulom trenowachu. Foto: Tereza Wićazowa

Za běhi so přizjewić

Montag, 10. Februar 2020 geschrieben von:

Běharki a běharjo smědźa so hižo za prěnje běhi lěta 2020 přizjewić, kotrež słušeja na přikład tež lětsa zaso do Wopačanskeho cupa běharjow. 8. měrca budźe 26. tradicionalny Mužakowski parkowy běh, 15. měrca přewjedu 30. cityjowe běhi w Drježdźanach

05.04. Wostrowski nalětni běh

11.04. Biskopičanski běh na dołhich čarach

03.05. Kćenjowe běhi w Kamjencu

09.05. Běh na Sokolnik we Wjazońcy

10.05. Bike & run na Sokolnik

Anzeige

  • Serbski komponist, hudźbnik a spěwar Měrćin Weclich je minjenu sobotu a njedźelu w Budyskim Kamjentnym domje přewšo wuspěšnje koncertował. Přeprosył bě sej za to mnohimi hosći kaž tež młodych talentow, kotřiž z nim zhromadnje na jewišću publikum zaho
  • Měrćin Weclich a Serbski młodźinski oktet - Martin Wetzlich und das Sorbische Jugendoktett
  • Měrćin Weclich a dźěćaca spěwna skupina Šumlabrum - Martin Wetzlich und die sorbischer Kindergesangsgruppe Schumlabrumm
  • Šumlabrum - Schumlabrumm
  • Šumlabrum - Schumlabrumm
  • Měrćin Weclich a młody hudźbnik Chrystof Mikławšk (wotprawa) – Martin Wetzlich und Christoph Mikwauschk (von rechts)
  • Jamila Hórnikec - Jamila Hornig
  • Matteo Hórnik - Matteo Hornig
  • Rejwarki a rejwarjo Serbskeho folklorneho ansambla Wudwor – Tänzerinnen und Tänzer des Sorbischen Folkloreensembles Wudwor
  • Live-hudźba je najlěpša - Live-Musik ist die allerbeste
  • Walentin Bjedrich při pianje - Valentin Bedrich am Piano
  • Kapała pod nawodom Malty Rogackeho (2. wotprawa) je live hudźiła - Malte Rogacki (2. von rechts) und Band spielten live
  • Měrćin Weclich a Měrko Brankačk (wotlěwa) – Martin Wetzlich und Mirko Brankatschk (von links)
  • Poradźenej kocnertaj - Zwei wirklich gelungene Konzerte