Zhromadnje wjele nazhonili

Montag, 14. Dezember 2015 geschrieben von:

Hižo tradicionalny kónc tydźenja w adwentnym času je wot minjeneho pjatka do wčerawšeho Smjerdźečanske swójbne a kubłanske srjedźišćo LIPA – druhi raz z podpěru Serbskeho šulskeho towarstwa – w Smochćicach přewjedło.

Smochćicy (aha/SN) Cyłkownje dźewjeć swójbow, kotrež njeběchu jeno z delanskich wsow, ale tež z Kanec a Dobrošic, z 21 dźěćimi je třeći adwentny kónc tydźenja­ w přijomnej zhromadnosći w Smochčanskim Domje biskopa Bena dožiwiło. W času, hdyž słuchachu starši na kubłanske přednoški, starachu so kubłarki Wórša Čórlichowa, Borbora Šeferowa, Carolin Jurkowa a Annett Mickelowa wo zaběru z dźěćimi, tak zo bě dohlad tež najmłódšeho, hakle štyri měsacy stareho dźěsća zaručeny.

Nawodnica LIPY Lucija Handrikowa wobdźělnikow na žurli Alojsa Andrickeho witaše. Jich wšak zrudoba trašeše, zo njebě tohorunja přizjewjena swójba z Pěskec mjez nimi, dokelž bě jeje hakle połdralětny synk na tragiske wašnje smjertnje znjezbožił. Zhromadnje na njeho spominachu a so pomodlichu.

Bart (SN/MiR). Wot klětušeho januara maja na Bartskej zakładnej šuli dźěći wuknyć, pochadźace z azyl pytacych swójbow. Tole wobkrući dźensa na naprašowanje Serbskich Nowin Malešanski wjesnjanosta Matthias Seidel (CDU). Na wčerawšej šulskej konferency, na kotrejž wobdźělichu so nimo nawodnistwa kubłanišća tež staršiscy zastupjerjo wšelakich lětnikow, je zamołwita sobudźěłaćerka Budyskeho regionalneho zarjada Sakskeje kubłanskeje agentury (SBAB) přitomnym rozłožiła, kak chce zarjad postupować. Wučerka z wotpowědnym wukubłanjom za němčinu jako cuzu rěč budźe w Barće wuwučować. Rodźena Pólka tuchwilu hišće na Budyskej Curierowej šuli skutkuje. „Ručež bě jasne, zo zarjaduja w Delnjej Hórce (Niedergurig) přebywanišćo požadarjow azyla, wědźachmy tež, zo změja šule našeje gmejny přichodnje dźěći ze swójbow, kotrež tu wo azyl proša“, rjekny Matthias Seidel. Hižo tehdy wotměchu so prěnje rozmołwy nastupajo zaměstnjenje dźěći w šulskej starobje we wotpowědnych kubłanišćach.

Do raja bajkow ze Sněholinku

Dienstag, 08. Dezember 2015 geschrieben von:

Přichodne kubłarki a kubłarjo Smolerjec kniharnju wopytali

Budyšin (SN/MiR). Šulerki 2. wukubłanskeho lěta na kubłarku z Budyskeje Serbskeje fachoweje šule za socialnu pedagogiku su dźensa dopołdnja Smolerjec kniharnju wopytali. Při tym zawjedźechu wone přitomnych do raja bajkow. W kostimach wabjachu přichodne kubłarki za swoju lětušu dźiwadłowu hru „Sněholinka“. „Smy do kniharnje přišli, zo bychmy swojim němskorěčnym sobušulerjam pokazali, kak bohata serbska dźěćaca a spěwna literatura je“, rjekny Wotrowčanka Martina Riehlowa, kotraž so wo zjawnostne dźěło za projekt stara. „Z akciju chcemy tež na to pokazać, kak wjelestronske naše wukubłanje je“, rozłoži Radworčanka Liza Delanec. Wona je za projekt sponsorow nawabiła. Jimaj kaž tež Budyšance Sarjeh Wićazec a Serbskopazličance Stefanie Grofic je wažne, zo w inscenaciji serbšćinu wužiwaja. „Hraju palčika, kiž jenož serbsce rěči“, praji Stefanie, „palčik pak swojich towaršow derje rozumi, wšako hižo dołho hromadźe bydla. Zwobraznimy takrjec model­ Witaj na bajkojte wašnje.

Na Institutnym dnju dźěławosć bilancowali

Montag, 07. Dezember 2015 geschrieben von:

Budyšin (SN/JaW). Lětuši Institutny dźeń Budyskeho Serbskeho instituta bě po słowach hłowneho organizatora a jednaćelskeho zastupjerja direktora institucije dr. Hauke Bartelsa jara wuspěšny. „Wjeselu so, zo so telko ludźi za našu dźěławosć zajimuje“, rjekny Bartels SN.

Hižo wjacore lěta čita Wórša Wićazowa w adwenće w Chróšćanskej pěstowarni ze swojeje knihi „Són wo jědlence“. Dźensa dopołdnja­ zaso tak daloko bě, zo smědźachu jej dźěći w hodownje wupyšenym kubłanišću, kotrehož nošer je Serbske šulske towarstwo­, připosłuchać. Hromadźe z awtorku su holcy a hólcy tež w knize zapřijate pěsnje spěwali, k tomu rejwali a wo swojich sonach w adwenće rěčeli. Tež w 1. lětniku Chróšćanskeje šule je Wórša Wićazowa dźensa čitała. Foto: Feliks Haza

Młodźi awtorojo sej literarne wubědźowanje wospjet za sebje wotkryli

Młodźi awtorojo připosłuchachu z wulkim zajimom na wurězki z twórbow wobdźělnikow literarneho wubědźowanja. SN/Maćij Bulank

Wjeselo a wćipnosć běštej widźeć w mnohich mjezwočach młodostnych zańdźeny pjatk w Budyskim „Wjelbiku“. Tam su lětuše 40. literarne wubědźowanje Załožby za serbski lud a Ludoweho nakładnistwa Domowiny z mytowanskim zarjadowanjom hódnje zakónčili. Cyłkownje je so na nim 33 awtorow z 45 přinoškami wobdźěliło.

Do Paternostra zapřijeć

Sympozij wulce zajimował

Montag, 30. November 2015 geschrieben von:

W Praskim Serbskim seminarje wotmě so zańdźeny pjatk druhi sorabistiski sympozij, lětsa składnostnje 360. narodnin znateho, za čas baroka skut­kowaceho serbskeho kamjenjećesarja Maćija­ Wjacława Jakule.

Projekt Witaj je přikład

Donnerstag, 26. November 2015 geschrieben von:

Rěče kaž němčina, serbšćina, pólšćina a čěšćina Saksku charakterizuja. Nawodnica Sakskeho krajneho centruma za zažne kubłanje w rěči susodow, kotrež něšto dlěje hač lěto skutkuje, dr. Regina Gellrich ma tole za jónkrótne. Andreas Kirschke je so z njej rozmołwjał.

Kak je tónle krajny centrum nastał?

R. Gellrich: Naše korjenje tča w kubłanskej syći Pontes. Dokelž bu wona na projektowej­ bazy financowana, bě syć na euroregion Nysa wobmjezowana. Z nětčišim dźěłowym centrumom zdobywamy nowu kwalitu.

Što su jeho najwažniše nadawki?

R. Gellrich: Centrum wusměrja so na cyły­ sakski pomjezny rum. Zwěsćamy a systematizujemy wobstatk zažneho poskitka rěče susodow w dźěćacych dnjowych přebywanišćach. Zwjazujemy praktiske nazhonjenja a modele. Dźe nam wo dlěšodobny, na přichod wusměrjeny zhromadny zakład, rěče dźěćom wot małosće sem w sakskim pomjeznym regionje posrědkować.

Serbja dźěłaja wot lěta 1997 z modelowym projektom Witaj. Móže wón za pomjezny region přikład być?

Nowi gymnaziasća so zeznali

Donnerstag, 26. November 2015 geschrieben von:

Kóžde šulske lěto podawaja so šulerjo 5. lětnika Budyskeho Serbskeho gymnazija­ do Njeswačidła. Zaměr šule w zelenym je, zo so nowi gymnaziasća mjez sobu zeznaja.

Rjadowniskaj wučerjej 5. lětnika na Serbskim gymnaziju Budyšin Franc Friedrich a Roman Grzyb běštaj za njedawny přebytk nowačkow w Njeswačidle bohaty program přihotowałoj. Jimaj poboku běchu kubłarjo a studenća Jurij Haška, Roman Kral, Michał Rječka, Lydija Rachelic a Juliana Rječkec.

Kubłanska konferenca LIPY

Mittwoch, 25. November 2015 geschrieben von:

Lětuša fachowa konferenca Serbskeho šulskeho towarstwa a Smjerdźečan­skeho kubłanskeho srjedźišća LIPA, wotměwaca so ­ njedawno w Bukowcu, zaběraše so z tym, kak z agresiwitu dźěći­ wobchadźeć.

Carolin von Breitenbuch z centruma za komunikaciju­ w Bukowcu měješe zarjadowanje za jara spomóžne. „Zwjeselena běch z přijomneje dźěłoweje atmo­sfery. Telko serbšćinu rěčacych njejsym w swojim centrumje za komunikaciju hišće dožiwiła“, wona po kubłanskej konferency na Bukowčanskim něhdyšim ryćerkuble­ hódnoćejo rjekny. Štwórty króć wot Serbskeho kubłanskeho srjedźišća LIPA a Serbskeho šulskeho towarstwa přewjedźeny fachowy dźeń je wospjet přiběracy zajim pokazał. Wjace hač 70 přitomnych, čłonow SŠT a dalšich zajimcow – mjez nimi 14 kubłarkow z delnjołužiskeju pěstowarnjow ze Žylowa a Choćebuza, kotrejž stej w nošerstwje SŠT – móžeštej předsydce LIPY Lucija Handrikowa a SŠT Ludmila Budarjowa witać.

Anzeige