Hišće Serbska rěčna šula prawje njedźěła, byrnjež termin prěnjeje wučbneje hodźiny za 1. awgust předwidźany był. Mjeztym su přihoty dale šli. Nětko je zaměr, wuwučowanje po nazymskich prózdninach zahajić.

Powołanske akademije sylnić

Donnerstag, 17. August 2017 geschrieben von:

Sydom stejnišćow sakskich powołanskich akademijow dóstanje jednotne wonkowne mjezwočo. Serbski narok Budyskeje akademije njebu dotal dosć wobkedźbowany.

Budyšin (CK/SN). Diana Karbe a Paul Schuster staj mjezypruwowanja złožiłoj. Wonaj studujetaj financny management na Budyskej studijnej akademiji. Prak­tiski dźěl wukonjataj we Wojerecach. Diana­ Karbe z Pančic-Kukowa skutkuje w Dźěłaćerskim dobroćelstwje Łužica, Radworčan Paul Schuster we Łužiskim centrumje za technologiju. Hdyž so za něšto tydźenjow, po semesterskich prózdninach, na wukubłanišćo wróćitaj, njebudźe wone hižo tajke kaž tón dźeń, jako běštaj so do praksy podałoj.

Štom za nadźiju a přichod sadźili

Donnerstag, 17. August 2017 geschrieben von:

Hodźij (AK/SN). Wjeselo a njesćerpnosć začuwachu Lara Hanusch a Alexander Natusch z rjadownje 3A kaž tež Aaron Niklas­ z rjadownje 4 B Zakładneje šule Hodźij. Z dalšimi šulerjemi serbšćiny sadźichu­ woni zańdźeny pjatk na nutřkownym dworje šule jabłučinu družiny złotak (Goldparmäne).

Swjeća jubilej nimale tydźeń

Donnerstag, 17. August 2017 geschrieben von:

Wojerowski Křesćanski gymnazij Johanneum­ wobsteji mjeztym 25 lět. Ze swjedźenskim­ tydźenjom wot 21. do 25. awgusta chcedźa tam skutkowanje­ kubłanišća hódnoćić.

Wojerecy (AK/SN) „Njepřihotujemy swjedźensku nowinu, ale wustajeńcu. Ta zaběra so z časom załoženja gymnazija, z jeho wuwićom a zaměrami. Zapřijate su tež wšelake projekty. Podamy dohlad do přitomnosće a wid do přichoda“, rjekny Günter Kiefer, kiž bě 1992 čłon załožerskeho kolegija Johanneuma, wot lěta 2005 wón kubłanišćo nawjeduje. Wustajeńca wopisuje nawodny motiw Johanneuma „Schola semper reformanda“, štož rěka, „Šula ma so stajnje zaso wobnowjeć.“

Wědu wo strowym zežiwjenju šěrić

Donnerstag, 10. August 2017 geschrieben von:

Dźěći a młodostnych za strowe zežiwjenje zajimować, steji pola skupiny Convivum Łužica organizacije Slow Food hišće na spočatku. Wopyt w Habrachćicach je čłonam dał sylnu inspiraciju.

Wólbna opcija zaručena

Donnerstag, 10. August 2017 geschrieben von:

Ličba dźěći zaso dale a bóle přiběra. Tuta dobra powěsć wotbłyšćuje so w planowanju šulskeje syče w Budyšinje. Stajne blido měšćanskeho zwjazka CDU je so z noworjadowanjom zakładnych šulow zaběrało.

Budyšin (CRM/SN). „Stupaca ličba porodow w našim měsće žada sej nowe planowanje“, potwjerdźi předsyda Budyskeho měšćanskeho zwjazka CDU Tobias Schilling wčera wječor na rozmołwnym kole. Z aktualneje přičiny běše wón měšćanostu za financy, kubłanje a socialne dr. Roberta Böhmera na měsačnu rozmołwu do piwarnje na Thomasa Mannowej přeprosył. Tema pali pod nochćemi. Na to pokaza wulka ličba zajimowanych a angažowanych staršich, kotřiž běchu na zarjadowanje přichwatali.

Do města abo na wjes?

Dienstag, 08. August 2017 geschrieben von:
Chcemy jich měć – tych małych a najmjeńšich w našich serbskich zarjadnišćach – na kóždy pad. Při tym pak mamy starosće. Kak jich dóstać do muzeja, dźiwadła, instituta abo nakładnistwa, wosebje w prózdninach? Nó, so wě, z busom. Ale hdy busy do Budyšina, hdźež je najwjace z tutych serbskich zarjadnišćow, jědu? W prózdninach njejězdźi ani šulski bus. Tón by za prózdninske dźěći w horće tež přezahe wotjěł. A knihować wosebity bus je droha naležnosć. Za to nimaja dźěćace zarjadnišća pjenjezy. Kak problem rozrisać? Trjebamy ideje! Na jednym boku móhli pruwować spěchowanske srědki Sakskeje. Na druhim boku su serbske institucije same prašane. Wone móhli ze swojimi poskitkami, wosebje w lěćnym času, bóle w hortach prezetne być. W tychle tydźenjach wšak maja dźěći a kubłarjo chwile, so intensiwnje z mnohimi projektami zaběrać. Milenka Rječcyna

Maja nětko hort w Njebjelčicach

Freitag, 04. August 2017 geschrieben von:

Póndźelu chcedźa w Njebjelčicach prěnje hortowe dźěći witać. Změja jich tam najprjedy dźesać šulerjow z 1. lětnika Worklečanskeje Serbskeje zakładneje šule „Michał Hórnik“.

Njebjelčicy (SN/MiR). Wot prěnjeho dnja šulskeho lěta 2017/2018, přichodnu póndźelu, změja w Njebjelčicach po wjele­lětnej přestawce zaso šulski hort, a to w tamnišim dźěćacym dnjowym přebywanišću „Jan Skala – Barbojte kamuški“. Nošerstwo přewozmje Křesćansko-socialny kubłanski skutk Miłoćicy, kotryž wšak je nošer přebywanišća.

Dźesać staršiskich domow ze Serbskich Pazlic, Miłoćic a Njebjelčic je so rozsudźiło swoje dźěćo nětko wšědnje po šuli do Njebjelčic słać. Tři staršiske domy z Njebjelčanskeje gmejny swoje dźěći tam njesćelu. Z Pěskec a Wěteńcy, dalšeju wsow, kotrejž gmejnje přisłušatej, so dźěći­ za hort w Njebjelčicach přizjewili njejsu.

Cokorowu titu sej sami pjelnili

Freitag, 04. August 2017 geschrieben von:
Hišće hač do jutřišeje soboty traje tydźenska akcija „Pjelń sej swoju cokorowu titu“ za šulskich nowačkow w Budyskim Centeru na Žitnych wikach. Hromadźe ze staršimaj staj sej tež Amanda-Sophie Dirig a Louis Hetscher mjeńšu cokorowu titu wotewzałoj, kotruž na to we wšelakich tam zaměstnjenych wobchodach z małymi ­darami pjelnještaj. Dźěćom to wulke wjeselo wobradźa, ale wobsah wulkeje coko­roweje tity k zastupej do šule ma je woprawdźe překwapić. Foto: SN/Maćij Bulank

Wulke rozdźěle

Freitag, 04. August 2017 geschrieben von:

Drježdźany (SN/MiR). Nimale wšitke swobodne wučerske městna w Sakskej su wobsadźene. To zdźěli statna ministerka za kultus Brunhild Kurth (CDU) wčera w Drježdźanach. Kwota přidružnikow je z 48 loni na něhdźe 52 procentow lětsa rozrostła. „Poskitki městnow a profil požadarjow pak su přiwšěm jara rozdźělne“, wona rjekny. Kubłanskopolitiska rěčnica Zwjazka 90/Zelenych w krajnym sejmje Petra Zais zwěsći, zo maja „w Budyskim regionalnym zarjedźe Sakskeje kubłanskeje agentury na zakładnych šulach 72 procentow přidružnikow, na wyšich šulach samo 77 procentow“. Cornelia Falken (Lěwica) porokowaše „enormnje stupace poćeženje wučerkow na zakładnych šulach“, kotrež dyrbja přidruž­nikow a gymnazialnych wučerjow na swojich kubłanišćach podpěrać.

Wšitkim dwělam znapřećiwjejo wozjewi ministerka, zo je z 1 400 dotal swobodnych wučerskich městnow po wšej Sakskej mjeztym 1 388 wobsadźenych. Na wyšich šulach změja 481 nowych wučerjow, na zakładnych šulach 468, na spěchowanskich šulach 161, na gymnazijach 148 a na powołanskich šulach 130.

Anzeige

  • Serbski komponist, hudźbnik a spěwar Měrćin Weclich je minjenu sobotu a njedźelu w Budyskim Kamjentnym domje přewšo wuspěšnje koncertował. Přeprosył bě sej za to mnohimi hosći kaž tež młodych talentow, kotřiž z nim zhromadnje na jewišću publikum zaho
  • Měrćin Weclich a Serbski młodźinski oktet - Martin Wetzlich und das Sorbische Jugendoktett
  • Měrćin Weclich a dźěćaca spěwna skupina Šumlabrum - Martin Wetzlich und die sorbischer Kindergesangsgruppe Schumlabrumm
  • Šumlabrum - Schumlabrumm
  • Šumlabrum - Schumlabrumm
  • Měrćin Weclich a młody hudźbnik Chrystof Mikławšk (wotprawa) – Martin Wetzlich und Christoph Mikwauschk (von rechts)
  • Jamila Hórnikec - Jamila Hornig
  • Matteo Hórnik - Matteo Hornig
  • Rejwarki a rejwarjo Serbskeho folklorneho ansambla Wudwor – Tänzerinnen und Tänzer des Sorbischen Folkloreensembles Wudwor
  • Live-hudźba je najlěpša - Live-Musik ist die allerbeste
  • Walentin Bjedrich při pianje - Valentin Bedrich am Piano
  • Kapała pod nawodom Malty Rogackeho (2. wotprawa) je live hudźiła - Malte Rogacki (2. von rechts) und Band spielten live
  • Měrćin Weclich a Měrko Brankačk (wotlěwa) – Martin Wetzlich und Mirko Brankatschk (von links)
  • Poradźenej kocnertaj - Zwei wirklich gelungene Konzerte