Kulowskej šulerce myto dóstałoj

Mittwoch, 25. November 2015 geschrieben von:
We wubědźowanju „Legendarni rjekojo hraničneje kónčiny“ Załožby za němsko-pólske zhromadne dźěło stej sej šulerce Kulowskeje wyšeje šule „Korla Awgust Kocor“ Lisa Scholtyssekec a Luisa Rosec (2. a 3. wotlěwa) w starobnej klasy 14 do 16 lět 1. a 2. městno wudobyłoj. Myto přepodałoj stej jimaj zawčerawšim projektna managerka Zhorjelskeje kulturneje a dalekubłanskeje towaršnosće Bärbel Wienrich (naprawo)­ a Carola Becker, nawodnica Žitawskeje Christiana Weisoweje biblioteki (nalěwo).­ Za wubědźowanje běchu Kulowscy šulerjo zhromadnje ze swojej partnerskej šulu w Lubomierzu w juniju dźěłarničku we Wulkoždźarowskim Krabatowym wudworu přewjedli. Nawjedowałoj staj ju moler Marko Bruk a wučerka za wuměłstwo na Kulowskej šuli Pia Miklowa. Foto: Tobias Bulank

Filmy šulerjow mytowane

Dienstag, 24. November 2015 geschrieben von:

Lipsk (SN). Jědnaće sakskich šulskich rjadownjow su zańdźeny kónc tydźenja na Lipšćanskim jewišću Schaubühne Lindenfels z mytom „Film běži“ na 5. sakskim šulerskim filmowym festiwalu počesćili. Mjez nimi běchu tři łužiske kubłanišća, zdźěli sakske statne ministerstwo za kultus. Jedne z prěnich městnow a 300 eurow zdoby sej 8. lětnik Sepi­čanskeje (Schwepnitz) swobodneje šule ze swojim paskom „Stawk“. Nad 2. mytom a 200 eurami wjesela so šulerjo z Lubijskeho Gymnazija sotry a bratra Scholl za film „Ćěkanje z republiki“. Z 3. mytom a 100 eurami počesćichu šulerjow 9. lětnika Wojerowskeho Lessingoweho gymnazija. Jich produkcija rěka „Schody“. Wosebite myto za jeje angažement spožčichu wučerce Lydiji­ Hertmanowski ze Sepičanskeje šule.

Zarjadowar wubědźowanja je statne ministerstwo za kultus. Myto za lubuška publikuma dźěše lětsa do Schkeuditza. Dobyli su je šulerjo 4. lětnika Thomasa Müntzeroweho horta ze swojim filmom „Zakuzłany swět bajkow“.

Druhe kultury bjez předsudkow sej wotkrywać

Montag, 23. November 2015 geschrieben von:

Wojerecy (AK/SN). „Serbska swójba sedźi pódla was w hosćencu a so w swojej maćeršćinje­ rozmołwja. Kak byšće reagowali“, prašeše so dr. Katharina Elina sobotu wobdźělnikow dźěćaceje uniwersity we Wojerowskej kulturnej fabrice. „Bych so prašała, hač woni wo mni rěča“, rjekny dźesaćlětna Lila Beck, „bych pak swójbu rady zeznała.“ Dr. Katharina Elina nygny a na to nawjaza. Kulturnej pedagogowce dźěše wo předsudki a klišeje napřećo Serbam. Zakład předsudkow stej njewěda a njewěstosć. We wšědnym dnju su předsudki hłuboko zakótwjene. „Što nas wotdźeržuje cuzu rěč nawuknyć?“, chcyše Njeswačanka wědźeć. 25 serbskich słowow­ je wona dźěći sobotu nawučiła.

Gymnaziasća na studijnym dnju so informowali

Montag, 23. November 2015 geschrieben von:

Budyšin (SN/MiR). Lětuši studijny dźeń pod hesłom „Studenća pomhaja šulerjam“ na Budyskim Serbskim gymnaziju bě wusměrjeny na šulerjow 11. lětnika. Młodostni wužiwachu minjeny pjatk dopołdnja poskitki, kotrež běchu kubłanska referentka Domowiny Rejzka Wałdźic, Serbske młodźinske towarstwo Pawk, Zwjazk serbskich studowacych a gymnazij zhromadnje přihotowali. Poskitki słužachu tomu, gymnaziastow wo tym­ informować, kotre puće wjedu po maturje k wukubłanju, studijej abo dźěłu w kraju a wukraju.

Šulerjam w Barće serbsce čitała

Freitag, 20. November 2015 geschrieben von:
Mnohe kubłanske zarjadnišća wobdźělichu so dźensa na cyłoněmskim dnju předčitanja. Na Bartskej zakładnej šuli je wědomostna sobudźěłaćerka Budyskeho Rěčneho centruma WITAJ Manuela Smolina šulerjam-serbšćinarjam 2. a 3. lětnika serbske dźěćace knihi předstajiła a z nich čitała. Foto: SN/M. Bulank

Budyšin (SN/MiR). Młody muž ze strachoćiwymaj wočomoj, z nachribjetnikom na chribjeće stupi do šulskeje rjadownje. „Wzmiće swoje stólcy, zestajejće je před taflu, wzmiće wšitko sobu, maće minutu chwile.“ Šulerjo 9. lětnika Budyskeje Serbskeje wyšeje šule to činja. Někotři hladaja spłóšiwje, druzy zaso smějo so, ale strachoćiwje, a dalši reaguja z tym, zo napominanje spěšnje sćěhuja.

Zajim za serbsku rěč zwuraznili

Dienstag, 17. November 2015 geschrieben von:

Budyšin/Drježdźany (SN). Dohromady 115 hornjoserbšćinu wuknjacych dorosćenych je so na naprašowanju Multimedialneho centruma za nawuknjenje rěčow Drježdźanskeje Techniskeje uni­wersity wobdźěliło. Wone je so wot 17. septembra hač do 10. oktobra 2015 přewjedło. Wo tym informuje Załožba za serbski lud na swojej internetnej stronje. Naprašowanje je wobstatk projekta k wuwiwanju interaktiwneho online-programa k samonawuknjenju hornjoserbskeje rěče, kotryž bě załožba do nadawka dała.

Z bytostnymi temami so zaběrali

Dienstag, 17. November 2015 geschrieben von:

Budyšin (SN/MiR). 65 šulow po cyłej Sakskej su na šulu bjez rasizma - šula za kuražu pomjenowane. Wosom z nich je z Budyskeho wokrjesa. Do kruha słušeja mjez druhim Wósporčanska šula w swobodnym nošerstwje, Wojerowski Lessingowy a Foucoultowy gymnazij kaž tež Kamjenska 2. wyša šula. Za šěrjenje ideje zasadźuje so cyłoněmska Syć za demokratiju a kuražu (NDC). „Hač so bórze tež jako Budyski Serbski gymnazij w tymle kruhu angažujemy, wo tym chcemy w šulskim nawodnistwje rozmyslować“, rjekny nawoda gymnazija René Wjacławk. „Pruwować chcemy tež, hač stanjemy so šula bjez rasizma - šula za kuražu.“ Wón bě so na syćowym zetkanju zańdźenu sobotu w Serbskim šulskim a zetkawanskim centrumje wobdźělił.

Ličby swědča wo wuspěchu

Montag, 16. November 2015 geschrieben von:

Serbske šulske towarstwo a Smjerdźečanske serbske kubłanske srjedźišćo LIPA­ stej sobotu na fachowu konferencu do centruma za komunikaciju na ryćerkuble­ do Bukowca přeprosyłoj. Wjace hač 70 kubłarkow a kubłarjow a dalšich zajimcow zaběraše so z agre­siwitu dźěći w pěstowarni a horće. Zdobom­ wotmě so hłowna zhromadźizna SŠT.

Anzeige