Po 25 lětach w zastojnstwje Budyski wyši měšćanosta Christian Schramm (CDU) swoje městno w radnicy wopušći. Z oficialnym swjedźenskim zarjadowanjom za prošenych hosći a z přijećom towarstwow a zwjazkow chcedźa so jemu dźakować.
Budyšin (CK/SN). Na kóncu jeho 25lětneho skutkowanja jako Budyski wyši měšćanosta chce sprjewine město Christiana Schramma (CDU) swjatočnje rozžohnować. To je měšćanska rada na swojim wčerawšim posedźenju z jednym wzdatym hłosom wobzamknyła. Tak wotpowědowachu radźićeljo poručenju hłowneho wuběrka.
