Na lisćikach k wólbam Worklečanskeho wjesnjanosty 7. junija steji nimo mjena tuchwilneho wjesnjanosty tež te Stefana Hicki z Noweje Wjeski. 41lětny, kiž z mandźelskej a dźěsćomaj mjeztym lěto w swójskim domje bydli, je so wot Swobodneho serbskeho wolerskeho zjednoćenstwa nastajić dał a měni, zo su to nětko skónčnje woprawdźite wólby, hdyž stejitej dwě mjenje na wólbnym lisćiku. Hižo při wólbach wjesnjanosty lěta 2008, jako mějachu jenož jednoho kandidata, běchu někotři jeho mjeno sobu napisali.