Budyšin (SN/at). Muž bjez předsudkow a wotewrjeny – z tymile słowami su swjedźenscy rěčnicy wjelelětneho Bu­dyskeho wyšeho měšćanostu Christiana Schramma (CDU) charakterizowali. Město Budyšin wuhotowa jemu dźensa w Kamjentnym domje rozžohnowansku swjatočnosć ze zastojnstwa, na kotrejž su so měšćanscy radźićeljo, partnerojo, kolegojo z komunow a wobydlerjo za spomóžne zhromadne dźěło dźakowali.