Přihotuja so na kóždolětny žnjowy nałožk kałanja wěnca

Dubrjenk (HH/SN). 30. awgusta chce 14lětna Sarah Krječmarjec z Dubrjenka z konjom Belanu lońše dobyće w ka­łanju wěnca wospjetować. Jako lokalna matadorka ma wona lěpšinu, zo móže na natwarjenych wrotach hižo raz zwučować. Na nich přičinjeny je wěnc, kotryž maja wobdźělnicy wotbić. „Móžeš drje z konjom přez wrota jěchać, najćešo pak je w połnym galopje ze sedła stanyć a wěnc wotbić“, powěda młoda holca, kotraž chce so raz ze skótnej lěkarku stać. Na kałanju wěnca lubi so jej jednota mjez čłowjekom, skoćećom a přirodu.