Optimalne wuměnjenja pola wóčneho lěkarja

Montag, 17. August 2015
Artikel bewerten
(0 Stimmen)

Po tym, zo je Wojerowski wóčno-medicinski zastaranski centrum (AMVZ) Łužica před dwěmaj lětomaj ze staroměšćanskeje Cyrkwinskeje dróhi na Lieselottu Herrmannowu přećahnył, maja tam pacienća lěpše wuměnjenja.

Wojerecy (UH/SN). Jednaćel a lěkarski direktor AMVZ, profesor honorarijo univ. León dr. med. Gernot Richter móžeše sobotu ze swojim medicinskim personalom mnohich zajimowanych Wojerowčanow a wobydlerjow z wokolnych wsow na dźeń wotewrjenych duri witać. Dawno je so powědało, zo je tuta wulka wóčnolěkarska praksa profesionalnje zarjadowana a zo so tam najmoderniše medicinske nastroje wužiwaja. Tak móžachu wopytowarjo za kulisy hladać a so njemało dźiwachu. Nimo derje wopytanych šěsć wšelakich přednoškow je prof. Richter ludźi tři króć po kompletnym domje wjedł. Najbóle zajimowani běchu wopytowarjo, hdźe wóčny lěkar operuje. Tu jim jednaćel praksy rozkładowaše, zo wobsedźi najmoderniše techniske wuhotowanje. Nastroje wotpowěduja modernemu europskemu stardardej a maja niwow wóčnolěkarskeje kliniki.

Veröffentlicht in Łužica
Bitte anmelden, um einen Kommentar zu posten

Serbska debata

Neuheiten LND