Łužiska jězorina dźeń a wjace wopytowarjow a dowolnikow přiwabja. Na to so jenož hosćencarjo, mějićeljo pensijow a stanowanišćow njenastajeja, ale tež wobornicy a wuchowarjo.
Hory (AK/SN). Wosrjedź łužiskeje jězoriny je orkan stanowanišćo zapusćił. 22 ludźi je so zraniło. Zadwělowani a wučerpani woni wo pomoc wołaja, mjez nimi samodruha žona a dźěći. Paleta zranjenjow saha wot złamanych kosći a hač k rozbitym hłowam. Wulku ličbu zranjenych přizjewjeja prěni pomocnicy sobotu w 11.15 hodź. Wojerowskej dispatcherni. Štwórć hodźiny pozdźišo je pomocna skupina maltezow na městnje.