Židźino (UH/SN). Na 20lětne wobstaće gmejny Halštrowska Hola zhladowachu minjeny kónc tydźenja ze zhromadnym swjedźenjom wšitkich wosom wjesnych dźělow w Židźinom. W tymle poměrnje krótkim času je so takrjec identita Halštrowskeje Hole wuwiła a začuće zhromadnosće nastało, rjekny wjesnjanosta Dietmar Koark (CDU) zawčerawšim w połnje wobsadźenym stanje něhdźe 700 wopytowarjam. Tale zhromadnosć wopokaza so tohorunja w přihotach na jubilejny swjedźeń, kotrež drje běchu Židźinjenjo w horšći měli, ale zdobom pomoc z tamnych wjesnych dźělow nazhonili. Tak su hižo sobotu wubědźowanje młodźinskich wohnjowych woborow a žortne wubědźowanja přewjedli – stajnje před wulkej kulisu přihladowarjow.