Najebać njeskutk je kóždy jaty čłowjek, praji Budyska jastwowa fararka. Składnostnje hudźbneje wodarnje je wona zawčerawšim na zajimawe wašnje wo swojim dźěle powědała.
Budyšin (CK/SN). Žołtu bědu mjenuja wobydlerjo lěta 1904 natwarjene Budyske jastwo. Tele zapřijeće Angela Petzold ani za tak njekmane nima. To žno je běda, kak dołho jeći w jastwje přebywaja, wona praji. Běda pak na kóždy pad tohorunja je, štož su woni do toho načinili. Dźewjeć a poł lět skutkuje Drježdźanjanka jako jastwowa fararka w Budyskim jastwje. Stoprocentnje je wona tam přistajena. To nadeńdźeš hewak jenož hišće w Drježdźanach a w Torgauwje.