Njebjelčanska gmejna chce woznamjenjenje turistiskich šćežkow ponowić
Njebjelčicy (HS/SN). Gmejna Njebjelčicy chcyła woznamjenjenje turistiskich šćežkow na swojim teritoriju znowa rjadować. Wo tym diskutowachu tamniši radźićeljo na swojim zašłym posedźenju. Krajinowa architektka Ilona Palme z Kamjenca bě k tomu koncept zdźěłała a je radźićelam nětko předstajiła, kak chcyła pućowanske šćežki přichodnje z informaciskimi tafličkami woznamjenić.