Powołanski són sej spjelnił

Mittwoch, 09. Dezember 2015
Artikel bewerten
(0 Stimmen)
Pětr Vicka Foto: P. Vicka Pětr Vicka Foto: P. Vicka

Poprawom chcyše so přeco hižo z weterinarom stać, a skónčnje je sej tónle són tež spjelnił. 37lětny Pětr Vicka z Lutobča je wot lětušeho skótny lěkar.

Wuchodźiwši Serbski gymnazij w Budyšinje zahaji wón 1996 wukubłanje na fyzio­terapeuta. Dwě lěće w tym powołanju dźěłaše. Po njeličomnych dalekubłanjach skutkowaše wot lěta 2003 jako­ docent a je sam fyzioterapuetow wukubłał. Tola žadosć za weterinarnej medicinu bě sylniša: Lěta 2009 započa mjeztym 31lětny Lutobčan w Lipsku weterinarnu medicinu studować. Tež nimo studija měješe hišće tójšto dźěła: W Lutobču je sej w tym času chěžku natwarił. Mandźelska, wučerka na Radworskej serbskej wyšej šuli, jeho podpěrowaše. Hišće za čas studija narodźištej so jimaj holčce, mjeztym mataj mandźelskaj třeću dźowku.

Veröffentlicht in Lokalka
Bitte anmelden, um einen Kommentar zu posten

Anzeige