Delanskich wuměnkarjow kaž kóžde lěto na adwentničku přeprosyli
Šunow (aha/SN). Hižo wot časa do přewróta haji Ralbičansko-Róžeńčanska gmejna rjanu tradiciju a přewjeduje za swojich wuměnkarjow w Šunowskej Fabrikskej hospodźe adwentničku. Na nju přeprošeja wšitke žony, starše hač 60 lět, a muži, staršich hač 65 lět. Něhdźe 150 wobydlerjow je přeprošenje wčera sćěhowało. Mjeztym zo bě tam loni hišće pjeć žonow w narodnej drasće, bě to lětsa bohužel jedna mjenje.
Přitomni sej chwalachu, zo su znowa tak wulkomyslnje na staršu generaciju dźiwali, štož tež předstejićerka Ralbičanskeje wjesneje rady Hana Krawcowa w mjenje přitomnych z dźaknymi słowami zwurazni. Při kwasnej jědźi kaž tohorunja pozdźišo při kofeju a wosušku knježeše lóštna bjesada.