Paduši awtow před sudnistwom

Donnerstag, 10. Dezember 2015
Artikel bewerten
(0 Stimmen)

Budyšin (SN/MWj). Ćežkeho padustwa w cwólbje we wjace hač 40 padach dla dyrbja so třo čěscy staćenjo wot 15. decembra před wulkej chłostanskej ko­moru Zhorjelskeho krajneho sudnistwa w Budyšinje zamołwić. Statne rěčnistwo jim wumjetuje, zo su zhromadnje z dalšimi wot lěta 2012 we wulkim stilu přede­wšěm multicary a připowěšaki za wosobowe awta kradnyli.

Sobu wobskorženy je po informacijach sudnistwa šef padušneje cwólby. 27lětny kuchar ze Šluknova je jednotliwe pady planował, organizatorisce přihotował a zaručił, zo móža pokradnjene jězdźidła přez hranicu do Čěskeje dowjezć. Wón so runje tak wo to staraše, zo ru­biznu dale předawachu. Při tym jemu tohorunja ze Šluknova pochadźacy 32lětny wobskorženy metalowy fachowy dźěłaćer pomhaše. Třeći je 51lětny mechanikar z Jiříkova, kiž bě na 25 njeskutkach wobdźěleny. Wšitke padustwa njeběchu na zbožo wuspěšne. W někotrych dyr­bjachu wobskorženi před policiju ćeknyć a pokradnjene jězdźidło stejo wostajić.

Veröffentlicht in Lokalka
Bitte anmelden, um einen Kommentar zu posten

Anzeige