Nadźija na spěchowanje z kooperaciskeho programa Interreg

Hamor (AK/SN). Projekty z pólskimi partnerami chce gmejna Hamor přichodnje dołhodobnje zwoprawdźeć. K tomu je so tamniša gmejnska rada na swojim wčerawšim posedźenju z jedno­hłósnym zasadnym­ rozsudom wuznawa. Komuna móže tuž we wobłuku kooperaciskeho programa Interreg Pólska-Sakska 2014–2020 próstwy za projekty w hódnoće 2,4 milionow eurow zapodać. A nadźija so 85procentowskeho spěchowanja. „Tajke zhromadne projekty mějachmy tež hižo w zašłosći, na přikład nastupajo šule, wohnjowe wobory a škit před wulkej wodu“, rjekny nawoda hłowneho zarjada gmejny Arian Leffs. Tež festiwal transNaturale su na te wašnje sobu financowali.