Z wužiwanjom hotela Husarenhof na Naměsće Käthy Kollwitz w Budyšinje jako domom požadarjow azyla wot 1. februara su tam zaměstnjene štyri firmy a dwě lěkarskej praksy swój domicil zhubili. Połoženje zdawa so podobne lońšemu, jako přerjadowachu Greenpark na domicil ćěkancow.
Budyšin (SN/at). Do hód je towaršnosć Säurich-Sassenscheidt GbR jako mějićelka přemysłownišća Husarenhof z Budyskim krajnoradnym zarjadom zrěčenje wo wotnajenju třoch twarjenjow podpisała, zo by tam nastał kwartěr za ćěkancow. 28. decembra dóstachu tam zaměstnjeni podružnicy-firmownicy pisomne wupowědźenje rumnosćow. Je so krajnoradny zarjad tónkróć we wobłuku jednanjow za podružnikami wobhonił?
