Tilich přeće njespjelnił, ale šuli kostimy přilubił

Dienstag, 19. Januar 2016
Artikel bewerten
(0 Stimmen)
Princ Torsten, jenički z Fujiyamy, a jeho princesna Sanni ze Žitneho kuta powjedźetaj Kulowski norski lud po tamnišej 310. karnewalowej sezonje. Přichodne zarjadowanje je dalši kapičkowy wječor přichodnu sobotu.  Foto: Ulrike Herzger Princ Torsten, jenički z Fujiyamy, a jeho princesna Sanni ze Žitneho kuta powjedźetaj Kulowski norski lud po tamnišej 310. karnewalowej sezonje. Přichodne zarjadowanje je dalši kapičkowy wječor přichodnu sobotu. Foto: Ulrike Herzger

Kulow (UH/SN). Lubowarjo póstniskeho a norskeho činjenja bliža so wjerškej lětušeje karnewaloweje sezony, tak zo je zaso čas kapičkowych wječorow. Tajki wotmě so minjenu sobotu w Kulowskej sportowni. Ta bě kaž stajnje wupředata, čehoždla tam přichodnu sobotu dalši kapičkowy wječor přewjedu.

Kulowski norski lud drje hižo dawno wě, zo knježitaj w tamnišej 310. póstniskej sezonje mandźelskaj Sanni a Torsten Kellermann. Prjedy hač wonaj potajnstwo swojeho norskeho mjena přeradźištaj a swoje knježerstwowe wozjewjenje předčitaštaj, pak běštaj so dotalny princ Tobias I. z Krabatela a jeho princesna Claudia swojim najaktiwnišim pomocnikam 309. sezony dźakowałoj. Princ drje dyrbješe přiznać, zo jemu ministerski prezident Stanisław Tilich (CDU) přeće, Kulow jako centrum karnewala lěpje wobchadnej syći přiwjazać, spjelnił njeje. Za to pak je politikar přilubił, Krabatowej zakładnej šuli někotre póstniske kostimy sponserować.

Veröffentlicht in Łužica
Bitte anmelden, um einen Kommentar zu posten

Serbska debata

Neuheiten LND