Jeje hesło rěka „Doma w dobrych rukach“. Worklečanska ambulantna hladanska słužba maltezow wobsteji 20 lět. Sobudźěłaćerjo wužadanjam časa­ wobstajnje wotpowěduja. Wo spočatkach, wuwiću a dźensnišim wobsahu je so Andreas Kirschke z nawodnicu hladanskeje słužby Mariku Nowakowej rozmołwjał.

Kak je ambulantna słužba 1996 nastała?

M. Nowakowa: Maltezojo su tehdy Kamjensku chorownju při železniskej čarje wobhospodarjeli. Z ambulantnej hladanskej słužbu chcychu takrjec swój zastaranski rjećaz wudospołnić a tak na přiběracu potrjebu hladanja reagować. Z chorobnej sotru a hladarjom chorych su tule słužbu tehdy zahajili. Pozdźišo je hladarnja swj. Moniki za stacionarne zastaranje k tomu přišła.

Lěta 2004 sće nawodnistwo ambulantneje hladanskeje słužby přewzała.