Lětsa zaso tójšto wjerškow

Freitag, 22. Januar 2016
Artikel bewerten
(0 Stimmen)
Runje tak kaž dalše komuny je so tež Njebjelčanska gmejna tele dny na Mjezynarodnym zelenym tydźenju w Berlinje prezentowała a za sebje wabiła. Marja Šefrichowa demonstrowaše tam debjenje jutrownych jejkow.  Foto: Helmut Schippel Runje tak kaž dalše komuny je so tež Njebjelčanska gmejna tele dny na Mjezynarodnym zelenym tydźenju w Berlinje prezentowała a za sebje wabiła. Marja Šefrichowa demonstrowaše tam debjenje jutrownych jejkow. Foto: Helmut Schippel

Zamołwity za turizm w Njebjelčanskej gmejnje rozprawjał

Njebjelčicy (HS/SN). Staw turistiskeho wuwića w Njebjelčanskej gmejnje kaž tež lońše a lětuše turistiske podawki stejachu w srjedźišću rozprawy Karla Mildnera, zamołwiteho za turizm w komunje, na wčerawšim posedźenju gmejnskeje rady. Po jeho słowach chcedźa so přichodnje dale na łahodny turizm wusměrjeć, při čimž pak je wobjim atrakcijow a přenocowanskich móžnosćow wučerpany. Mjeztym zo su so zhromadneho dźěła z Turistiskej marketingowej towaršnosću Sakskeje wzdali, chwaleše Mildner zhromadne aktiwity z Marketingowej towaršnosću Hornja Łužica-Delnja Šleska. Zhromadne dźěło z towarstwom Dožiwjenske wsy je gmejnje nowe mjezynarodne kontakty wobradźiło. W tymle wobłuku su so lětsa třeći raz na Mjezynarodnym zelenym tydźenju w Berlinje wobdźělili a za wopyt dwurěčneje Łužicy wabili. Mjeztym pak Njebjelčanska gmejna tež swójske lětaki wudawa, zo by za swoje najwšelakoriše poskitki wabiła.

Veröffentlicht in Łužica
Bitte anmelden, um einen Kommentar zu posten

Serbska debata

Neuheiten LND