Prěnje reparatury w Běłowodźanskej lodowej arenje trěbne

Běła Woda (AK/SN). Swoju nowu lodowu arenu chce město Běła Woda dale zaměrnje a intensiwnje wućežeć. „W januaru zličichmy dohromady 1 476 hosći. W februaru bě jich dotal 1 210 ludźi. Přede- wšěm njedźelu na zjawnym smykanju je hala stajnje derje wopytana“, podšmórny wyši měšćanosta Torsten Pötzsch (Klartext) na wčerawšim posedźenju Běłowodźanskeje měšćanskeje rady. „Zjawne terminy dyrbimy z treningowymi wothłosować. Na kóždy pad chcemy halu dale tež zjawnosći za wužiwanje poskićeć“, rjekny Torsten Pötzsch.