Choćebuz (HA/SN). We wokrjesu Sprjewja-Nysa staraja so w cyłkownje 91 dźěćacych dnjowych přebywarnjach wo ně- hdźe 7 000 holcow a hólcow. Něhdźe 3 300 z nich chodźi do šulskeho horta. Tamniši krajnoradny zarjad bě w lětomaj 2014 a 2015 wobstejnosće w tychle přebywarnjach wobšěrnje přepytować dał. Při tym tež na to hladachu, kak tam w dźěle z předšulskimi a šulskimi dźěćimi hač do 13 lět na posrědkowanje serbskeje rěče a kultury dźiwaja.