Kniha wo cyrkwi poradźena

Dienstag, 01. März 2016
Artikel bewerten
(0 Stimmen)
K poradźenej knize gratulowaštaj Maria Heinke-Probst a Wito Sćapan lektorce Karin Damaschke a nakładnikej dr. Frankej Stübnerej (wotprawa).  Foto: C. Schumann K poradźenej knize gratulowaštaj Maria Heinke-Probst a Wito Sćapan lektorce Karin Damaschke a nakładnikej dr. Frankej Stübnerej (wotprawa). Foto: C. Schumann

Budyšin (CS/SN). Kopata połna bě žurla Budyskeho Serbskeho muzeja, jako su minjenu sobotu knihu nakładnistwa Lusatia wo Budyskej tachantskej cyrkwi swj. Pětra předstajili. Z monografiju je nakładnistwo poradźenu nowostku wudało, běchu sej wopytowarjo pře­zjedni, a to w rekordnym času połtřeća lět.

Wuznamej cyrkwinskeho twara wotpowědnje ma kniha, kotraž wuńdźe jako štwórty zwjazk w rjedźe spisow archiwneho zwjazka, hinak hač tři předchadniki krutu wobalku a trochu wjetši format. Reprezentatiwne wuhotowanje, kotrež měještaj grafikar Ralf Reimann a fotograf Holger Hinz na starosći, je Załožba němskich lutowarnjow podpěrała. Za awtora hłowneho dźěla knihi wo architekturje a twarskich stawiznach zdobychu wuměłstwoweho historikarja Kaija Wenzela. W swojim přednošku zbliži wón připosłucharjam sobotu 800lětne stawizny Božeho domu z wjele zajimawymi faktami. Tak woni zhonichu, što bě so w běhu lětstotkow změniło, što běchu wójny zničili a kak so jednotliwe doby na nutřkowne wuhotowanje wuskutkowachu.

Veröffentlicht in Łužica
Bitte anmelden, um einen Kommentar zu posten

Serbska debata

Neuheiten LND