Čłowjeska dostojnosć z widom na žiwjenje jednotliwcow kaž tež cyłeje towaršnosće bu w lětušim rjedźe ekumeniskeho póstneho seminara w Smochčanskim Domje biskopa Bena tematizowana. Prěnjej wječoraj steještej pod hesło­- maj „Njezranliwy? Čłowjek“ a „Nje­zranliwej? Spočatk a kónc žiwjenja“.

Smochćicy (CRM/SN). Zawčerawšim přednošowaše ewangelski profesor teologije dr. Ulf Liedtke z Lipska na temu „Njezranliwe? Žiwjenje ze zbrašenjom“. Referent bu na wysokošulskeho wučerja za teologisku etiku do Drježdźan po­wołany a wuči systematisku teologiju na Lipšćanskej uniwersiće. Běše tohorunja synodala Sakskeje ewangelsko-lu­ther­skeje krajneje cyrkwje. W habilitaciji zaběraše so wón z prašenjemi zbrašenja w našočasnej teologiji.