Pančicy-Kukow (JK/SN). Na ležownosći Marije-Marćineho domu w Pančičansko-Kukowskim klóštrje Marijinej hwězdźe su w minjenych dnjach pilnje dźěłali. Přistajeni Hórčanskeho Wehnertec hłubokotwarskeho zawoda su něhdyše hrajkanišćo wobydlerjow domu po planach Drježdźanskeje architektki jako domjacu zahrodu zapołožili. Tam nastanu přichodnje zelenišća, hdźež nasadźeja štomy a kerki.