Hońtwjerske drustwo Chrósćicy ma tójšto čłonow, ale jenož dweju hajnikow, kotrajž so swěru wo dźiwinu na polach a w lěsach drustwa starataj. Za to su jimaj dźakowni a jimaj dale swoje ležownosće za hońtwu dowěrjeja.
Chrósćicy (JK/SN). Dučmanec hosćenc bě wčera wječor jara derje pjelnjeny, jako wotmě tam Chróšćanske hońtwjerske drustwo swoju hłownu a wólbnu zhromadźiznu. Hižo na spočatku knježeše dobra nalada, a předsyda Jurij Kokla móžeše zajimowanym přitomnym dobru bilancu drustwa předstajić. Předsydstwo je so prawidłownje schadźowało a drustwo wuspěšnje nawjedowało, tak zo zamó naročne nadawki spjelnić.