VfL Pirna-Copitz –
Viktoria Worklecy
3:0 (25:17, 25:21,25:16)
Za Worklecy hrajachu: Beno, Jakub a Ławrjenc Bobka, Marko Brězan, LudwigEckert, Stephan Gedik, Jurij Lipič, Marcel Rjelka a Šćěpan Wjeńka
Zo budźe so januar z prawym ćežkim měsacom za muži ST Viktorije Worklecy stać, bě kóždemu znajerjej wolejbula jasne, wšako stejachu w hrajnym planje tři wonkowne hry za sobu! Hižo tydźeń do toho njeběše Viktoria aktualnemu primusej sakskeje klasy we Łužnicy zrosćena. Jenož chrobli optimisća wěrjachu, zo by pola druheho tabulki w Pirnje lóšo było. Na druhej stronje běchu Viktorianojo z tym w dźakownej poziciji „underdoga“, kiž ničo zhubić njemóžeše. Z tutym nastajenjom poda so dźewjeć motiwowanych Worklečanskich wolejbulistow na puć k Łobju, zo bychu snano překwapjenku z lěta 2020 wospjetowali, jako přećiwo faworizowanemu VfL 2:3 hrajachu.