Kriminalita we Łužicy přiběra

Mittwoch, 01. April 2015
Artikel bewerten
(0 Stimmen)

Pjeć procentow wjace njeskutkow – Mjenje kradnjenych awtow a kolesow

Zhorjelc (UM/SN). We wobłuku Zhorjelskeje policajskeje direkcije je kriminalita loni chětro přiběrała. Ličba přizjewjenych njeskutkow rozrosće wot 38 916 lěta­ 2013 na 41 027, to su 5,4 procenty wjace. Ćežišćo při tym je dale pomjezny region k Pólskej.

„Aktualne ličby njehodźa so porjeńšić“, wujasnja Conny Stiehl, nawoda Zhor­jelskeje policajskeje direkcije, kotraž wopřijimuje Budyski a Zhorjelski wokrjes. „Rozrost kriminality wo pjeć procentow je chutna naležnosć a nas starosći.“ Přiwšěm Conny Stiehl warnuje po­łoženje dramatizować, wšako móžachu 58,1 procent wšěch padow wujasnić, štož je nad sakskim přerězkom (54,8).

Veröffentlicht in Łužica
Bitte anmelden, um einen Kommentar zu posten

Serbska debata

Neuheiten LND