Jutře twarja kružny wobchad

Dienstag, 21. April 2015
Artikel bewerten
(0 Stimmen)

Na Budyskim křižowanišću zahaja druhi dźěl měšćanskeho pospyta

Budyšin (SN/MWj). Po tym zo płaći wot januara na Budyskich Lawskich hrjebjach a na Kamjentnej spěšnosć 30 km/h, započnje so jutře, srjedu, druhi dźěl po­spyta, z kotrymž chcedźa nutřkowne sprjewine město wobchadnje změrować. Wot 14 hodź. twarja na křižowanišću Drježdźanska / Schliebenowa / Zetkinowa prowizoriski kružny wobchad, kaž měšćanske zarjadnistwo zdźěla.

Spočatnje bě planowane, křižowanišćo přichodny pjatk a sobotu změnić a je w tym času dospołnje zawrěć. Toho so ­nětko wzdadźa. Po wčerawšim dorěčenju mjez wysokotwarskim a porjadowym wotrjadom měšćanskeho zarjadnistwa ze zastupjerjemi wobdźělenych twarskich firmow je předwidźane, dróhu z předjězbu, potajkim statnu dróhu S 111 a Zetkinowu połojčnje zawrěć, tamnej hasy, Schliebenowu a Drježdźansku, pak hač do wječora dospołnje zawrěć. Wo­kołopuć budźe po informacijach města wupisany.

Veröffentlicht in Łužica
Bitte anmelden, um einen Kommentar zu posten

Serbska debata

Neuheiten LND