ST 1922 Radwor
– Módro-běli Minakał 1:1 (0:0)
Zestawa domjacych: Wróbl – S. Henke, Buša, Šěrak, Mark (67. T. Henke), Karwinski, Nuk, Šram, Bauer (67. Wjeńka), Schulze, Winar
Po poražkach w minjenych tydźenjach dyrbjachu a chcychu koparjo ST 1922 Radwor njedźelu skónčnje zaso dypkować. Započachu tuž z trěbnym zapalom. Hižo po pjeć mjeńšinach sadźeštaj nadběhowarjej Winar a Schulze prěnje akcenty. Běše hnydom pytnyć, zo nochcedźa ani dypka wotedać. Po něhdźe 15 minutach woni prěni nadběh hosći daloko před šěsnatku zničichu. Tłóčachu drje na prěnje wrota, naposledk wšak poslednja konsekwenca pobrachowaše.