Wuskutki namjeta zwjazkoweho ministra za hospodarstwo a energiju Sigmara Gabriela (SPD) wo klimoškitnym wotedawku běchu znowa tema na wčerawšim posedźenju Slepjanskeje gmejnskeje rady.
Slepo (AK/SN). Na zhromadny list Slepjanskich a Trjebinskich gmejnskich radźićelow zwjazkowemu ministrej za hospodarstwo a dźěło Sigmarej Gabrielej ze 16. apryla njeje hišće žaneje reakcije. „Wočakujemy a žadamy sej jasnu wotmołwu“, podšmórny wjesnjanosta Slepoho Reinhard Bork (CDU) na wčerawšim posedźenju tamnišeje gmejnskeje rady. „W třoch spisach hospodarskich ministerstwow Sewjerorynsko-Westfalskeje, Braniborskeje a Sakskeje su nam přirěčowali a podpěruja naše žadanje, planowany klimoškitny wotedawk cofnyć“, Bork rjekny.
