Awtor dźensa

Michał Nuk

Zašłe kóncy tydźenja stejachu zaso w znamjenju wutrajnostneho třiboja we Łužicy. Knappenman we Łazu je tež lětsa znowa syłu sportowcow přiwabił. Triatlon při Třižonjanskim jězoru je tak woblubowany, dokelž namaka kóždy zajimc, wšojedne hač dołholětny rutinjej abo započatkar, kmany poskitk. Přede­wšěm kolesowanska čara po dobrym asfalće je płona a spěšna, nichtó so dołhich horow bojeć njetrjeba. Kontrast k tomu mamy 80 km južnišo. Krótko do Knappenmana wotměwa so wokoło Olbersdorfa O-See-Challenge, kotraž słuša do swětoweje wubědźowanskeje serije XTERRA. Tu je hinaši material trěbny – po płuwanju dźe na mountainbiku přez kamjenje a korjenje Žitawskich horin, prjedy hač so naročny crossowy běh přizamknje. To wo­sebje na kolesu woznamjenja, zo trjebaš nimo wutrajnosće tež dobre techniske a koordinaciske zamóžnosće, njechaš-li přewjele mocow a časa zhubić.

Kónc septembra na Powerserb

Serbske młodźinske towarstwo Pawk zarjaduje 29. septembra wubědźowanje Powerserb, a Konječanska młodźina je wuhotuje a to wot 14 do 19 hodź. w Konjecach.

Strowotniske běhi

We wobłuku Wopačanskeho běhan­skeho cupa přewjedu dźensa, pjatk, 10. Połčničanske strowotniske běhi. Start a cil budźetej při HELIOS-klinice w Połčnicy. Kołokurs powjedźe po pólnych a lěsnych pućikach a po krótkej asfaltowanej podłoze.

Stara garda Sokoła hraje

Po domjacym dobyću 5:2 přećiwo Hermsdorfej hraja stari knježa Sokoła Ralbicy/Hórki we wólnočasnej lize Zapadołužiskeho koparskeho zwjazka dźensa we 18 hodź. w Rakecach přećiwo Hrajnemu zjednoćenstwu Rakecy/Šćeńca.

Kónctydźenska kopańca

31.08. 15:00 Rakečanske ST –

  ST Trjebin

31.08. 15:00 Motor Kumwałd –

  Sokoł Ralbicy/Hórki

31.08. 15:00 Módro-běli Kulow –

  ST Porchow

31.08. 15:00 HZ Łaz/Běły Chołmc –

  SJ Njebjelčicy

01.09. 13:30 Wojerowski FC –

  ST Marijina hwězda

01.09. 15:00 ST Radwor –

  HZ Lubuš/Bluń

01.09. 12:30 SJ Chrósćicy II –

  HZ Hórnikečanski jězor

01.09. 15:00 SJ Chrósćicy –

  TSV Rotacija Drježdźany

Lětsa tydźeń pozdźišo

Na 40. jubilejnym Wopačanskim Běłobó­skim běhu po tamnišej hórskej krajinje je so minjenu njedźelu mjez 420 wobdźělnikami tež horstka serbskich běharjow dračowała.

Wot lěta 1979 organizuje jara agilne Wopa­čanske sportowe zjednoćenstwo w přikładnej zhromadnosći z tamnišim gmejnskim zarjadom we wšěm nastu­panju stajnje tute jara ćežke, a tola přewšo woblubowane wurisanje běharjow. A tak běše to tež na lětušim jubilejnym z předsydu zjednoćenstwa Winfriedom Haasu a z měšćanostku Sylwiju Hölzel na čole. Wjele ludźi je sportowcam zaso­ mócnje přikleskowało a jich pohonjało, a to po puću kaž tež w stadionje. Mnozy woby­dlerjo su swoje domy abo zahro­dy atd. rjenje wupyšili. Wurjadna a wutrobna to atmosfera. Lětsa je kóždy atlet­ tež hódnu praktisku dopomnjenku na 40. jubilejne wurisanje dóstał.

Jednotliwe distancy wurisanjow běchu 0,4/1,5/4,9/12 a 20 km. Běh na 0,4 km běše­ prěni króć bambinijowy za dźěći pod štyrjomi lětami, štož běše jedne koło na běžni po stadionje, a tam je 23 pjerachow startowało.

Kopańca, regionalna liga žonow

Union Berlin – Viktoria Berlin 0:0 (0:0)

Rudne horiny Aue – RB Lipsk 0:9 (0:3)

Biskopicy – Hohen Neuendorf 1:1 (1:1)

Steglitzski FC – Phoenix Lipsk 2:4 (0:3)

Magdeburgski FFC – Erfurt 4:2 (2:1)

Přezjednota Lipsk-juh – Jena II 1:3 (1:2)

krajna liga muži

Jednota Kamjenc – Lipsk 0:0 (0:0)

Radebeulski BC – Taucha  0:3 (0:0)

Markkleeberg – Nowe Město 0:2 (0:0)

Budyšin – Wilsdruff5:0 (4:0)

Großenhain – Pirna-Copitz  0:2 (0:1)

Lößnitz – Přezjednota Niska 4:0 (3:0)

Mittweida – Wocl Riesa 3:0 (2:0)

Nowosólc-Hródk – Rabenstein 4:2 (1:2)

wokrjesna liga, stafla 2

Hórnikečanski jězor – Malešecy 6:3 (3:2)

Lubuš/Bluń – Wulka Dubrawa 3:0 (0:0)

Rakecy II/Šćeńca – Łaz/Chołmc1:6 (0:3)

Wóslink/Skaskow – Minakał 2:2 (0:1)

Haselbachtal – Wojerowski FC II 6:2 (5:1)

Njebjelčicy – Chrósćicy II 3:0 (1:0)

Hlinowc – Łuty3:5 (1:1)

Nadrózna Hrabowka – Radwor 1:3 (1:2)

čoło tabulki

1. HZ Lubuš/Bluń 3 12 :2  9

2. ST Radwor 3 8 :3  7

3. ST Hlinowc 3 15 :6  6

4. HZ Łaz/Běły Chołmc 3 12 :6  6