Tež dorost ma nowe stafle

Dienstag, 26. Juli 2022 geschrieben von:

Hišće drje maja koparki a koparjo Zapadołužiskeho koparskeho zwjazka, kotremuž přisłušeja tež mnohe serbske koparske towarstwa, wjacore tydźenje prózdniny, přiwšěm pak su staflowi nawodźa hižo minjene dny nowu zestawu staflow za přichodnu hrajnu dobu 2022/2023 wozjewili. Wčera smy na tymle městnje hižo nowe stafle wot wot młodźiny A wokrjesneje ligi hač k młodźinje C wokrjesna liga, stafla 1 wozjewili. Dźensa dokumentujemy tule dalše zestawy:

Młodźina C – wokrjesna liga, stafla 2

FV Ottendorf-Okrilla 05

SC 1911 Großröhrsdorf

HZ FSV Łuty / Hosena

HZ Jězorinowy kraj

HZ SZ Großnaundorf

HZ SJ Njebjelčicy

HZ Ćisk/Łaz/Běły Chołmc

HZ TSV Połčnica

ST Natwar Němske Pazlicy

ST Kinspork/Łužnica

ST Liegau-Augustusbad

Młodźina C – wokrjesna liga, stafla 3

Arnsdorfske KT

Módro-běli Minakał

HZ ST Nadrózna Hrabowka

HZ Chrósćicy/Ralbicy

HZ ST 1896 Wulka Dubrawa

HZ ST Módro-běli Njeswačidło

HZ Postup Großharthau

HZ ST Hodźij 04

HZ TSV 90 Wjazońca

ST Zemicy-Tumicy

TSV 1859 Wjernarjecy II

Młodźina D – wokrjesna wyša liga

Biskopičanske KT 08

FSV Bretnig-Hauswalde

Tež dorost ma nowe stafle

Montag, 25. Juli 2022 geschrieben von:

Na teritoriju Zapadołužiskeho koparskeho zwjazka, kotremuž přisłušeja tež mnohe serbske koparske towarstwa, drje maja koparki a koparjo hišće wjacore tydźenja prózdniny, přiwšěm pak su staflowi nawodźa hižo minjene dny nowu zestawu staflow za přichodnu hrajnu dobu 2022/2023 wozjewili. Sportowa redakcija Serbskich Nowin je tule dokumentuje:

Młodźina A – wokrjesna liga

Arnsdorfske KT

HZ Rakečanske ST

HZ Jězorinowy kraj

HZ SJ Chrósćicy 1981

HZ SZ Großnaundorf

HZ Drohotka Ramnow

HZ ST 1922 Radwor

HZ Natwar Němske Pazlicy

HZ Zeleno běli Bukecy

HZ ST Kinspork/Łužnica

ST Porchow

TSV Połčnica 1920

Młodźina B – wokrjesna liga stafla I

HZ Bart 90 / Bukecy

HZ SJ Chrósćicy 1981

HZ Wjelećin / Wjazońca

HZ ST 1922 Radwor

HZ Hodźi / Huska

HZ ST Traktor Malešecy

ST Porchow

ST Horni kraj-Sprjewja

ST Póst Germania Budyšin

Młodźina B – wokrjesna liga stafla II

Arnsdorfske KT

HZ Łužica

HZ FSV Bretnig-Hauswalde

HZ Ottendorf-Okrilla

HZ SC 1911 Großröhrsdorf

HZ SZ Großnaundorf

ST Kinspork/Łužnica

SZ Liegau-Augustusbad

TSV Wachau

Młodźina C – wokrjesna liga stafla I

Mustwo Sokoła Ralbicy/Hórki je wčera 5. serbski koparski supercup w Njebjelčicach dobyło. W finalu přesadźichu so Ralbičenjo před 300 přihladowarjemi ze 3:0 přećiwo ST Marijinej hwězdźe. Wrota za Ralbičanow třělichu Syman Kocor, Dawid Šołta a Kilian Hrjehor. W małym finalu porazy ST 1922 Radwor zakitowarja pokala SJ Chrósćicy 3:2. Chróšćenjo su z třomi dobyćemi dale rekordny dobyćer Serbskeho supercupa, turněra pjeć serbskich koparskich cyłkow. (Wjace wo tym čitaće jutře w SN). Foto: Jörg Stephan

Steja hišće cyle na spočatku

Montag, 25. Juli 2022 geschrieben von:

SJ Chrósćicy – FC Pěnčín 2:4 (0:3)

Zestawa domjacych: Králíček, Škoda – L. Zahrodnik, F. Cyž, Sentiwan, Mark, ­Matješk, Zynda, Matik, Janca, Kreuz, G. Zahrodnik, Bogusz, Młynk, M. Zahrodnik, Mützner, Wornar, C. Handrik

Po krótkej lětnej přestawce witaše Chróšćanski trenar Pavel Runt swojich chowancow tele dny zaso k přihotej na nowu sezonu. Sobotu tydźenja steješe prěni test na planje. Tu přijědźechu koparjo mustwa FC Pěnčín do Chrósćic. Woni hraja w pjatej čěskej lize. W mustwje we wsy njedaloko Jabloneca ­hrajetaj z Karelom Vrabecom a Pavelom ­Patku tež koparjej, kotrajž staj někotre ­lěta swoje kopački we Łužicy za Budissu Budyšin abo Jednotu Kamjenc šnórowałoj.

Awtorka dźensa

Tereza Wićazowa

Při tučasnych europskich mišterstwach w žónskej kopańcy by tójšto naležnosćow wobrěčeć móhli. Tola sćelaki kaž ARD, kiž hry wusyłaja, wzdawaja so zwjetša přihotowanskeje rozrěče do a wuhódnoćenju resp. rozmołwy po hrě.

Sport (22.07.22)

Freitag, 22. Juli 2022 geschrieben von:

Kónctydźenska kopańca

Nimo Serbskeho supercupa njedźelu w Njebjelčicach (Serbske Nowiny wčera turněr připowědźichu), we wobłuku kotrehož hraja serbske cyłki z Radworja, Pančic-Kukowa, Chrósćic a Ralbic, testuja dalše mustwa nowe zestawy swojich cyłkow dźensa, jutře, njedźelu a přichodny kónc tydźenja takle:

22.07. 19:00  Rakečanske ST –

  Biskopičanske KT 08

23.07. 15:00 Zeleno-běli Bukecy –

  ST Hbjelsk 1923

23.07. 15:00 Módro-běli Minakał –

  SSV Langburkersdorf

29.07. 18:30 SJ Chrósćicy –

  Póst Germania Budyšin

30.07. 15:00 SJ Chrósćicy –

  ST Hnašecy-Dobruša

31.07. 11:00 SJ Njebjelčicy –

  TSV Wachau

Přihotowanske hry Běłowodźanow

W přihotowanskej fazy na nowu hrajnu dobu 2022/2023 změja Łužiske lodohokejowe liški wjacore přećelske hry.

26.08. 19.30 EC Bad Nauheim –

  Łužiske liški

28.08. 16.00 EC Kassel Huskies –

  Łužiske liški

02.09. 19.30 Łužiske liški –

  HC Benátky nad Jizerou

03.09. 16.00 Łužiske liški –

  LP Crimmitschau

11.09. 17.00 LP Crimmitschau –

  Łužiske liški

Wolejbulowy turněr na SGB

Michal Brandl prěni nowy Budissy

Donnerstag, 21. Juli 2022 geschrieben von:

Michal Brandl je prěni nowopřichad wyšeho koparskeho ligista FSV Budissa Budyšin. Hakle njedawno je koparske towarstwo jeho zjawnosći předstajiło. 24 lětny Brandl přińdźe z Biskopičanskeho KT 08 do sprjewineho města, zdźěli Budissa w nowinarskim wozjewjenju. Kopar nutřkowneho škita je nowe dźěłowe zrěčenje hač do 30. junija 2023 podpisał, ze zdźělenki dale wuchadźa. „Mamy wulku dowěru do kwalitow Michala Brandla. Wón budźe konkurencny bój w nutřkownym škiće dale přisporjeć“, rjekny wiceprezident FSV Budissy Budyšin Sven ­Johne. „Wjeselu so na swój nowy nadawk w Budyšinje. Budissa je so jara wo mnje prócowała. Wjeselu so na nowy team ­a zhladuju pozitiwnje do přichoda“, zwurazni Michal Brandl k swojemu nowemu nadawkej.

24 lětny Čech bě so pola FK Ústí nad Labem a pola FK Teplice na koparja wukubłał. Dalšej staciji běštej Sokol Košťany a TJ Hrob. Wot tam přińdźe Michal Brandl loni w lěću do Biskopic k tamnišemu koparskemu towarstwu, hdźež bě wón w minjenej hrajnej dobje 27 króć we wyšej lize zasadźeny a je dwoje wrota třělił.

Dalše nowe wobličo

Njedźelu zaso Serbski supercup

Donnerstag, 21. Juli 2022 geschrieben von:
Koparjo Sportoweje jednotki Chrósćicy njepřijědu njedźelu jenož jako zakitowar titula na Serbski supercup do Njebjelčic, ale jako zastupjer krajneje klasy tež jako faworit. Sportowa jednotka Njebjelčicy budźe njedźelu, 24.julija, w Njebjelčicach hosćićel 5. serbskeho supercupa, turněra ze štyrjomi serbskimi koparskimi mustwami. Wot 14:30 hodź. wuhraja w Njebelčanskim stadionje prěni połfinale, wot 15:25 hodź. potom dalši semifinale. Hra wo třeće městno budźe wokoło 16.25 hodź., finale chcedźa něhdźe 17.25 hodź. zahwizdać. Zastup w Njebjelčicach hromadźić njebudu. Wobdźělić smědźa so lětsa cyłki ST 1922 Radwor, SJ Chrósćicy 1981, ST Marijina hwězda a Sokoła Ralbicy/Hórki. Mustwo SJ Njebjelčicy wusadźi, dokelž bě loni štwórte městno wobsadźiło. Połfinalnej partiji wulosować chcedźa zamołwići lětsa wokoło 14 hodź. na městnje w Njebjelčicach. Foto: Jörg Stephan

Jannik Käppler přewozmje

Mittwoch, 20. Juli 2022 geschrieben von:

Jannik Käppler je jako bywši dorostowy hrajer, sobudźěłaćer medijoweho teama a aktualny hrajer muži w towarstwje połnje zakótwjeny a nosy DNA Budissy Budyšin we sebi. Tak so za nadawki w zarjedźe najlěpje hodźi. Wot 1. julija je wón nawoda zarjada FSV Budissy Budyšin. Prezidij je na swojim minjenym posedźenju nastupajo personaliju stejišćo zabrał: „Wjeselimy so jara, zo móžachmy Jannika Käpplera za tónle nadawk zdobyć. Wón znaje towarstwo hižo z najzažnišich dnjow dźěćatstwa, je hižo dwě lěće jako hrajer 1. mustwa muži zasadźeny był a je minjenu sezonu jara wuspěšnje na wonkownym wobrazu našeho towarstwa sobu skutkował. Chcemy z nim přichodny krok hić a wjeselimy so na to. Ze studijom sportoweho managementa ma wón teoretiski knowhow, kotryž móže nětko pola nas do praksy přesadźić. Runočasnje dźakujemy so Renéjej Meißnerej, kiž budźe so nětko zaso dospołnje na swoje předewzaćelske nadawki koncentrować móc“, rěka w nowinskej zdźělence Budissy.

Budissy tikety wot hnydom skazać

Mittwoch, 20. Juli 2022 geschrieben von:

Lětne lisćiki za nowu sezonu 2022/2023 hodźa so wotnětka za hry wyšeho koparskeho ligista Budissa Budyšin skazać. Lětne lisćiki woprawnjeja k zastupej při wšěch dypkowych hrach 1. mustwa muži do stadiona Młynkec łuce. Wone su w štyrjoch kategorijach na předań:

1. městno k sedźenju: 155 €

2. městno k sedźenju (potuńšene): 125 €

3. městno k staću: 125 €

4. městno k staću (potuńšene): 95 €

Prawo na potuńšenu płaćiznu maja čłonojo towarstwa, młodostni, šulerjo, studenća, rentnarjo a ćežko zbrašeni. Potuńšenje płaći jenož w zwisku z wotpowědnje płaćiwym wupokazom.

Po dochadźenju skazanki, štož je hač do kónca julija 2022 móžne, nawjaza zarjad kontakt ze skazarjom, zo bychu wotewzaće a zapłaćenje wothłosowali. Při wupadach korony dla njeje narunanje bohužel móžne.

Anzeige