Krótkopowěsće (28.07.15)

Dienstag, 28. Juli 2015
Artikel bewerten
(0 Stimmen)

Lětnje dźiwadło w oktobrje

Budyšin. Prěni raz w stawiznach Budyskeho lětnjeho dźiwadła chce NSLDź inscenaciju pod hołym njebjom na hłownym jewišću pokazać. Wulkeho napra­šowanja dla předstaja přewšo wuspěšny kruch „My Fair Lady“ 30. a 31. oktobra w 19.30 hodź. a 1. nowembra w 17 hodź. na hłownym jewišću. Předpředań lisćikow je so dźensa započała.

Segwayje zakazane

Praha. W centrumje čěskeje stolicy je na­ chódnikach dźeń a wjace dwukolesatych elektriskich segwayjow po puću; často wone tež pěškow wohrožeja. Po čěskich zakonjach pak wone na dróhi njesmědźa. Někotre Praske radnicy spytaja problem ze zakazami rozrisać – segwayje njesmědźa wot najnowšeho na přikład na kupu Kampa abo na Vyšehrad.

Železnica chce městna šmórnyć

Berlin. Němska železnica po špatnej bilancy prěnjeho połlěta wottwar dźěłowych městnow hižo njewuzamkuje. Kon­kretne namjety chcedźa na posedźenju dohladowanskeje rady w decembru před­połožić, kaž šef předsydstwa Rüdiger Grube dźensa w Berlinje připowědźi. Železnica je ze 196 000 přistajenymi jedyn z najwjetšich dźěłodawarjow Němskeje.

Veröffentlicht in Krótkopowěsće
Bitte anmelden, um einen Kommentar zu posten

Serbska debata

Neuheiten LND