Hornja Łužica přeproša

Poznań. Hornjołužiski zwjazk šesćiměstow wabi w Poznanju. Zhorjelc, Budyšin­, Lubij, Kamjenc, Žitawa a Lubań předstajeja so z pućowanskimi poskit­kami na wikach Tour salon. Jedne z će­žišćow su hodowne wiki. Nimo toho předstajeja tam nowu brošurku „Wo wikowarjach a knježkach“, w kotrejž so šesćim­ěsta jako pućowanske zaměry prezentuj­a.

Wabja za Pücklerowe parki

Bonn. Zwjazkowa wuměłstwowa hala w Bonnje chce klětu pokazać wustajeńcu wo parkach hrabje Pücklera w Mužakowje, Chćebuzu a Podstupimje-Babelsbergu. Předwidźane je přehladku w meji wotewrěć. Nimo njeje chcedźa na trěše hale zahrodu Pücklera zarjadować. Wustajeńca ma w zapadnych zwjazkowych krajach za Pücklerowe parki wabić.

Za škit bydlenjow

Choćebuz. Policija, statne rěčnistwo a rjemjeslnicy su za Choćebuz a wokrjes Srpjewja-Nysa škitne towarstwo załožili. Woni chcedźa přenajerjam a wobsedźerjam bydlenjow pomhać, domy a bydlenja lěpje před zadobywarjemi škitać. Dalše pokiwy dóstanu zajimcy pod www.zuhause-sicher.de.

EM bjez Nižozemskeje