Čěska překwapjenka bjezmała so radźiła

Mittwoch, 19. Juni 2024 geschrieben von:

Poslednja hra dnja bu w Lipsku přewjedźena a rěkaše Portugalska přećiwo Čěskej. Hižo ze zahwizdanjom nastajichu Portugalčenjo dwaj rekordaj. Cristiano Ronaldo je nětko prěni profi, kotryž je při šěsć europskich mišterstwach nastupił. A nichtó njebě dotal při jednej EM tak stary kaž šef w škiće: Pepe. Zakitowar FC Porto je 41 lět a 113 dnjow stary. Ronaldo a Pepe staj dźěl třećeho najdróšeho kadra EM, jenož Francoska a Jendźelska maja wyšu wikowansku hódnotu. A přiwšěm mějachu so přećiwo hłuboko stejacym Čecham ćežko. Portugizojo pytachu z wjele měnami pozicijow dźěry w čěskim škiće, tempo pak hustodosć pobrachowaše. Bruno Fernandes wuspyta so tohodla raz z 25 metrow, sadźi pak bul snadnje wyše wrotow (24.). Leão suny so nimo přihrawki Bernarda (26.) a Ronaldowa třělwa bu blokowana (45.+1). Češa wokoło profija zwjazkoweho koparskeho ligista Bayer Leverkusen Patrika Schicka, přińdźechu lědma k wočakowanym konteram. Schick měješe so při wašnju hraća swojeho mustwa ćežko, dźesać mjeńšinow pozdźišo bu wón wuměnjeny. A widźeše wot ławki, kak Čěska naraz nawjedowaše.

Chróšćenjo w pěsku wuspěšni

Mittwoch, 19. Juni 2024 geschrieben von:

Pjaty wólnočasny wolejbulowy turněr serije „top-sydom“ we Worklecach dobychu hrajerki a hrajerjo mustwa SJ Chrósćicy před ST 1922 Radwor a wučerjemi Serbskeho gymnazija Budyšin (SGB).

Pjata stacija wólnočasnych turněrow serije „top-sydom“ wotmě so minjenu póndźelu we Worklecach, a to prěni raz na nowym pěskowym hrajnišću Viktorije Worklecy. Hłownaj organizatoraj wječora Alexander Kral a Robert Wullenk powitaštaj šěsć mustwow na tak mjenowany „kobołkowy turněr“, mjeno, kotrež nasta hižo w dźewjećdźesatych lětach. Tradicionelnje dóstachu wšitcy akterojo po zhromadnemu sportowanju kobołkowe kołbaski.

Zwjeselace bě znowa wulki podźěl młodostnych, mjez nimi jědnaće šulerkow a šulerjow 8. do 11. lětnika ze Serbskeho gymnazija. Wolejbulisća Žołto-módri Kulow sčasom wotprajichu, tak zo jednotliwe cyłki w modusu kóždy přećiwo kóždemu z jednej sadźbu do 15 dypkow swojeho dobyćerja zwěsćichu.

Wuslědki (19.06.24)

Mittwoch, 19. Juni 2024 geschrieben von:

Kopańca, krajna liga

Markkleeberg – H. Ł. Neugersd. 1:6 (0:2)

Drježdź. Laubegast – Glauchau 3:3 (1:2)

Reichenbacher FC – FC Lößnitz 0:0 (0:0)

1. SZ Taucha 25 57  : 17 55

2. SSV Markranstädt 25 35  : 14 49

3. SZ Rjemjesło Rabenstein 25 46  : 18 47

4. SC Borea Drježdźany 25 50  : 30 45

5. Reichenbacher FC 25 35  : 24 42

6. Ho. Łužica Neugersdorf 25 35  : 27 41

7. Drježdźany Laubegast 25 54  : 27 39

8. VfB Empor Glauchau 25 38  : 39 39

9. FC Lößnitz 25 30  : 29 33

10. VfB Fortuna Kamjenica 25 36  : 36 33

11. SZ Motor Wilsdruff 25 39  : 40 32

12. VfL Pirna-Copitz  25 29  : 44 28

13. Radebeulski BC 25 26  : 42 26

14. Kickers Markkleeberg 25 31  : 46 22

15. Radefeldske ST  25 22  : 50 19

16. BSC Rapid Kamjenica 25 18  : 98 4

Woni maja hrajerjow Reala Madrida, FC Chelsea a FC Arsenala, tola to njeje Ukrainje při starće do europskeho mišterstwa pomhało. Runje wrotar Andriy Lunin wot Real Madrid dowoli sej přećiwo Rumunskej hnydom dwaj wulkej zmylkaj. W zazběhowej hrě skupiny E podleža cyłk 0:3 přećiwo Rumunskej. Při tym njeje so scyła hubjenje započało. Ukraina měješe po fazach nimale 75 procentow wobsydstwa bula a spyta, wosebje přez lěwu stronu ze spěšnym nadběhowarjom FC Chelsea, Mychajlo Mudrykom, k ofensiwnym akcijam přińć. Tola tempo pobrachowaše, strašnje přećiwo hłuboko stejacym Rumunam najprjedy njebu. W ofensiwje Rumunojo wjele njepokazachu, tola nadobo nawjedowachu. Po přihrawce na wrotarja Lunina, hraješe tón bul dokładnje do nohow Dennisa Mana. Rumun wuži zmylk, suny hrajny nastroj spěšnje k swojemu mustwowemu koleze Nicolae Stanciujej, kiž z centralneje pozicije bul do lěweho róžka zapali (29.). Nětko zwyšichu Rumunojo ćišć. Nimale přeco, hdyž Rumunojo nadběhowachu, činjachu to z wulkej inten­situ. Tak tež w 53. min.

Młodźinski klub Němcy je Kulow-cup dobył

Organizatorojo 34. Kulow-cupa Zelena garda a United Clubs for Kulow z.t. (UCFK) přiwabichu pjatk wječor tójšto zahorjenych přiwisnikow kopańcy na zhromadne hladanje zazběhoweje hry europskeho koparskeho mišterstwa, Němska přećiwo Šotiskej (5:1). Po partiji zahaji so tradicionalna Kulow-cup-party z hudźbu něhdyšeho princa alias DJ-ja Wintusa ze swojim něhdyšim maršalom Kaštijom.

Sobotu zetkachu so dypkownje w 11 hodź. mustwa při měšćanskim haće k 34. Kulow-cupej. W předkole su w dwěmaj skupinomaj na dwěmaj hrajnišćomaj stajnje 12 mjeńšin hrali. Prěni połfinale mjez Zelenej gardu a Kulow Section skónči so 0:3, druhi semifinale Koćina/Kulow – młodźinski klub Němcy runje tak 0:3. Potom slědowachu zaměstnjenske duele. Wo městno 9 wojowaštej Flames of Pils a Wyša šula Kulow (2:3), wo městno 7 Bojazliwcy a Čerwjene Funki (3:4), wo poziciju 5 Hórski klub Hory a Dołha Garda (1:0). Małe finale doby Zelena garda přećiwo Hrajnemu zjednoćenstwu Koćina/Kulow z 3:1.

Franciska Bobkec z Miłoćic bě jedna z wobdźělnikow na jěchanskim turněrje EWAG Masters 2024 minjeny kónc tydźenja w Kamjencu-Jěžowje. Za konjace sportowe towarstwo „Při Klóšterskej wodźe“ Pančicy-Kukow běše to wuspěšny kónc tydźenja. Jurij Bobka je sej w skakanju titul pola młodych jěcharjow wudobył. Křesćan Zahrodnik přiwjeze z vogtlandskeho Lengenfelda titul Krajneho championa Sakskeje w přezpólnym jěchanju za kobłu Contariu do domizny a w Chrósćicach při Fulkec hórce je Pančičanske towarstwo sakske mišterstwo we wubědźowanju zapřahow přewjedło. Foto: Jörg Stephan

Nowy dobyćer turněra Sokoła

Dienstag, 18. Juni 2024 geschrieben von:

Lětsa su koparski turněr starych knjezow wo pokal Serbskeho Sokoła z.t. pola sportoweho zjednoćenstwa Marijinej hwězdy w ramiku sportoweho a inkluziskeho swjedźenja přewjedli. Wot šěsć móžnych mustwow nastupichu pak jeničce tři, byrnjež termin jara dołhodobnje znaty był. Nimo Pančičanow nastupichu Ralbičenjo a Njebjelčenjo, wotprajili běchu Radworčenjo, Hórčenjo a Chróšćenjo. Tak hrajachu cyłki kóždy přećiwo kóždemu, a to stajnje 30 minutow.

W prěnjej hrě nastupi zakitowar pokala Ralbicy přećiwo domjacemu cyłkej. Prjedy hač so Ralbičenjo wuspachu, steješe po pjeć mjeńšinach hižo 2:0 za hosćićela. Z třělwu ze zdalenosće trjecheštaj najprjedy Matti Bětnar a po rjanej kombinaciji Tobias Kubaš. Sokoljo spytachu so wobarać, tola dobre nadběhi so jim njeporadźichu. Strašniše běchu na kóždy pad klóšterscy a Měrćin Jakubaš docpě z třećimi wrotami kónčny rezultat.

Prěnja połojca njezbožowna była

Dienstag, 18. Juni 2024 geschrieben von:

FSV Nowosólc-Hródk –

SJ Chrósćicy 5:0

Zestawa hosći: Škoda – Mark (55. Matik), Kreuz, Cyž, L. Zahrodnik, Runt, Hawš, Žur (75. Handrik), G. Zahrodnik, Młynk (75. Wencel), Bogusz (80. Donat)

Hrajerjo SJ Chrósćicy podachu so minjenu njedźelu do Nowosólca. Běše to poslednja hra sezony a za Chróšćanow zdobom poslednja w krajnej klasy. Wšako lětsa do wokrjesneje wyšeje ligi zestupja. Přiwšěm pak chcychu koparjo trenarja Pavela Runta, kotryž mustwo po sezonje wopušći, swoje mocy hišće raz mobilizować.

Wuslědki (18.06.24)

Dienstag, 18. Juni 2024 geschrieben von:

Kopańca, krajna klasa

Drježdźanski SC – Rakečanske ST 8:3 (3:2)

Rotacija Drjež. – Wojerowski FC 5:3 (3:0)

Nowosólc-Hródk – SJ Chrósćicy 5:0 (4:0)

FV Přezjednota Niska – Sebnitz 5:0 (3:0)

Póst Budyšin – ST Wesenitzal 3:0 (1:0)

1. Drježdźanski SC  30 83  : 36 70

2. FV Přezjednota Niska 30 94  : 26 65

3. SZ Drježdźany Strěžin 30 70  : 53 54

4. FSV Nowosólc-Hródk 30 59  : 35 52

5. FSC Wódrjeńca  30 85  : 61 50

6. TSV Rotacija Drježdźany 30 62  : 60 47

7. Radebergerske ST 30 61  : 68 47

8. ST Wesenitzal 30 48  : 53 46

9. SG Weixdorf 30 57  : 43 41

10. Wojerowski FC 30 58  : 56 38

11. Mó.-běli Zschachwitz 30 77  : 64 36

12. Rakečanske ST 30 53  : 90 36

13. Póst German. Budyšin 30 43  : 80 33

14. BSV Sebnitz 30 42  : 69 30

15. SJ Chrósćicy 30 26  : 70 24

16. VfB Běła Woda  30 46  : 100 17

Němska ze zazběhowym dobyćom zahoriła

Montag, 17. Juni 2024 geschrieben von:

Ronaldo, Bellingham, Mbappé: Mnozy EM-faworića su žiwi wot swojich superstarow. Wubranka DFB porno tomu je nowinarski slogan ,,mustwo“ po wšěm zdaću jenož wotbyło, zo by nětko skónčnje jako tajke wustupowało. Fanojo su zahorjeni. Pjatk k zazběhej europskeho mišterstwa je so němske koparske narodne mustwo suwerenje 5:1 přećiwo Šotam přesadźiło. A skónčnje je dołho wočakowana euforija po cyłym kraju pytnyć.

Neuheiten LND