Grandiozne sezonowe finale we Worklecach

Montag, 05. Februar 2024 geschrieben von:

Za Worklecy hrajachu: Beno, Jakub a Jan Bobka, Marko Brězan, Ludwig Eckert, Stefan Gedik, Elias Kummer, Marcel Rjelka, Jan Zarjeńk, Józef Šnajder, Daniel Wałda a Sćěpan Wjeńka

We Worklečanskej sportowni bě wšitko spřihotowane za wulkotny wolejbulowy swjedźeń k sezonowemu wuklinčenju sakskeje klasy. Nimale sto přihladowarjow tworješe krasnu kulisu na tribunje. Tući dachu so wot dobreje nalady sportoweho DJa Romana Hainka zabawjeć a pohonjować. Nalada w mustwje běše dosć dobra, wšako su sej Worklečenjo z wonkownym dobytym dypkom w Pirnje hižo městno w tabulce skrućili.

ST Viktoria Worklecy –

Volleys Koblicy 3:1

(25:22, 25:19, 26:28, 25:20)

Domjacy chcychu z dobyćom přećiwo tabulkowemu susodej Koblicy pokazać, zo słušeja ze swojim wukonom na kóždy pad do sakskeje klasy. Z tutej motiwaciju dźěše mustwo na parket a wojowaše wo kóždy bul. Při stawje 19:14 zdaše so předskok wěsty, tola Kobličenjo móžachu zastatk hišće raz na 23:22 skrótšić, prjed hač poslednej nadaći Worklečanskeho kapitana Ludwiga Eckerta k dobyću sadźby wjedźeštej.

Žane polěpšenje w nowym lěće

Montag, 05. Februar 2024 geschrieben von:

ST Radwor –

TSG Lawalde 0:10 (0:6)

Zestawa domjacych: Šěrak – Grubert, Wowčer, Glücklich, Paška, Nuk, Omran, N. Šnajder, Schulze, Wjeńka, R. Šnajder; Castejon, Wjacławk, Wjesela

Prěni test w nowym lěće přewjedźechu koparjo z Radworja přećiwo cyłkej z Lawalde. Tež woni hraja we wokrjesnej wyšej lize, ale w Zhorjelskim wokrjesu. Radworski trenarski team chce w nowym lěće něštožkuli polěpšić a zaso wuspěchi swjećić.

Tola prěnich 20 mjeńšin hry docyła po planje njeběžeše. Přećiwnik běše agresiwniši a spěšniši a tak steješe z wida hosćićela hižo 0:5. Po tym so Radworčenjo trochu popadnychu a tež někotre razy před wrota přińdźechu. Radworska hra bě přiwšěm katastrofalna. Tež defensiwnje njeběchu zwólniwi a přěhrachu wjetšinu dwubojow. K wothwizdanju prěnjeje połojcy steješe samo hižo 0:6.

Druhi połčas běžeše podobnje. Hosćićeljo wuwostajichu stoprocentne šansy. Přećiwnicy běchu jasnje lěpši a přetworichu hišće štyri dalše wrota ke kónčnemu stawej 0:10.

Bojownosć wuwosta

ST Radwor –

Drohotka Ramnow 0:6 (0:5)

Wuslědki (05.02.24)

Montag, 05. Februar 2024 geschrieben von:

1. Módro-běli Wojerecy  10 10  30 : 6 30

2. VfL Pirna-Copitz  10  7 25 :1420

3. ST Viktoria Worklecy  10 5  21:18 17

4. VV Žitawa  10  6 21:1915

5. Volleys Koblicy   10 2 1 3:26  7

6. MSV Budyšin 04  10  0  3:30  1

Sport (02.02.24)

Freitag, 02. Februar 2024 geschrieben von:

Koparski turněr w Delanach

Stara koparska garda Sokoła Ralbicy/Hórki přewjedźe dźensa swój kóždolětny halowy koparski turněr. Zakop budźe we 18.30 hodź. Přeprošene su cyłki z Chrósćic, Njebjelčic, Pančic-Kukowa a z Hórkow. Domjace mustwo, kotrež je pokalny zakitowar, nastupi z dwěmaj cyłkomaj.

Winowatostne koparske hry

Wyši koparski ligist Budissa Budyšin startuje jutře napoł dwěmaj w Kśišowje do druheje połserije. We wokrjesnej wyšej lize hraja Sokoljo doma prěni raz pod režiju noweho trenarja Thomasa Schulza.

03.02.  13:30  VfB Kśišow –

  Budissa Budyšin

03.02.  13:30  Biskopičanske KT 08 –

  ST 09 Arnstadt

04.02.  13:00  FC Energija Choćebuz –

  F.C. Hansa Rostock II

04.02.  13:30  ST Radwor –

  Drohotka Ramnow

04.02.  13:30  Sokoł Ralbicy/Hórki –

  HZ Łaz/Běły Chołmc

Přihotowanske koparske hry

03.02. 14:00  HZ Ramnow II –

  SJ Njebjelčicy (Bretnig)

03.02.  14:00  ST Horni kraj Sprjewja –

  SJ Chrósćicy (Korzym)

10.02.  14:00  ST Porchow –

  Sokoł (Wjazońca)

11.02.  14:00  Wojerowski FC II –

  SJ Njebjelčicy

Worklečanki w Běłej Wodźe

Wolejbulistki prěnjeho mustwa Viktorije Worklecy hraja sobotu wot štyrjoch w Běłej Wodźe. Druhe mustwo holcow Viktorije je w samsnym času z hosćom w Rózborku.

21. bulowa nóc wuspěšna

Donnerstag, 01. Februar 2024 geschrieben von:
Na „21. bulowej nocy“ wobdźěli so 114 aktiwnych koparjow w Kamjenskej sportowni při lětanišću. Zarjadowar ST Natwar Němske Pazlicy wjeseleše so nad wuspěšnym turněrom. 12 teamow starobneje klasy Ü35 z Budyskeho a z Mišnjanskeho wokrjesa pokaza hač do nocy spodobnu a napjatu kopańcu. Wot 38 zetkanjow skónčištej so dwě třećinje hrow njerozsudnje, štož dopokaza wurunanosć mustwow. W finalnej hrě nastupichu Njebjelčenjo přećiwo Połčničanam. Po kónčnym stawje 0:0 dyrbješe třělenje z dźewjeć metrow wo dobyću rozsudźić, tak wobsadźichu Njebjelčenjo druhe městno. Najlěpši wrotar turněra bě Rocco Lösche (Hirschstein), najlěpši hrajer Peter Lilge (Gelenau), najlěpši třělc wrotow Daniel Kruse (Němske Pazlicy) a kopar z najlěpšim bojowniskim zasadźenjom Lars Techritz (Bischheim-Häslich). Foto: Norbert Adler

Energija hraje kaž postupny kandidat

Donnerstag, 01. Februar 2024 geschrieben von:

Čerwjeno-běli Erfurt –

FC Energija Choćebuz 2:0 (1:0)

Zestawa Energije Choćebuz: Sebald – Slamar, Hildebrandt, Campulka, Prokopenko (46. Nudualu), Hofmann, Hasse (67. Oesterhelweg), Pelivan (67. Juckel), Halbauer (46. Euschen), Proničew (46. Bretschneider), Heike

slěd wrotow: 1:0 Seaton (11.), 2:0 Gall (57.)

W prěnim połčasu móžachu so hosćo w přećiwniskej połojcy lědma přesadźić, tak zo běštej jeničkej šansy cyłeje hry dwaj jara dobrej wólnej kopaj Tima Heiki, kotrajž swój cil snadnje misnyštej. Wuspěšniši běchu hrajerjo z Erfurta, kotřiž zahe 1:0 nawjedowachu. Znowa zdaše so nowy škitanski rjećaz ze swojim poprawnym nadawkom přežadany.

Wothladajo štwórć hodźiny, w kotrejž Choćebuz angažowany tłóčeše a Erfurtčanow k najwyšej kedźbnosći nućeše, bě to słaby wustup FC Energije. Nastachu lědma dwuboje, kotrež dobychu, a nadběhi njeběchu docyła strašne.

Njezrozumliwa taktika a słabe předstajenje wubudźištej strach, zo je ćah směr prěnjeho městna w tabulce bjez Choćebužanow wotjěł, a zo so hač do meje dosćahnyć njehodźi. Hač je trenar Wollitz hišće prawy „lokomotiwnik“, to so fanojo mjeztym prašeja.

Wuslědki (01.02.24)

Donnerstag, 01. Februar 2024 geschrieben von:

Regionalna liga muži

Kamjeničanski FC – Rostock II 2:0 (0:0)

SV Babelsberg – FC Eilenburg 1:0 (0:0)

Erfurt – FC Energija Choćebuz 2:0 (1:0)

FSV Luckenwalde – FSV Zwickau 0:1 (0:1)

Hertha BSC II – Berlinski AK 3:1 (1:0)

Greifswaldski KK – Jena 3:0 (1:0)

1. Greifswaldski KK 18 37 : 13 40

2. BFC Dynamo 16 30 : 14 32

3. SV Babelsberg 16 22 : 17 31

4. FC Energija Choćebuz 17 30 : 19 29

5. Viktoria Berlin 16 23 : 14 29

6. FC Čerwjeno-běli Erfurt 18 33 : 23 26

7. Hertha BSC II 17 32 : 30 24

8. VSG Altglienicke 15 29 : 21 23

9. FC Carl Zeiss Jena 18 23 : 22 23

10. FSV 63 Luckenwalde 17 26 : 29 23

11. Kamjeničanski FC 18 19 : 30 23

12. ZFC Meuselwitz 17 23 : 25 21

13. BSG Chemija Lipsk 15 13 : 17 20

14. FSV Zwickau 18 26 : 36 19

15. Lok Lipsk 16 21 : 31 17

16. FC Eilenburg 17 18 : 27 15

17. F.C. Hansa Rostock II 19 22 : 35 13

18. Berlinski AK 16 11 : 35 11

Skónčnje zaso wažne dypki

Mittwoch, 31. Januar 2024 geschrieben von:

Bietigheim Steelers –

Łužiske lodohokejowe liški 1:3 (0:1, 0:0, 1:2)

Po wosom poražkach w zašłych dźewjeć hrach su Łužiske lodohokejowe liški skónčnje zaso wažne tři dypki w boju wo play-off městna hromadźili. Woni nastupichu pjatk přećiwo poslednjemu DEL2.

Běła Woda startowaše jara sylnje do partije. Hač do dźewjateje mjeńšiny sej nimale jenož Běłowodźenjo šansy wuhrachu, potom slědowaše prěnje chłostanje. Christoph Kiefersauer dyrbješe dwě mjeńšinje z lodu. Steelersy sej móžnosće přez Rykera Kilinsa a Spencera Berryja wuwojowachu, tola wrotar Liškow Matthew Galajda wšitko wotwobara. Krótko na to docpě potom Ilija Fleischmann po přihrawce Kristiana Blumenscheina nawjedowanje 1:0 za Běłu Wodu (15.). To běše zdobom prěni dypk w tutej sezonje za Fleischmanna.

W druhej třećinje sydaše dwójce chłostanje a tuž mějachu Liški hrajerja mjenje na lodźe. Z tym nastachu dobre šansy za Bietigheim. Ale tež Liški sej někotre dobre móžnosće wuhrachu, tola wrota njepadnychu.

Rezimej prěnjeje połserije Njebjelčanow

Dienstag, 30. Januar 2024 geschrieben von:

Za hrajerjow Sportoweje jednotki Njebjelčicy je so w sezonje 2023/24 wjele změniło. Nimo zestupa do wokrjesneje klasy a wotchada někotrych hrajerjow zawjazachu tohorunja noweho trenarja Daniela Pohlinga. Tohorunja móžachu někotrych nowych hrajerjow do Njebjelčic witać.

Prěnja połserija běše po kopolatym starće solidna. Mustwo móžeše so ze 16 dypkami z 10 hrow na štwórtym městnje w tabulce do zymskeje přestawki rozžohnować. Wo přeběhu dotalneje sezony je so Jakub Langa z někotrymi hrajerjemi a trenarjom rozmołwjał.

Ronnyjo, ty jako kapitan muskeho mustwa maš najwjetšu zamołwitosć za team. Kak poradźi so strukturelne přestajenje mustwa? Kotre ćeže sće w dotalnej sezonje měli?

Na kóncu nitku a přehusto bul zhubili

Dienstag, 30. Januar 2024 geschrieben von:

Hlinowski SC –

Sokoł Ralbicy/Hórki 6:3 (2:3)

Zestawa hosći: Žur (8. Chr. Gloxyn) – Šewc, Schultz (46. Materna), Heidorn, Woko, Rawš, Korjeńk (46. Mjechela), Šiman, Gloxyn, D. Šołta (46. P. Šołta), Domaška

Tydźeń do zazběha winowatostnych dypkowych hrow wotměchu Sokoljo přećiwo ligowemu kontrahentej z Hlinowca testowu hru. To běše móžno, dokelž wobě mustwje w aktualnej sezonje hižo přećiwo sebi hrać njebudźetej.

Neuheiten LND