Wučerjo-volleyballisća Serbskeho gymnazija Budyšin (SGB) su 51. sezonu wokrjesnych mišterstwow při wysokim saku z dobyćomaj zahajili. Woni steja nětko na druhim městnje tabulki šěsć startowacych šulow hač k druhemu hrajnemu dnjej w měrcu 2018.
Po zakónčenju jubilejneje 50. sezony wokrjesnych mišterstwow pedagogow we volleyballu w meji je so nětko znowa šěsć cyłkow na prěnim hrajnym dnju w Lubiju wubědźowało. Hłowny organizator turněra, wučer Dirk Beckert z Wyšeje šule Malešecy, powita w sportowni Lubijskeje Pestalozzijoweje šule nimo muskich kolegow tež dźesać volleyballistkow, štož jara zwjesela. Na třoch hrajnišćach zahajichu zahorići sportowcy najdlěši čas eksistowacy volleyballowy turněr Sakskeje, a to bjez sudnika. To je móžne a za wšitkich akterow při wysokim saku chwalbyhódne.
NOFV-wyša koparska liga
Internat. Lipsk – Sandersdorf 3:0 (0:0)
Halle – Jena1:1 (1:1)
Biskopicy – Rudolstadt 2:1 (1:1)
Bernburg – Carl Zeiss Jena II 5:4 (1:3)
Merseburg – Stendal4:1 (1:1)
Eilenburg – Kśišow5:0 (2:0)
Kamjenc – Wismut Gera 3:0 (0:0)
Plauen – Barleben3:0 (2:0)
1. Biskopičanske KT 13 32 : 6 32
2. VFC Plauen 13 20 : 9 31
3. FC International Lipsk 13 28 : 7 30
4. FC Eilenburg 13 27 : 10 25
5. FC Carl Zeiss Jena II 14 26 : 19 25
6. Askania Bernburg 13 21 : 18 20
7. VfL Halle 13 12 : 13 18
8. SV SCHOTT Jena 13 17 : 23 18
9. FC Lok Stendal 13 16 : 16 17
10. SG Union Sandersdorf 13 21 : 24 15
11. FC Einheit Rudolstadt 12 18 : 16 13
12. FSV Barleben 13 11 : 27 13
13. Jednota Kamjenc 14 12 : 21 12
14. BSG Wismut Gera 12 12 : 22 8
15. SV Merseburg 14 12 : 32 8
ST Chróstawa – ST Marijina hwězda 2:1 (25:20, 21:25, 16:14)
Na třećim hrajnym dnju podachu so volleyballisća ST Marijineje hwězdy do Chróstawy pola Budestec. Tam wočakowaše jich najprjedy sylny domjacy cyłk, kotryž měješe w swojich rjadach dweju wurjadneju nadběhowarjow. Jeju blokować bě zaměr Pančičanskich muži, to pak so w prěnjej sadźbje scyła njeporadźi. Chróstawčenjo wuhrachu sej spěšnje tři do pjeć dypkow předskoka a je přez cyły čas tež dźeržachu. Klóšterscy hrajerjo skutkowachu hišće trochu zaspani, tak zo prěnju sadźbu z 20:25 zasłužbnje přěhrachu.
W druhej sadźbje bě jasne stopnjowanje trěbne, štož hóstni volleyballisća na zbožo tež činjachu. Wosebje blok steješe lěpje a hewak dobri hrajerjo z Chróstawy nadběhi zwjetša jenož hišće „kładźechu“. Na to so Pančičenjo nastajichu a jara wušiknje škitachu. Tak skónči so přechod 25:21 za Marijinu hwězdu.
Sokoł Ralbicy/Hórki
– Rakečanske ST 2:1 (2:1)
Zestawa domjacych: Ch. Gloxyn – K. Matka, Zynda, Šewc, J. Bjeńš, M. Matka, S. Bjeńš, Šołta, Janca (72. D. Gloxyn), Kurjat (62. Lulak), Domaška
Zestawa hosći: Langer – Wetzorke, Pilz, Schidun, Rolof, Prochnow (77. Nowotny), Hrjehor, Čornak (48. Reineke), Biesold (46. Brosam), Brückner, Zschuppe
Mnozy z nas tróšku staršich za sport so horjacych dopominaja so rady na podawk, kotryž sta so 4. julija 1954 we Wankdorfstadionje šwicarskeho Berna. Měnju kónčnu hru wo swětowe mišterstwa w kopańcy mjez faworitom z Madźarskeje a outsiderom z Němskeje. Mjena kaž Turek, Liebrich, Morlock, O. a F. Walter abo Rahn, kiž je rozsudne wrota třělił, su so nam hłuboko do pomjatka zaryli.
Jedyn, kiž njeje tak w fokusu medijow a zjawnosće stał, je pak rozsudnje k triumfej němskeho mustwa přinošował, bě Hans Schäfer. Wón je w oktobrje w Kölnje 90. narodniny swjećił a 19 dnjow pozdźišo zemrěł. Tuž je nětko 1931 rodźeny Horst Eckel jenički hišće žiwy z legendarneho mustwa Seppa Herbergera.
Hans Schäfer je wot lěta 1948 do 1965 jako nadběhowar za 1. FC Köln hrał a 243 wrotow docpěł. Zdobom steješe 39 razow w němskej wubrance a třěli za nju dwaceći wrotow. Trójce – 1954, 1958 a 1962 – je so na swětowych mišterstwach wobdźěłił. 1963 wuzwolichu jeho za koparja lěta Němskeje.
Kónctydźenska kopańca
We wosmifinalu wo wokrjesny koparski pokal wočakuje prěnje mustwo Sokoła Ralbicy/Hórki njedźelu ST Rakecy. Hru zahwizda sudnik Nils Fiedler hižo w 13 hodź. Traktor Malešecy hraje jutře wot 13 hodź. doma přećiwo Drohotce Ramnow. W krajnej klasy změja njedźelu wot 14 hodź. w Chrósćicach tak mjenowanu šěsćdypkowu hru přećiwo tabulkowemu susodej z Drježdźan-Strěžina. To samsne płaći za Jednotu Kamjenc. Třinaty wyšeje ligi wočakuje jutře wot 13 hodź. štyrnateho wyšeje ligi. Nachwatansku hru pak změje prěnje koparske mustwo SJ Njebjelčicy, a to njedźelu w 13.30 hodź. přećiwo Zeleno-běłym Sepicy.
Stara garda w hali
Štyri cyłki starych knjezow přewjedu njedźelu, 3. decembra, wot 10 hodź. w sportowej hali Wojerowskeho powołanskošulskeho centruma Konrada Zusy koparski turněr. Zapisali su so Módro-běli Kulow, Sokoł Ralbicy/Hórki, Wojerowski FC a Rakečanske ST.
Wulka ćěłozwučowanska show
SJ Chrósćicy II – ST Nadrózna Hrabowka 5:3 (2:1)
Zestawa domjacych: M. Cyž – Dehn, Mark, Wowčer, Budar, Bětnar, Domaška, Mohaupt (90. Matješk), Liznar, Jakubaš (82. Lešawa), Bogusz
Koparska rezerwa Chróšćanskeje SJ móžeše we wokrjesnej lize minjenu njedźelu hrajnišćo prěni raz w sezonje jako dobyćer wopušćić. Wot wšeho spočatka běše hosćićel lěpše mustwo a nadźěła sej tójšto šansow. Jan Bogusz trjechi hižo w 5. min. a pjeć mjeńšin pozdźišo hišće raz. W prěnim połčasu hrajachu jenož Chróšćenjo. Krótko do přestawki (42.) pak zadźerža Feliks Dehn přećiwnika w šěsnatce z njefairnym foulom, a sudnik rozsudźi na jědnatku, kotruž Aaron Haschke k 2:1 přetwori.
We 58. min. zwyši Bogusz na 3:1. Dźesać mjeńšin po tym hosćo skrótšichu. Domjacy pak mějachu prawu wotmołwu, a Měrćin Jakubaš postara so wo 4:2 (74.). Mustwo SJC pak njebě zaso jónu hač do kónca koncentrowane, tak zo padny we 88 min. 4:3. Nětko měješe Na- drózna Hrabowka tójšto dobrych móžnosćow. Samo jeje wrotar poda so do šěsnatki SJC. W poslednjej akciji hry hrabny sej Stefan Liznar bul a pósła Klemensa Marka, kiž trjechi 5:3 (90.+3), štož bě zdobom kónčny staw. Pascal Budar