16. hrodowy triatlon
Mało serbskich sportowcow w Moritzburgu startowało
Při perfektnym wjedrje startowachu njedźelu dopołdnja serbscy triatleća do lětušeje sezony. Hnydom wjacori Serbja pak z najwšelakorišich přičin pódla njeběchu. Beno Šołta z Miłoćic braščeše na serbskim kwasu, Daniel a Tomaš Matka dyrbještaj w nocy do toho dźěłać. Cyłkownje 500 atletow poda so rano w dźewjećich po tradicionalnym wutřělu z kanony do Moritzburgskeho hrodoweho hata na olympisku distancu. Wysokeje wodoweje temperatury dla běše neoprenowy płuwanski woblek zakazany. Nimo rutinjejow přicpěwa sej lěto wob lěto tež wosebje wjele nowačkow naročnu distancu. Tak wobdźěli so Chróšćan Michał Šrajer prěni raz na olympiskim triatlonje (1,5 km płuwać – 40 km kolesować – 10 km běžeć). Po 2:48:21 hodź přiběža wón po čerwjenym přestrjencu do cila. Napjaty duel wo krónu najspěšnišeho Serba wuwojowaštaj Marian Žur z Lejna a Silvio Bjarš z Budyšina. Wo jeničce poł mjeńšiny běše Budyšan spěšniši, štož zaležeše wosebje na lěpšimaj změnomaj.
Kónčne hry wo wokrjesny pokal
Wot 16. do 18. junija přewjedźe Zapadołužiski koparski zwjazk kónčne hry wo wokrjesny pokal. Wšitke duele na sportowym arealu w Rakecach.
pjatk, 16. junija, we 18. hodź. hra starych knjezow: Módro-běli Kulow – HZ Wojerowski FC / Wětnica
sobotu, 17. junija, w 10.30 hodź. hra młodźiny C: Módro-běli Kulow – Wojerowski FC
w 13 hodź. hra młodźiny B: Jednota Kamjenc – HZ Kubšicy/Bukecy
w 15.30 hodź. hra muži: Sokoł Ralbicy/Hórki – Rakečanske ST
njedźelu, 18. junija, w 10.30 hodź. hra młodźiny A: HZ Biskopicy/Nowe Město – HZ Ćisk/Łaz/Běły Chołmc/Hory
w 13.30 hodź. hra žonow: Wojerowski FC – SZ Liegau-Augustusbad Kilian Hrjehor
Winowatostny wuspěch
ST Drjewnica
– SJ Njebjelčicy 0:3 (0:1)
Zestawa hosći: Hahn – Hrjehor, Kral, Haška, Pawlik (57. Zeller), Hommel, Šołta, Hoelzel, Hanuza, Korjeńk (70. Čornak), Lejnart
Dołho dyrbjachu koparjo Njebjelčanskeje SJ na prěnje swójske wrota čakać. A znowa njejsu šansy dosć wužiwali. Jakub Šołta, Robert Lejnart a Pawl Hrjehor wuwostajichu wjacore dobre móžnosće. Hakle w 44. min. docpě Leopold Hoelzel nawjedowanje, jako so na prawej stronje rjenje přesadźi a z połneho běha bul k 0:1 nisko do syće sadźi.
Premjera pokalneho finala hižo horca była
Sokoł Ralbicy/Hórki
– Rakečanske ST 3:3 (1:2)
Zestawa domjacych: Ch. Gloxyn – M. Matka (27. Rawš), Zynda, B. Bjeńš, K. Matka, D. Gloxyn, Šewc, Wowčerk (72. J. Bjeńš), Kurjat, S. Bjeńš, Domaška
Sobotu w 15.30 hodź. nastupja koparjo Sokoła Ralbicy/Hórki we wokrjesnym pokalnym finalu w Rakecach. To dyrbi pokalny zakitowar přećiwo wčerawšemu přećiwnikej nastupić, kiž změje potom wězo lěpšinu, doma hrać.
Wuslědki (12.06.17)
Wokrjesna wyša koparksa liga
Kulow – Ćisk0:3 (0:2)
Ralbicy/Hórki – Rakecy 3:3 (1:2)
1. ST Ćisk 29 100 : 23 71
2. Sokoł Ralbicy/Hórki 29 76 : 38 56
3. Rakečanske ST 29 73 : 52 53
4. ST Hnašecy-Dobruša 29 65 : 55 51
5. LSV Hory 29 72 : 46 47
6. SC Großröhrsdorf 29 48 : 36 45
7. ST Kinspork/Łužnica 29 57 : 46 38
8. Motor Kumwałd 29 53 : 68 38
9. Póst Germania Budyšin 29 51 : 61 37
Array (09.06.17)
Stari knježa za bulom honja
Serbski Sokoł přewjedźe 21. koparski turněr starych knjezow wo swój pokal dźensa w Hórkach zhromadnje z koparjemi Zeleno-běłych Hórki. Prěnju hru wmodusu kóždy přećiwo kóždemu zahwizda sudnik dypkownje w 18 hodź. Zakitowar pokala su Ralbičanscy Sokoljo.
Postup hižo swjećić?
Druhe koparske mustwo Chróšćanskeje SJ změje njedźelu prěni matchpoint wduelu wo postup do wokrjesneje ligi. Wot 13 hodź. hraje prěni wokrjesneje klasy stafla II přećiwo druhemu, Hlinowskemu SC. Hosćo maja dwaj hrajnej dnjej do kónca sezony dwaj ličakaj mjenje na konće. Jeli hosćićel hru dobudźe, je jemu postup wěsty. Po hrě přeprošuje předsydstwo Chróšćanskeje SJ wšitkich přiwisnikow na mały zhromadny swjedźeń. Za dźěći změja skakanski hród.
Captains cup we Worklecach
Slavia Praha čěski mišter
Sobotu skónčichu so w Čěskej koparske mišterstwa. Z dobyćom 4:0 nad Brnom wubědźi sej Slavia Praha znowa titul. Viktoria Plzeň, najwuspěšniše mustwo minjenych lět (dobyćer 2011, 2015 a 2016), přewiny Jihlavu z 2:0 a zawěsći sej slěbornu medalju. Z jasnym wotstawkom slěduje na bronzowym městnje rekordny mišter Sparta Praha. Lońši pokalny dobyćer Mladá Boleslav dyrbješe drje w poslednjej hrě bolostnu poražku 0:4 pola susoda Libereca poćerpjeć, wobchowa pak štwórte městno. Slovan Liberec porno tomu z 9. poziciju spokojom njebudźe. Wot dweju nowačkow wobsadźi Karvina dźesate městno, mjeztym zo dyrbi Hradec Králové hrajnu klasu zaso wopušćić. Po přestawce budźetej Slavia a Viktoria Čěsku w Champions league zastupować, Sparta a Mladá Boleslav w Europa league.
kónčna tabulka Gambrinusoweje ligi:
1. Slavia Praha 65:22 69
2. Viktoria Plzeň 47:21 67
3. Sparta Praha 47:26 57
4. Mladá Boleslav 47:37 49
5. FK Teplice 38:25 48
6. Fastav Zlín 34:35 48
7. Dukla Praha 39:35 40
8. FK Jablonec 43:28 39
9. Slovan Liberec 31:28 39
10. MFK Karvina 39:49 34
11. 1. FC Slovacko 32:45 32
12. FC Brno 29:38 32
13. Bohemians Praha 22:39 28
14. Vysočina Jihlava 26:47 27
15. Hradec Králové 29:51 27
16. 1. FC Příbram 29:61 22
Mikławš Krawc
Serbja wubědźuja so w Moritzburgu
Na pjeć dnjach tři wubědźowanja!
Rjadna lisćina běharjow cyłeho regiona Hornjeje Łužicy, znaty woblubowany Wopačanski cup běharjow, zrodźi so w lěće 2004. Mjeztym přewjeduja ju 14. lěto, a lisćina skići cyłkownje pjatnaće běhow za tónle cup po wotpowědnym dypkowym systemje. Znajmjeńša pjeć z tych wurisanjow dyrbi běhar absolwować, chce-li nazymu w kónclětnym hódnoćenju a mytowanju swoje mjeno we wotpowědnej statistice namakać abo chce-li z medalju na wotpowědnym dobyćerskim podesće ličić.
Z 32. Hušćanskim parkowym běhom je so lětsa hižo dźewjate wurisanje z tejele rjadneje lisćiny realizowało, štož stej nimale dwě třećinje cyłeho poskitka! W běhu pjeć dnjow přewjedźechu samo tři z nich: 24. meje běh po Krakečanskich hórkach, 26. meje Ramnowski Fichtowy běh a 28. meje Hušćanski parkowy běh. Njezadźiwa tuž, zo bě tele tróšku njezbožowne planowanje wěste přežadanje, kotrež je so wězo hnydom na mjenje wobdźělnikow wuskutkowało. Jurij Nuk
Wuslědki (08.06.17)
Wokrjesna koparska klasa, stafla II
Lubuš II – Kulow II0:0 (0:0)
Němske Pazlicy II – Chrósćicy II 1:2 (1:1)
Hlinowc – Njebjelčicy II 4:0 (1:0)
1. SJ Chrósćicy II 20 55 : 27 46
2. ST Hlinowc 20 62 : 22 44
3. HZ Łaz/Běły Chołmc II 20 59 : 35 40
4. FSV Šćeńca 19 59 : 41 35
5. ST Wětnica-Hola 19 54 : 34 32
6. SJ Njebjelčicy II 20 40 : 27 29
7. ST Mały Wjelkow 20 51 : 46 27
