Krótkopowěsće (02.09.19)

Montag, 02. September 2019 geschrieben von:

Stawizny a podawki 3

Budyšin. Rěčny centrum WITAJ Budyšin je wudał nowu serbsku wučbnicu „Stawizny a podawki 3“. Koncipowany bě material za šulerjow 7. lětnika Serbskeho gymnazija Budyšin. Přełožk je licencne wudaće nakładnistwa Klett. Wučerka na wuměnku Sonja Krječmarjowa je mjenowanu knihu kaž dalšej wučbnicy z toho rjadu zeserbšćiła.

Tkajernja ma přećahnyć

Drjowk. Serbska tkajernja w Drjowku ma po planach města do domu při hrodźe přećahnyć. Tón pak so za muzej njehodźi, rjekny regionalna rěčnica Domowiny Karin Tšukowa, dokelž je tam přemało městna a tež koncept za přetworjenje njepředleži. Jutře chce Drjowkowska měšćanska rada naležnosć rozjimać. Domowina­ chce wo tym we wuběrku za serbske naležnosće wokrjesa rěčeć.

Ličba wučomnikow stabilna

Krótkopowěsće (30.08.19)

Freitag, 30. August 2019 geschrieben von:

Swjedźeń na hrodźe Bellevue

Berlin. Zwjazkowy prezident Frank-Walter Steinmeier je so dźensa na woby­dlerskim swjedźenju na Berlinskim hrodźe Bellevue 4 000 čestnohamtsce skutkowacym z cyłeho kraja dźakował, ko­třiž so za druhich zasadźuja. Přeprošeni běchu znowa zastupjerjo štyrjoch awtochtonych mjeńšin. Mjez nimi bě Zala Cy­žowa, županka župy „Michał Hórnik“ a bywša městopředsydka Domowiny.

Serbska etaža su stawizny

Drježdźany. „Serbska studentska etaža“ w Drježdźanach su stawizny. Něhdźe sto hosći je so wčera z „finalnej party“ z domicilom na Zellskim puću rozžohnowało. Kaž Serbski rozhłós wozjewi, dyrbjachu posledni wobydlerjo dom wopušćić, dokelž běchu předpisany studijny čas překročili. Nowych zajimcow žanych njebě. Serbscy studenća běchu do toho na Hórskej hasy, pozdźišo na Wundtowej a Pětrohródskej bydlili.

Do nutrin wulkana pohladali

Krótkopowěsće (29.08.19)

Donnerstag, 29. August 2019 geschrieben von:

1 200 ludźi nowe dźěło nastupiło

Budyšin. We wuchodnej Sakskej je kónc awgusta 16 796 bjedźěłnych, 127 mjenje hač w juliju (-0,8 procentow). 1 200 ludźi je nowe dźěło nastupiło, 683 bjezdźěłnych zahaji kubłanje abo powołanske dalekubłanje. Wo tym informowaše dźensa Thomas Berndt, předsyda jednaćelstwa Budyskeje wotnožki agentury za dźěło, na nowinarskej rozmołwje.

Mjez sobu so lěpje zeznać

Njeswačidło. 59 šulerjow třoch nowych rjadownjow 5. lětnika Budyskeho Serbskeho gymnazija přebywa tele dny w Njeswačanskej młodowni na „zelenym tydźenju“. Pod přewodom třoch rja­dow­niskich wučerjow a jich zastupjerjow wuži­waja woni hač do pjatka móžnosć, so lěpje mjez sobu zeznać. Zdobom zwučuja kulturny program, kotryž chcedźa na staršiskim wječoru předstajić.

Klětu wjace chwile za namjety

Krótkopowěsće (28.08.19)

Mittwoch, 28. August 2019 geschrieben von:

Wozjewjenje podpisałoj

Drježdźany. Pacienća ze Šluknovskeho wuběžka móža so nětko tež w Sebni­čanskej chorowni lěkować dać. To zmóžnja wozjewjenje wo zhromadnym dźěle w mjezu překročacym strowotniskim hladanju, kotrež staj sakska strowotniska ministerka Barbara Klepsch (CDU) a čěski strowotniski minister Adam Vojtĕch dźensa podpisałoj, kaž mini­sterstwo w Drježdźanach zdźěli.

Hórscy burja w srjedźišću

Budyšin. Wo hórskich burach w Južnym Tirolu je dr. Elisabeth Tauber ze Swobodneje uniwersity Bozen wčera w Serbskim instituće referowała. Woni płaća jako nošerjo němskorěčneje identity a su zakład mytosa Južneho Tirola jako burskeho kraja z bohatymi tradicijemi. Industria­lizacija ratarstwa w dolinach, masowy turizm a ekonomizacija pódy su žiwjenje burow zasadnje přeměnili.

Wo runostajenju žonow

Krótkopowěsće (27.08.19)

Dienstag, 27. August 2019 geschrieben von:

Serbowka časne sluby złožiła

Auerbach. Sara Rječkec z delnich Sulšec je dźensa swój čas jako nowicka w rjedźe šulskich knježnow Našeje lubeje knje­nje w Auerbachu zakónčiła. Jako sotra­ Alojsia Rječkec złoži wona dźensa dopołdnja na Božej mši swoje časne sluby­, zdźěli Katolski Posoł. Hakle před lětomaj bu Sulšečanka tam zadrasćena. Za tři lěta chce wona wěčne sluby złožić.

Twarstwo postupuje

Kamjenc. Wjac přistajenych, wjac wobrota a wyše mzdy – twarskemu přemysłu w Sakskej so derje dźe. To zdźěli wčera krajny statistiski zarjad w Kamjencu. Tak su so mzdy lětsa w prěnim połlěće porno lońšemu wo 8,4 procenty zwyšili. Nimo toho je loni kónc lěta něhdźe 33 800 ludźi w twarskim wobłuku dźěłało. To je 2,9 procentow wjace hač w lěće 2017.

Studenća a seniorojo hromadźe

Krótkopowěsće (26.08.19)

Montag, 26. August 2019 geschrieben von:

Ursu chce hospodarstwo skrućić

Zhorjelc. Nowy wyši měšćanosta Zhorjelca Octavian Ursu (CDU) bu sobotu w tamnišim Gerharta Hauptmannowym dźiwadle swjatočnje do zastojnstwa zapokazany. Za najwažniše temowe će­žišćo swojeho skutkowanja mjenowaše 51lětny „skrućenje hospodarstwa w měsće. Trjebamy hospodarski rozrost, zo by woby­dlerstwo přiběrało a so trěbne so­cialne narunanje docpěło.“

Warjenska kniha znowa předleži

Budyšin. Jedna ze serbskich bestsel­lerow je zaso na předań. Kniha Tomaša Lukaša z titlom „Warimy z Tomašom“ bě za někotrehožkuli zajimca přespěšnje roze­brana. Nětko je edicija w dalšim nakładźe wušła, kaž Ludowe nakładnistwo Domowina zdźěla. Wona přeproša dźěći wot wosom lět kaž tež cyłu swójbu na warjenski dyrdomdej do kuchnje.

Nětko změja piwo „Winnetou“

Krótkopowěsće (23.08.19)

Freitag, 23. August 2019 geschrieben von:

Wudospołnjenje trěbne

Drježdźany. Sakscy Zeleni sej žadaja, zo maja so srědki za strukturnu změnu nastupajo kónc wudobywanja brunicy krok po kroku wupłaćeć. Woni kritizuja, zo maja so w prěnjej spěchowanskej dobje hač do lěta 2026 miliardy eurow wudać, bjez toho zo su woprawdźite postupy při rozžohnowanju z brunicu nuzne wuměnjenje. To je hakle wot lěta 2027 předwidźane.

Wjace kursow pólšćiny

Frankfurt nad Wódru. Wjace kursow pólšćiny chcedźa w Frankfurće nad Wódru poskićeć. W šulach měli dalše poskitki nastać, kaž stej braniborske kubłanske ministerstwo a město wčera wozjewiłoj. Dobre susodstwo je po słowach kubłanskeje ministerki Britty Ernst (SPD) wutrobna naležnosć krajneje politiki. Pólsku rěč sej přiswojić k tomu jara přinošuje.

Techniski unikat spřistupnjeny

Krótkopowěsće (22.08.19)

Donnerstag, 22. August 2019 geschrieben von:

Z łódźu po Parcowskim jězoru

Zły Komorow. Parcowski jězor ma jako přichodny za łódźe docpějomny być. LMBV wotpohladuje tam łódźnu přistawnu šćežku twarić. Dźěła za to chcedźa po tuchwilnym planje klětu nalěto zahajić, kaž LMBV na swojej webstronje informuje. Po dowukmanjenju Borborineho kanala mjez Lejnjanskim a Parcowskim jězorom móža hobbyjowi kapitanojo dalše wódnišćo wužiwać.

Spěchowanske šule z přichodom

Drježdźany. Sakski kultusowy minister Christian Piwarz (CDU) wuznawa so jasnje k spěchowanskim šulam. Z jich kompetencow čerpaja tež kubłanišća, hdźež šulerjow inkluziwnje wuwučuja. „Njebě ženje zaměr konwencije UNO wo prawach zbrašenych, w Němskej wysoko­wuwity system spěchowanja rozpušćić, kaž su to někotre zwjazkowe kraje činili“, pisa Piwarz w zdźělence ministerstwa.

Baćony so z myšemi nasyćeja

Krótkopowěsće (21.08.19)

Mittwoch, 21. August 2019 geschrieben von:

Inwesticiske naprawy rozłožił

Trjebin. Šef sakskeje statneje kenclije Oliver Schenk je dźensa dopołdnja w Trjebinje infrastrukturne inwesticije w gmejnomaj Slepo a Trjebin rozłožił. Naprawy bě sakski kabinet hakle wčera w Drježdźanach wobzamknył. Změny rewě­roweho koncepta za Wochožansku jamu­ a njewotbagrowanja dźělow mjenowaneju gmejnow dla dyrbja na wsach nětko masiwne infrastrukturne zastatki nachwatać.

50 000 eurow wjac za projekty

Drježdźany. Wulkeho wothłosa dla rozšěri sakske ministerstwo za wědomosć a wuměłstwo (SMWK) fonds za małe kulturne projekty na wsach wo dalše 50 000 eurow. Dotalne spěchowanske srědki dohromady 200 000 eurow, kotrež bě SMWK Sakskej kulturnej załožbje w meji přewostajiło, su z połsta přizwo­lenymi próstwami hižo wučerpane.

Lupina kóncuje domjace kwětki

Krótkopowěsće (20.08.19)

Dienstag, 20. August 2019 geschrieben von:

Zapřijmu portrety Serbowkow

Zhorjelc. Na 5. Zhorjelskim fotowym festiwalu „Schauplätze“, kotryž so pjatk za tydźeń zahaji, zapřijmu zdźěla tež wustajeńcu „Prjedy hač woteńdźeš“ Maćija Bulanka z portretami serbskich žonow w drasće. Nimo fotografa SN chcetaj basni­ca Róža Domašcyna a hudźbnik Měrćin Weclich wotewrjenje festiwala wobrubić. Lěta 2011 je LND knihu a CD „Prjedy hač woteńdźeš“ z přinoškami mjenowanych wuměłcow wudało.

Čłonka dohladowanskeje rady

Budyšin. Přirjadnica Budyskeho krajneho rady Birgit Weber zastupuje wo­krjes Budyšin jako čłonka w dohladowanskej radźe Łužiskeho hospodarskeho regiona tzwr. Wotpowědny namjet zarjadnistwa je wokrjesny sejmik tydźenja na swojim konstituowacym posedźenju wobkrućił. Birgit Weber zamołwja w krajnoradnym zarjedźe mjez druhim hospodarske spěchowanje.

Knihi w Němskej wotkisaleja

Anzeige