Přećiwnikej z Čech podleželi

Mittwoch, 05. August 2020
Artikel bewerten
(0 Stimmen)
Niklas Erlbeck (naprawo) bě přećiwo FK Varnsdorfej najlěpši hrajer FC Energije Choćebuz.  Foto: Georg Zielonkowski Niklas Erlbeck (naprawo) bě přećiwo FK Varnsdorfej najlěpši hrajer FC Energije Choćebuz. Foto: Georg Zielonkowski

FC Energia Choćebuz

– FK Varnsdorf 0:2 (0:0)

Zestawa domjacych: Stawecki (46. Stahl) – Fl. Brügmann, Storb (62. Jarosch), Koch, Hasse, Pelivan, Erlbeck, Mäder (62. F. Geis­­ler), Gladrow (62. N Geisler), Kremer (62. Hoppe), Fe. Brügmann (62. Stettin)

Z FK Varnsdorfom je sej regionalny koparski ligist FC Energija Choćebuz w susodnej Čěskej dwě klasy wyše hra­jace mustwo do Łužicy přeprosył. A te je so­ w Stadionje přećelstwa, kotryž běše hač na někotrych zastupjerjow medijow nimale prózdny, hrajersce jako wjele lěp­ši­ cyłk wopokazało. Zajimcy móžachu sej jeničce přez livestream „Energie-TV“ hru wobhladać. Wjele wjesela pak při tym njemějachu, dokelž jim domjacy wjele zwjeselaceho njeposkićichu. Češa škitarjow Energije chětro nadběhowachu. Samo jako sej ći bul wuwojowachu, njeda jich přećiwnik do bliskosće swo­jeje šěs­natki. Jeničkej třělwje na wrota poradźi­štej so w prěnim połčasu nowopřichadomaj Maxej Kremerej, kiž bě tydźenja wot SV Meppena přišoł, a Ricej Gladrowej.

Po přestawce so nutřkowny porjad w rjadach hosćićela cyle zhubi. Tak docpě FK Varnsdorf dwoje wrota (55., 68.), a to zasłužbnje. Wo lěpši wuslědk za FC Energiju móhł so Felix Geisler (88.) postarać, pokutny kop pak wrotar hosći lochce wotwobara.

Na kromje partije rozpřestrě so zwjeselaca powěsć. W času wot lěta 2008 do 2015 w dorosće FC Energije Choćebuz wukubłany profijowy kopar Tim Kleindienst, wopušći FC Heidenheim a hraje wot hnydom za champions-league-kwalifikanta KAA Gent. Za Energiju rěka to přidatne 100 000 eurow, kotrež přińdu w prawym času. Krótko do hry bu mjenujcy wozjewjene, zo njedowoli město Choćebuz přeće FCE 2 000 přihladowarjow za dypkowe hry. Tak wostanje při maksimalnje 1 000, do kotrychž pak su tež wšitcy hrajerjo, pomocnicy, techniski personal a zastupjerjo medijow zličeni. Georg Zielonkowski

A takle startuja koparjo z delnjołužiskeje metropole do dypkowych hrow:

15.08. 13.30 FC Energija Choćebuz –

  SV Lichtenberg 47

23.08. 14.00 ZFC Meuselwitz –

  FC Energija Choćebuz

29.08. 13.30 FC Energija Choćebuz –

  Viktoria Berlin

02.09. 19.00 VfB Auerbach –

  FC Energija Choćebuz

05.09. 13.30 FC Energija Choćebuz –

  VfB Germ. Halberstadt

20.09. 13.30 SV Babelsberg 03 –

  FC Energija Choćebuz

Veröffentlicht in Sport
Bitte anmelden, um einen Kommentar zu posten

Anzeige