Treningowe lěhwo z wužadacym programom
Tež prěnje koparske mustwo Radworskeho ST běše w zymskim treningowym lěhwje, a to w čěskim Bedřichovje. Tam chcychu so trěbnych mocow za druhu połseriju nasrěbać. Trenar Pětr Bejmak bě sej wužadacy, ale wotměnjawy program wumyslił.
Pjatk wječor zahaji so lěhwo pod wuběrnymi wuměnjenjemi z prěnim treningom na kumštnym trawniku w Liberecu. Po tym podachu so koparjo do hotela na zhromadnu wječer. Nazajtra rano w sedmich, hišće do snědanje, steješe prěni krótki běh na planje. Po snědani sněhakowachu sportowcy z běžkami na dołhich čarach. Trenar Bejmak bě sej za to napinacu, ale zdobom rjanu turu po něhdźe 25 kilometrach wupytał. Wulki dźěl čary dračowachu so Radworčenjo horu horje, a słónco smaleše jim na chribjet. W mjeńšich přestawkach wabješe jich słódki čaj, a we wjetšej přestawce sydaše wobjed w hosćencu. Wočerstwjenje kiwaše po nawróće w hotelu, hdźež bě sawna přihotowana. Po zhromadnej wječeri nastajichu so wobdźělnicy hišće raz do Libereca na halowy trening. Po dwuhodźinskim zwučowanju dźěše zaso do hotela, hdźež dachu wječor w zhromadnym kruhu wuklinčeć.
Wuslědki (07.03.17)
Wokrjesna koparska liga, stafla III
Marijina hwězda – Frankenthal 1:2 (0:1)
Njebjelčicy – Haselbachtal 5:2 (2:1)
1. SG Großnaundorf 14 48 : 15 33
2. TSV Wachau 14 49 : 19 32
3. Natwar Němske Pazlicy 14 38 : 17 32
4. SJ Njebjelčicy 14 27 : 17 27
5. SG Frankenthal 14 33 : 24 23
6. SV Haselbachtal 14 29 : 21 22
7. Zeleno-běli Sepicy 14 35 : 29 20
8. ST Marijina hwězda 14 23 : 22 18
9. SC Großröhrsdorf II 14 27 : 29 18
Joker z dwojimi wrotami
Sokoł Ralbicy/Hórki
– FV Ottendorf/Okrilla 2:1 (0:0)
Zestawa domjacych: Ch. Gloxyn – Rawš, B. Bjeńš, Zynda, Lulak, Šewc, D. Gloxyn, Wałda (89. Schultz), Matka (46. Bejma), Kurjat (65. S. Bjeńš), Korjeńk
Doma wysoke dobyće žnjeli
SJ Njebjelčicy
– SV Haselbachtal 5:2 (2:1)
Zestawa domjacych: Hahn – Zeller, Pawlik, Haška, Hrjehor, Lejnart, Kral, Hanuza, Korjeńk (65. Janca), Hommel (65. Čornak), Šołta (79. Hoelzel)
Prěnju dypkowu partiju w lěće 2017 su chowancy trenarskeje dwójki Detlef Panic/Handrij Krawčik suwerenje dobyli. Hnydom pjeć rjanych wrotow w jednej hrě přihladowarjo dołho wjac widźeli njeběchu. Hižo po 19 mjeńšinach rěkaše 2:0 za domjacych. Woboje wrota běštaj Pawl Hrjehor (11.) a Rony Hanuza (19.) do saka zhłójčkowałoj: prěnje po róžku Roberta Lejnarta a druhe po wótrej flance Jakuba Šołty. Strašnje třěleny wólny kop Lejnarta storči hóstny wrotar z wulkej prócu přez łatu (25.). W 31. min. skrótši Haselbachtal na 2:1.
Hry wulosowali
Dwě jědnatce a dwójny dyr w dwěmaj mjeńšinomaj
SJ Chrósćicy
– ST Fortuna Trjebin 2:0 (0:0)
Zestawa domjacych: Králíček – Pöpel, Cyž, Sentivan, Šafář, Schulze (58. Teichmann), Runt (18. Domaška), Młynk (80. Bětnar), Žur, Věchet, Henčl
Po tym zo bu hra koparjow Chróšćanskeje SJ přećiwo Hornjemu krajej Sprjewja minjeny tydźeń špatnych wuměnjenjow dla wotprajena, nastupichu woni wčera doma přećiwo Fortunje z Trjebina. Mustwo bě trenar Pavel Runt na wjacorych pozicijach přestajił. Za kapitana Tomaša Domašku, kiž bě so hakle pozdźišo mustwu přidružił, započa Žur. Tež Matti Bětnar je hru najprjedy raz z ławki sćěhował. Wobě mustwje startowaštej pomału. Město hrajnych stafetow třělachu bul skerje daloko ze srjedźneho pola. Hižo po dwaceći mjeńšinach běše hrajny dźeń za Pavela Runta skónčeny, kiž dyrbješe so naćehnjenja muskulatury w nadkolenje dla wuměnić. Jeničke šansy wudachu so w prěnim połčasu za domjacych. Po něhdźe poł hodźinje pokaza sudnik na jědnatku. Simon Žur bu do toho w šěsnatce połoženy. Jeho kolega w nadběhu Radim Věchet pak njezamó přetworić. Jenož něšto mjeńšin pozdźišo prasny hłójčkowany bul Petra Šafářa na žerdź.
Znowa wuspěšni
Widźał, słyšał, napisał (06.03.17)
Awtorka dźensa
Halena Jancyna
Što činić, hdyž tak prawje njeběži? Swarjeć móžeš wjele, inowatiwne ideje pak nimaš. Podpěru tež njedóstanješ. W tójšto sportowych towarstwach wuchodneje Sakskeje zdawna wjac wšo tak derje njefunguje. Na jednej stronje pobrachuja angažowani čłonojo, kotřiž so dźěła njeboja. Na tamnej stronje pjenjezy prědku a zady njedosahaja.
Podobna je situacija w Sportowym towarstwje Marijina hwězda. Wone dyrbješe loni přinošk zwyšić, a to wo 20 procentow, zo by budget za lěto 2017 dosahał. Tež Sokoł Ralbicy/Hórki wo zwyšenju rozmysluje – rěč je tam samo wo wjac hač 20 procentach.
Wuslědki (06.03.17)
Krajna koparska klasa
Neugersdorf II – Radebeul 0:1 (0:0)
Chrósćicy – Trjebin2:0 (0:0)
1. Radebeulski BC 14 33 : 10 39
2. Laubegast 14 38 : 20 31
3. FC Neugersdorf II 13 33 : 14 25
4. Mužakow 12 29 : 19 23
5. Nowosólc-Hródk 13 26 : 25 20
6. Horni kraj Sprjewja 13 35 : 29 18
7. SG Weixdorf 14 25 : 30 17
8. Nowe Město n. Sprje. 14 23 : 29 17
9. Drježdźanski SC 13 26 : 26 15
10. SJ Chrósćicy 13 20 : 23 15
11. Fortuna Trjebin 14 21 : 42 13
12. Zschachwitz 14 23 : 40 12
13. Biskopičanske KT II 13 12 : 37 11
wokrjesna klasa, stafla II
Kulow II – Mały Wjelkow 0:2 (0:2)
1. SJ Chrósćicy II 11 34 : 20 26
2. SG Wětnica/Hola 11 44 : 21 23
3. ST Hlinowc 11 31 : 14 23
4. FSV Šćeńca 11 37 : 25 22
5. HZ Łaz/Běły Chołmc II 11 32 : 18 21
6. ST Mały Wjelkow 11 29 : 28 17
7. Němske Pazlicy II 11 21 : 20 17
8. SJ Njebjelčicy II 11 30 : 14 16
Sport (03.03.17)
Turněr wo pokal wjesnjanosty
Jutře, 4. měrca, wubědźuja so volleyballowe cyłki dobrowólnych woborow gmejny Ralbicy-Róžant w Ralbičanskej ćěłozwučowarni wo pokal wjesnjanosty. Turněr započnje so w 15 hodź.
Tura z hórskimi kolesami
Kamjenski wobchod Bikehouse přeproša njedźelu, 5. měrca, wot 10 hodź. na wulět z hórskimi kolesami-mountainbikami. Tura ma dwě do tři hodźiny trać a přez lěsy wokoło Kamjenca wjesć. Start a cil budźetej při Bikehousu.
Nachwatanskej terminaj krutej
Sewjerowuchodny koparski zwjazk je za wupadnjenej dypkowej hrě regionalneho ligista FSV Budissa Budyšin nowej terminaj postajił. Hra Babelsberg – Budissa je za 8. měrc w 19 hodź. planowana, domjaca partija Budissa – Union Fürstenwalde za 22. měrc w 19 hodź.
Na probowy trening
